Daşkəsəndə 2018-ci ilin birinci rübü uğurla yekunlaşıb

Bakı:

30 °C

39 %

5 m/s

Əlaqə

AZ RU EN

Ana səhifə / Sosial / Daşkəsəndə 2018-ci ilin birinci rübü uğurla yekunlaşıb

Daşkəsəndə 2018-ci ilin birinci rübü uğurla yekunlaşıb

19.04.2018 [09:50]

Aprelin 18-də Daşkəsən rayon İcra Hakimiyyətində 2018-ci ilin birinci rübünün sosial-iqtisadi inkişafının yekunları və qarşıda duran vəzifələrə həsr olunmuş ümumrayon hesabat yığıncağı keçirilib. Yığıncağı giriş nitqi ilə Daşkəsən rayon İcra Hakimiyyətinin başçısı Əhəd Abıyev açaraq hesabat məruzəsi ilə çıxış edib. O deyib ki, Prezident İlham Əliyevin son on beş il ərzində uğurlu siyasətinin nəticəsində Azərbaycan iqtisadiyyatı sürətlə inkişaf edib, əhalinin rifahı yüksəlib, yeni-yeni nailiyyətlər, qələbələr qazanılıb. Ölkəmiz regionda lider dövlətə çevrilib: “Azərbaycan xalqının 2018-ci ilin 11 aprel seçkisində seçimi son on beş ildə cənab Prezident İlham Əliyevin uğurlu siyasətinə, ölkədə inkişaf və tərəqqiyə verilən qiymətin bariz təzahürüdür. Aprelin 11-də keçirilmiş prezident seçkiləri bir çox beynəlxalq təşkilatlar və müşahidəçilər tərəfindən yüksək qiymətləndirilmiş və iqtidarın demokratiya, qanunun aliliyi, insan hüquqlarına hörmət, hüquqi demokratik dövlətin əsaslarının möhkəmləndirilməsi kursunun dəyişməzliyinə sədaqətini əyani şəkildə nümayış etdirmişdir. Prezident seçkilərində daşkəsənlilər xüsusi fəallıq göstərmiş, Ulu öndər Heydər Əliyevin siyasi kursunun layiqli davamçısı, müstəqil Azərbaycan Respublikasını işıqlı gələcəyə aparan cənab İlham Əliyevə sevgilərini bir daha nümayiş etdirmişlər. Seçkidə iştirak etmiş daşkəsənli seçicilərin 85,56 faizi cənab İlham Əliyevə səs vermişdir”.
Daha sonra cari ilin birinci rübündə rayonda əldə olunmuş nailiyyətlər haqqında danışan Əhəd Abıyev deyib ki, respublikamızın digər rayonlarında olduğu kimi, Daşkəsən rayonunda da hesabat dövründə bir çox uğurlu işlər görülüb və nailiyyətlər əldə olunub: “Belə ki, iqtisadiyyatın əsas sahələrində istehsal olunmuş məhsul və xidmətlərin ümumi həcmi əvvəlki ilin eyni dövrünə nisbətən müxtəlif sahələr üzrə xeyli artmışdır. Rayon ərazisində bir sıra tikinti, təmir-bərpa, yenidənqurma, abadlıq-quruculuq işləri görülmüşdür və hazırda da həmin işlər davam etdirilməkdədir”.
Daşkəsən rayon İcra Hakimiyyətinin başçısı Əhəd Abıyevin məruzəsindən sonra rayon üzrə Maliyyə İdarəsinin rəisi Natiq Zeynalov, RİHB-nin Daşkəsən şəhər İƏDÜN-si Nüsrət Vəliyev və digərləri çıxışlar edib, qarşıda duran vəzifələrin icrasından danışıb, daşkəsənlilərə göstərilən diqqət və qayğıya görə Prezident İlham Əliyevə öz minnətdarlıqlarını bildiriblər.
Yığıncaqda müzakirə olunan məsələlərlə əlaqədar qərar qəbul edildikdən sonra toplantı iştirakçıları adından ölkə Prezidenti cənab İlham Əliyevə müraciət qəbul olunub.

Paylaş:

Baxılıb: 588 dəfə