Olqa Savran: Azərbaycanda korrupsiyaya qarşı mübarizə sahəsində mövcud qanunvericilik beynəlxalq standartlara tam uyğundur

Bakı:

19 °C

68 %

4 m/s

AZ RU EN

Ana səhifə / Sosial / Olqa Savran: Azərbaycanda korrupsiyaya qarşı mübarizə sahəsində mövcud qanunvericilik beynəlxalq standartlara tam uyğundur

Olqa Savran: Azərbaycanda korrupsiyaya qarşı mübarizə sahəsində mövcud qanunvericilik beynəlxalq standartlara tam uyğundur

26.10.2017 [10:22]

Azərbaycan ilə İqtisadi Əməkdaşlıq və İnkişaf Təşkilatı (OECD) arasında səmərəli əməkdaşlıq əlaqələri var. Bu əməkdaşlıq Azərbaycanın 2003-cü ildə İstanbul Antikorrupsiya Fəaliyyət Planına qoşulmasından sonra xeyli möhkəmlənib.
AZƏRTAC xəbər verir ki, bu fikri OECD-nin Şərqi Avropa və Mərkəzi Asiya üçün Antikorrupsiya Şəbəkəsinin (ACN) meneceri xanım Olqa Savran jurnalistlərə müsahibəsində deyib.
O.Savran bildirib: “Fəaliyyət Planına əsasən, Azərbaycan Hökuməti ölkədə antikorrupsiya vəziyyətinin monitorinqini aparmalı və bu sahədə qanunvericiliyin beynəlxalq standartlara uyğunluğunun hansı səviyyədə olduğunu, həmçinin ölkədə antikorrupsiya siyasətinin inkişafı vəziyyətini müəyyən etməli idi. Əminliklə deyə bilərik ki, son on il ərzində Azərbaycanda bu sahədə ciddi uğurlar əldə olunub. Ölkənizdə mövcud qanunvericiliyin beynəlxalq standartlara tam uyğunluğu təqdirəlayiq haldır”.
OECD-nin üzv və tərəfdaş ölkələrdə hüquq mühafizə orqanları işçilərinin antikorrupsiya məsələləri ilə bağlı bilik və bacarıqlarının artırılmasına xüsusi diqqət yetirdiyini diqqətə çatdıran qonaq bu baxımdan Baş Prokuror yanında Korrupsiyaya Qarşı Mübarizə Baş İdarəsinin inzibati binasında keçirilən OECD-nin Şərqi Avropa və Mərkəzi Asiya üçün Antikorrupsiya Şəbəkəsinin Hüquq Mühafizə Orqanları Şəbəkəsinin “Korrupsiya cinayətlərinin istintaqı və cinayət təqibi: cinayət yolu ilə əldə edilmiş gəlirlərin müsadirəsi, əmlakın bərpası və prokurorların müstəqilliyi” mövzusunda 8-ci görüşünün əhəmiyyətini xüsusi vurğulayaraq bildirib: “Bu mühüm tədbirin yüksək səviyyədə təşkil olunması Azərbaycan Hökumətinin korrupsiyaya qarşı mübarizə işinə göstərdiyi diqqətin daha bir sübutudur. Korrupsiyaya Qarşı Mübarizə Baş İdarəsinin təcrübəli və peşəkar kollektivi var və biz bu qurumun səmərəli fəaliyyəti ilə bağlı məruzəni dinləməkdə maraqlıyıq”.
O.Savran xüsusi vurğulayıb ki, bu gün Azərbaycan korrupsiyaya qarşı təkcə ölkə daxilində mübarizə aparmaqla kifayətlənmir, bu sahədə beynəlxalq əməkdaşlığa da böyük əhəmiyyət verir. Bu gün Bakıda keçirilən tədbirdə müxtəlif ölkələri və aidiyyəti qurumları təmsil edən mütəxəssislər korrupsiyaya qarşı mübarizə sahəsində səmərəli müzakirələr aparır, təcrübələrini bölüşürlər. Ümidvaram, bu tədbir korrupsiyaya qarşı mübarizədə prokurorlar və hüquq mühafizə orqanlarının əməkdaşları üçün çox səmərəli olacaq.

Paylaş:

Baxılıb: 485 dəfə