Naqif Həmzəyev: Yeni Azərbaycan Partiyası müstəqil Azərbaycanın yüksəlişinə, tərəqqisinə öz töhfələrini verib

Bakı:

19 °C

82 %

8 m/s

AZ RU EN

Ana səhifə / Sosial / Naqif Həmzəyev: Yeni Azərbaycan Partiyası müstəqil Azərbaycanın yüksəlişinə, tərəqqisinə öz töhfələrini verib

Naqif Həmzəyev: Yeni Azərbaycan Partiyası müstəqil Azərbaycanın yüksəlişinə, tərəqqisinə öz töhfələrini verib

22.11.2018 [09:18]

“21 noyabr 1992-ci il - Azərbaycan ictimai-siyasi fikir tarixinin ən əlamətdar, ən şərəfli səhifələrindən biridir. Məhz həmin gün müstəqil ölkəmizin inkişafında müstəsna xidmətləri olan Yeni Azərbaycan Partiyasının yarandığı gündür”. Bunu Yeni Azərbaycan Partiyası (YAP) Gəncə şəhər təşkilatının sədri, millət vəkili Naqif Həmzəyev deyib. Onun sözlərinə görə, Yeni Azərbaycan Partiyasının 26 illik tarixi müstəqil Azərbaycanın yeni tarixini əks etdirir. Partiya yarandığı gündən ölkədə həyata keçirilən hüquqi dövlət, vətəndaş cəmiyyəti quruculuğu, demokratik inkişaf prosesində yaxından iştirak edib, müstəqil Azərbaycanın yüksəlişinə, tərəqqisinə öz töhfələrini verib. “Bu gün böyük ruh yüksəkliyi ilə qeyd etdiyimiz Yeni Azərbaycan Partiyasının 26-cı ildönümü haqqında danışarkən ilk növbədə Ulu öndər Heydər Əliyevin uzaqgörənliklə müəyyənləşdirdiyi siyasi xətt əsasında Azərbaycanın inkişafı, tərəqqisi göz önündə canlanır, Onun xalq və dövlət qarşısındakı misilsiz xidmətləri hörmətlə, ehtiramla anılır”, - deyən millət vəkili qeyd edib ki, zamanın sınaqlarından uğurla çıxan Yeni Azərbaycan Partiyası ölkəmizdə Ulu öndər Heydər Əliyevin zəngin siyasi və dövlətçilik təcrübəsinə əsaslanan ən güclü, ən monolit siyasi təşkilat olduğunu, ictimai nüfuzuna görə onunla müqayisə edilə biləcək ikinci partiyanın mövcud olmadığını fəaliyyəti ilə təsdiq edib: “Yeni siyasi fəlsəfə ilə, yeni baxışlarla ölkənin siyasi meydanına qədəm qoyan partiya qısa bir zamanda böyük və nüfuzlu siyasi təşkilat olduğunu sübut edib. Azərbaycan Respublikasının Prezidenti, partiyanın Sədri cənab İlham Əliyevin dediyi kimi, Yeni Azərbaycan Partiyası Cənubi Qafqaz regionunun ən güclü siyasi qüvvəsinə çevrilib. Öz şərəfli tarixi missiyasını ləyaqətlə yerinə yetirən Yeni Azərbaycan Partiyası bütün situasiya və məqamlarda ardıcıl, məqsədyönlü şəkildə dövlətçilik, milli-mənəvi dəyərlərimizə sadiqlik mövqeyində dayanıb, xalqımızın arzularının təcəssümü, yekdil iradəsinin ifadəçisi kimi çıxış edib. Bu gün də Yeni Azərbaycan Partiyası ölkə Prezidenti cənab İlham Əliyevin uğurla həyata keçirdiyi islahatların reallaşmasında, ölkəmizin qüdrətinin artırılmasında yaxından iştirak edir”.
Naqif Həmzəyev vurğulayıb ki, Ulu öndər Heydər Əliyevin düzgün müəyyənləşdirdiyi siyasət, eyni zamanda, Prezident cənab İlham Əliyevin uğurla davam etdirdiyi xətt xalqın partiyaya sevgisini günbəgün artırıb: “Ulu öndər Heydər Əliyevin “Yeni Azərbaycan Partiyasına xidmət etmək dövlətə, xalqa xidmət etmək deməkdir” fikirləri hər bir dövr üçün aktuallığını qoruyur. Partiyanın 252 ərazi ilk partiya təşkilatında 41819 nəfər partiya üzvünü birləşdirən Gəncə şəhər təşkilatı da böyük inkişaf yolu keçərək, öz sıralarını daim genişləndirib, partiyanın proqram və prinsiplərinə uyğun olaraq qarşıya qoyulan vəzifələrin icrasını ləyaqətlə yerinə yetirib. Sevindirici haldır ki, təşkilatın üzvlərinin 56,3 faizini savadlı, vətənpərvər, xalqını, Vətənini sevən gənclər, 62,7 faizini isə qadınlar təşkil edir. 2018-ci ilin yola saldığımız on bir ayında 1746 nəfər partiya sıralarına qəbul edilib. Bütün bunlar Gəncə sakinlərinin partiyanın bu gününə və gələcəyinə olan inamının göstəriciləridir. Partiya sıralarına gələnlərin əksəriyyətinin gənclər olması Azərbaycan Respublikasının Prezidenti, Yeni Azərbaycan Partiyasının Sədri cənab İlham Əliyevin xalqımızın bütün təbəqələrinin, xüsusən gənclərin arasında yorulmaz fəaliyyəti, misilsiz xidmətləri ilə böyük inam və etibar, hörmət və nüfuz qazanmasını təsdiq edir. Bu, ondan xəbər verir ki, Azərbaycan gəncliyi öz potensial imkanlarını ortaya qoymaq üçün bu partiyada meydan görür. İnanırıq ki, Yeni Azərbaycan Partiyasının keçdiyi 26 illik şərəfli tarixi yol əbədi olacaq və partiya ölkəmizin qüdrətinin artırılmasında öz dəst-xətti, imzası ilə yeni töhfələrini xalqımıza ərməğan edəcək”.

Paylaş:

Baxılıb: 587 dəfə