Azərbaycan ümumbəşəri əhəmiyyət daşıyan ideyaların bütün dünyaya ünvanlandığı ənənəvi məkan statusunu qoruyur

Bakı:

23 °C

78 %

6 m/s

AZ RU EN

Ana səhifə / Sosial / Azərbaycan ümumbəşəri əhəmiyyət daşıyan ideyaların bütün dünyaya ünvanlandığı ənənəvi məkan statusunu qoruyur

Azərbaycan ümumbəşəri əhəmiyyət daşıyan ideyaların bütün dünyaya ünvanlandığı ənənəvi məkan statusunu qoruyur

29.11.2017 [10:28]

Noyabrın 28-də Qafqaz Müsəlmanları İdarəsinin (QMİ) sədri şeyxülislam Allahşükür Paşazadə İsveçin Dini İcmalara Dəstək üzrə Dövlət Agentliyinin baş direktoru Oke Goranssonun rəhbərlik etdiyi nümayəndə heyəti ilə görüşüb.
AZƏRTAC xəbər verir ki, Allahşükür Paşazadə görüşdə Ümummilli lider Heydər Əliyevin uzaqgörənliklə əsasını qoyduğu və bu gün Prezident İlham Əliyevin uğurla davam etdirdiyi dövlət-din münasibətlərinin sağlam prinsiplər üzərində qurulduğunu deyib. O bildirib ki, 2016-cı və 2017-ci illərin Prezident İlham Əliyev tərəfindən Azərbaycanda müvafiq olaraq “Multikulturalizm İli” və “İslam Həmrəyliyi İli” elan olunması bütün müsəlman aləminə və dünyaya xoşməramlı bir mesajdır. “İslam Həmrəyliyi İli” ilə bağlı Azərbaycanda və xarici ölkələrdə bir çox konfransların keçirildiyini deyən şeyxülislam bu tədbirlərin nəinki həmin ölkələrin dindarları, həmçinin ictimai-siyasi dairələri tərəfindən də böyük maraqla qarşılandığını qeyd edib.
Azərbaycanda tolerantlığın dövlət siyasəti olduğunu deyən Allahşükür Paşazadə bildirib ki, ölkəmiz ümumbəşəri əhəmiyyət daşıyan ideyaların bütün dünya ictimaiyyətinə ünvanlandığı ənənəvi məkan statusunu qorumaqdadır.
QMİ sədri dünyada müxtəlif sahələrdə, o cümlədən mənəvi dəyərlər zəminində yaşanan böhranların fövqündə Azərbaycanda dinlərarası dostluq və qardaşlıq mühitinin mövcudluğunu olduqca böyük nailiyyət kimi dəyərləndirib. O vurğulayıb ki, bu, dövlətimizin siyasəti, Azərbaycan Prezidentinin mövqeyi ilə sıx bağlı olan bir məqamdır. Dünya üçün önəm kəsb edən, ümumbəşəri mənafelərə xidmət edən multikulturalizm və İslam həmrəyliyi kimi qlobal ideyalar irəli sürən Prezident İlham Əliyevin fəaliyyətinin bu mənada əhəmiyyətini xüsusi qeyd edən QMİ sədri belə bir siyasətin gözəl örnək olduğunu vurğulayıb.
Azərbaycana səfəri çərçivəsində ölkəmizlə yaxından tanış olmaq fürsəti əldə etdiklərini deyən İsveçin Dini İcmalara Dəstək üzrə Dövlət Agentliyinin baş direktoru Oke Goransson səfər zamanı bütün dünyanı narahat edən bir sıra məsələlərin də müzakirə olunacağını bildirib. O, 2016-cı və 2017-ci illərin Azərbaycanda “Multikulturalizm” və “İslam Həmrəyliyi” illəri elan olunmasını yüksək dəyərləndirdiyini qeyd edib.
Görüşdə iştirak edən İsveçin Azərbaycandakı səfiri İnqrid Tersman bildirib ki, Azərbaycan və İsveç xalqlarını bir çox ortaq dəyərlər birləşdirir. İsveçin Dini İcmalara Dəstək üzrə Dövlət Agentliyinin nümayəndə heyətinin ilk səfərini Azərbaycana etməsi münasibətlərə verilən dəyərin göstəricisidir.

Paylaş:

Baxılıb: 550 dəfə