Qazaxda “Azərbaycan Respublikasının Prezidenti İlham Əliyev multikulturalizmin Azərbaycan modeli haqqında” kitabının təqdimatı keçirilib

Bakı:

26 °C

61 %

9 m/s

AZ RU EN

Ana səhifə / Sosial / Qazaxda “Azərbaycan Respublikasının Prezidenti İlham Əliyev multikulturalizmin Azərbaycan modeli haqqında” kitabının təqdimatı keçirilib

Qazaxda “Azərbaycan Respublikasının Prezidenti İlham Əliyev multikulturalizmin Azərbaycan modeli haqqında” kitabının təqdimatı keçirilib

25.07.2018 [09:39]

İyulun 24-də Qazax rayonunun Gənclər Mərkəzində “Azərbaycan Respublikasının Prezidenti İlham Əliyev multikulturalizmin Azərbaycan modeli haqqında” kitabı qərb bölgəsi rayonlarının ictimaiyyət nümayəndələrinə təqdim olunub.
AZƏRTAC-ın bölgə müxbiri xəbər verir ki, təqdimatdan öncə Ümummilli lider Heydər Əliyevin Qazax şəhərinin mərkəzində ucaldılmış abidəsi ziyarət olunub, önünə gül dəstələri düzülüb.
Tədbiri Qazax Rayon İcra hakimiyyətinin başçısı Rəcəb Babaşov açaraq qonaqları salamlayıb.
Bakı Beynəlxalq Multikulturalizm Mərkəzinin şöbə müdiri Yadigar Məmmədli Mərkəzin fəaliyyəti, həyata keçirdiyi layihələr barədə danışıb.
Bildirilib ki, Azərbaycan Respublikasının multikulturalizm siyasətinin əsasını Ümummilli lider Heydər Əliyev qoyub. Müasir dövrdə isə bu siyasət Ulu öndərin layiqli davamçısı Prezident İlham Əliyev tərəfindən uğurla davam etdirilir. Prezident İlham Əliyevin rəhbərliyi ilə aparılan multikulturalizm siyasəti ölkə daxilində inteqrasiya proseslərini möhkəmləndirir. Beynəlxalq müstəvidə isə bu siyasət mədəniyyətlərarası və dinlərarası dialoqun inkişafına güclü təsir göstərir. Prezident İlham Əliyevin təşəbbüsü ilə 2016-cı ilin ölkəmizdə “Multikulturalizm ili”, 2017-ci ilin isə “İslam Həmrəyliyi ili” elan edilməsi multikulturalizm siyasətinə dövlətin önəm verməsinin bariz nümunəsidir.
Azərbaycan İlahiyyat İnstitutunun rektoru Ceyhun Məmmədov çıxışında vurğulayıb ki, Azərbaycan Respublikasının multikulturalizm siyasəti sahəsində əldə etdiyi uğurlar dünya ölkələri tərəfindən etiraf olunur.
Sonra Qazax rayon ictimaiyyətinin ziyalı nümayəndələri və dindarlar Azərbaycanda tarixən formalaşmış tolerant mühit və multikultural dəyərlər haqqında öz fikirlərini bölüşüb, ölkəmizdə həyata keçirilən dövlət-din münasibətlərinin yüksək səviyyədə olduğunu əyani misallarla tədbir iştirakçılarının diqqətinə çatdırıblar. Bununla belə, multikulturalizm və tolerantlığın ölkəmizdə sabitliyin əsasını təşkil etdiyini və bu siyasətin bundan sonra da qorunub saxlanmasının vacib olduğunu vurğulayıblar.
Qeyd edilib ki, oxuculara təqdim olunan və Azərbaycan, rus, ingilis dillərində nəşr olunan kitabda Prezident İlham Əliyevin 2003-cü ildən bəri müsahibə və çıxışlarında multikulturalizmin Azərbaycan modeli haqqında dəyərli fikirləri toplanıb. Nəşrdə dövlət başçısının təşəbbüsü və rəhbərliyi ilə Azərbaycanın multikulturalizmin, o cümlədən mədəniyyətlərarası və dinlərarası dialoqun inkişafı istiqamətində həyata keçirdiyi layihələrdən, həm ölkə daxilində, həm də beynəlxalq miqyasda bu sahədə əldə edilən nailiyyətlərdən bəhs olunur.
Kitabın ideya müəllifi Azərbaycan Respublikası Prezidenti Administrasiyasının rəhbəri, akademik Ramiz Mehdiyev, məsləhətçisi Azərbaycan Prezidentinin İctimai-siyasi məsələlər üzrə köməkçisi, tarix elmləri doktoru, professor Əli Həsənov, tərtibçiləri Prezident Administrasiyasının Millətlərarası münasibətlər, multikulturalizm və dini məsələlər şöbəsinin müdiri, fəlsəfə elmləri doktoru, professor Etibar Nəcəfov, Bakı Beynəlxalq Multikulturalizm Mərkəzinin Himayəçilik Şurasının sədri, akademik Kamal Abdulla, AZƏRTAC-ın baş redaktoru Cavid Bədəlov və BBMM-in şöbə müdiri Sərxanbəy Xuduyevdir.

Paylaş:

Baxılıb: 562 dəfə