Qaradağ seçiciləri yekdilliklə cənab İlham Əliyevə səs verəcəklər

Bakı:

27 °C

47 %

3 m/s

Əlaqə

AZ RU EN

Ana səhifə / Sosial / Qaradağ seçiciləri yekdilliklə cənab İlham Əliyevə səs verəcəklər

Qaradağ seçiciləri yekdilliklə cənab İlham Əliyevə səs verəcəklər

07.04.2018 [10:02]

Yeni Azərbaycan Partiyası Qaradağ rayon təşkilatı cənab İlham Əliyevin təbliğat-təşviqat kampaniyası çərçivəsində seçicilərlə növbəti görüş keçirib
Yeni Azərbaycan Partiyası (YAP) Qaradağ rayon təşkilatı prezident seçkilərində YAP-ın namizədi cənab İlham Əliyevin təbliğat-təşviqat kampaniyası çərçivəsində seçicilərlə növbəti görüş keçirib. Yüksək seçici fəallığı və qələbəliklə baş tutan görüşü giriş sözü ilə açan YAP Qaradağ rayon təşkilatının sədri, partiyanın Siyasi Şurasının üzvü, Milli Məclisin deputatı Aydın Hüseynov YAP-ın namizədi və xalqımızın alternativsiz lideri cənab İlham Əliyevin ölkəmizə rəhbərlik etdiyi illərdə Azərbaycanın qazandığı möhtəşəm nailiyyətlər barədə geniş məlumat verib. Aydın Hüseynov deyib ki, hazırda dünyanın ən sürətlə inkişaf edən ölkələrindən biri olan Azərbaycanda vətəndaşların sosial rifahının və həyat standartlarının yüksəldilməsi, regional inkişaf proqramlarının uğurla icrası, ölkəmizin beynəlxalq mövqeyinin daha da gücləndirilməsi, demokratik təsisatların fəaliyyətinin genişləndirilməsi istiqamətində də möhtəşəm nailiyyətlər əldə olunub. “Əminik ki, xalqımız 11 aprel tarixində öz işıqlı gələcəyi naminə ən düzgün qərarı verəcək və müasir Azərbaycanı son 15 ildə böyük zirvələrə qaldırmış, bu gün qürurla bəhs etdiyimiz nailiyyətlərin memarı olan cənab İlham Əliyevə səs verəcək”.
Görüşdə çıxış edən Milli Məclisin Aqrar siyasət komitəsinin sədri, YAP İdarə Heyətinin üzvü Eldar İbrahimov Ulu öndər Heydər Əliyevin təməlini qoyduğu uğurlu siyasətin son 15 ildə Prezident İlham Əliyev tərəfindən ardıcıllıqla davam etdirilməsinin ölkəmizin hərtərəfli və uzunmüddətli inkişafına möhkəm əsaslar formalaşdırdığını diqqətə çatdırıb. “Partiyamızın namizədi cənab İlham Əliyevin titanik fəaliyyəti Azərbaycanı nümunəvi inkişaf modelinə malik güclü dövlətə çevirib. Bu gün hər bir Azərbaycan vətəndaşı öz ölkəsi və Prezidenti ilə qürur duyur. Hesab edirəm ki, bu amil aprelin 11-də insanların doğru seçim etmələri üçün əsas olacaq”, - deyə E.İbrahimov bildirib.
Çıxış edən Azərbaycan Rus İcmasının rəhbəri, YAP İdarə Heyətinin üzvü, Milli Məclisin deputatı Mixail Zabelin deyib ki, bütün Azərbaycan xalqı kimi, Azərbaycanın Rus İcması da Prezidentimiz İlham Əliyevin inkişaf etmiş demokratik, hüquqi dövlət quruculuğuna, cəmiyyətdə həmrəyliyə, Azərbaycanda yaşayan müxtəlif millətlərin nümayəndələri arasında tolerantlıq və dostluq mühitinin möhkəmlənməsinə, ölkənin sosial-iqtisadi inkişafının sürətlənməsinə və xalqın həyat səviyyəsinin artmasına yönəldilmiş əməli fəaliyyətini yüksək qiymətləndirir: “Bu mənada, Azərbaycan Respublikasının Prezidenti seçkilərində Rus İcması layiqli namizəd kimi cənab İlham Əliyevi yekdilliklə dəstəkləyir”.
Görüşdə çıxış edən Azərbaycan Dövlət İqtisad Universitetinin rektoru, professor Ədalət Muradov və AMEA-nın İnformasiya Texnologiyaları İnstitutunun direktoru, AMEA-nın həqiqi üzvü Rasim Əliquliyev də prezident seçkilərinin Azərbaycanın demokratik inkişafında mühüm rolu barədə ətraflı məlumat veriblər. Daha sonra natiqlər YAP-ın namizədi cənab İlham Əliyevin ölkəmizə rəhbərlik etdiyi 15 il ərzində qazanılmış əzəmətli nailiyyətlər haqqında faktları diqqətə çatdıraraq Azərbaycanın möhtəşəm nailiyyətlərinin davamı üçün seçiciləri cənab İlham Əliyevə səs verməyə çağırıblar.
Görüşdə çıxış edən Yeni Azərbaycan Partiyası Qaradağ rayon təşkilatının Seçki Qərargahının üzvləri Xaliq Məmmədov, Nazim Hüseynov, rayon sakinləri Rafiq Şaxverdiyev, Süsən Fətullayeva, Allahverdi Məmmədov və digərləri də vurğulayıblar ki, seçicilər cənab İlham Əliyevə səs verməklə ölkəmizdəki sabitliyə, geniş islahatlar kursunun davamına, daha böyük iqtisadi nailiyyətlərə və vətəndaşların həyatlarının daha yaxşı təmin olunmasına səs vermiş olacaqlar.

Paylaş:

Baxılıb: 2022 dəfə