Yevlaxda ilin altı ayında daxili məhsulun həcmi 21,7 faiz artıb

Bakı:

22 °C

73 %

13 m/s

Əlaqə

AZ RU EN

Ana səhifə / Sosial / Yevlaxda ilin altı ayında daxili məhsulun həcmi 21,7 faiz artıb

Yevlaxda ilin altı ayında daxili məhsulun həcmi 21,7 faiz artıb

20.07.2017 [09:18]

İlin birinci yarısında Yevlax rayonunda daxili məhsulun həcmi 320,8 milyon manat olub. Bu, ötən ilin eyni dövrünə nisbətən 57,9 milyon manat və yaxud 21,7 faiz çoxdur. Məhsul buraxılışının 4,8 milyon manatını sənaye, 41,7 milyon manatını kənd təsərrüfatı, 33,8 milyon manatını tikinti təşkil edib. Bütün maliyyə mənbələri hesabına kapital qoyuluşunun həcmi 35 milyon 80 min manat olub. Adambaşına 2528 manat məhsul istehsal edilib ki, bu da 2016-cı ilin altı ayına nisbətən 439 manat və yaxud 21,1 faiz çoxdur. Birinci yarım ildə 911-i daimi olmaqla, 1175 nəfər işlə təmin edilib.
AZƏRTAC xəbər verir ki, bu faktlar Yevlax rayonunda 2017-ci ilin altı ayının yekunlarına həsr olunan hesabat yığıncağında səsləndirilib.
Yevlax şəhər İcra Hakimiyyətinin başçısı Qoca Səmədovun məruzəsində bildirilib ki, hesabat dövründə tikinti, quruculuq və abadlıq işləri davam etdirilib, infrastrukturun yaxşılaşdırılmasına, əhalini narahat edən problemlərin aradan qaldırılmasına xüsusi diqqət yetirilib. Cari ildə İqtisadiyyat Nazirliyinin Aran regional inkişaf mərkəzinin binası, Salahlı-Balçılı-Ağqırax-Varvara-Cırdaxan-Yevlax şəhərinə giriş kəndlərarası avtomobil yolu, Mingəçevir-Bəhrəmtəpə avtomobil yolunun Mingəçevir-Aran qəsəbəsi hissəsi istifadəyə verilib. Varvara balıqartırma və yetişdirmə zavodu, Varvara su elektrik stansiyası yenidən qurulub. Aşağı Qarxun və Nemətabad kənd körpələr evi-uşaq bağçaları əsaslı təmir edilib. Hazırda Kür çayı sahilində 5 ulduzlu hotelin, 12 saylı Ərazi Vergilər Departamentinin, 100 yerlik uşaq bağçasının binalarının, dəmir yol körpüsünün, Aran qəsəbəsində ailə sağlamlıq mərkəzinin tikintisi aparılır.
Diqqətə çatdırılıb ki, birinci yarım ildə ötən ilin eyni dövrü ilə müqayisədə 2,9 faiz çox kənd təsərrüfatı məhsulu istehsal edilib. 2017-ci ilin məhsulu üçün rayonda 220,5 hektarda kartof, 228,7 hektarda tərəvəz, 1325 hektarda yonca, 10 min 574 hektarda taxıl, 2168 hektarda pambıq əkilib, 5585 kiloqram barama tədarük edilib. 2016-cı ilin birinci yarısı ilə müqayisədə ət 5,4 ton, süd 66 ton, yun 4 ton çox istehsal olunub.
Əkin sahələrinin suvarılmasının yaxşılaşdırılması və məhsuldarlığının yüksəldilməsi məqsədilə 119 kilometr suvarma kanalı lildən təmizlənib, 1 nasos stansiyası, 2000 metr beton kanal, nasos stansiyalara xidmət edən təzyiqli boru kəmərləri təmir olunub. Bundan başqa, rayonun 12 kəndində 28 min hektar sahədə meliorasiya işlərinə başlanılıb.
Məruzə və çıxışlarda əhalinin həyat şəraitinin yaxşılaşdırılması, elektrik enerjisi, təbii qaz və su ilə təminatı, təhsilin, mədəniyyətin inkişafı sahəsində görülən işlər təhlil edilib, uğurlarla yanaşı, problemlər də sadalanıb, onların həlli üçün təkliflər irəli sürülüb.

Paylaş:

Baxılıb: 607 dəfə