Mətbuat Şurasının təşəbbüsü ilə jurnalistlərin fransalı senatorlarla görüşü keçirilib

Bakı:

28 °C

56 %

2 m/s

Əlaqə

AZ RU EN

Ana səhifə / Sosial / Mətbuat Şurasının təşəbbüsü ilə jurnalistlərin fransalı senatorlarla görüşü keçirilib

Mətbuat Şurasının təşəbbüsü ilə jurnalistlərin fransalı senatorlarla görüşü keçirilib

17.06.2015 [10:26]

Ötən şənbə Beynəlxalq Mətbuat Mərkəzində Fransa Senatının üzvləri Natali Qulenin və Andre Riçardın jurnalistlərlə görüşü keçirilib. Azərbaycan Mətbuat Şurasının təşkilatçılığı ilə baş tutmuş görüşü giriş sözü ilə MŞ sədri Əflatun Amaşov açıb. Ə.Amaşov öncə birinci Avropa Oyunlarının möhtəşəm açılış mərasimindən söz açıb. Ölkəmizin bu beynəlxalq tədbirlə dünyanı dostluğa, sülhə, qardaşlığa, bərabərliyə səslədiyini vurğulayıb.
Senator N.Qule də birinci Avropa Oyunlarının açılış mərasiminin onda zəngin təəssürat yaratdığını vurğulayıb. O bildirib ki, Azərbaycan belə təqdimatla dünyaya sülh və barış mesajını verməklə yanaşı, özünü mühüm mədəniyyət mərkəzi kimi təqdim edib. O, habelə Azərbaycanın Qərbin mühüm strateji tərəfdaşı olduğunu diqqətə çatdırıb. Xüsusən də Azərbaycan-Fransa münasibətləri üzərində dayanıb. Ölkələr arasındakı dostluq əlaqələrinin müxtəlif istiqamətlərini sadalayıb. N.Qule birinci Avropa Oyunları öncəsi Azərbaycana təzyiq cəhdlərindən də danışıb. Azərbaycanın Qərbin mühüm tərəfdaşı olduğunu bir daha vurğulamaqla ölkəmizin şimalda Rusiya, cənubda İran dövlətilə qonşu olduğunu xatırladıb və əlavə edib ki, Qərb mətbuatı mövcud reallığı mütləq şəkildə nəzərə almalıdır.
Milli Məclisin deputatı, Mətbuat Şurasının beynəlxalq əlaqələr komissiyasının sədri Cavanşir Feyziyev də birinci Avropa Oyunlarının açılış mərasiminin yüksək səviyyədə təşkilindən qürur hissi keçirdiyini dilə gətirib. Mühüm idman hadisəsinin dünyaya çatdırılması üçün beynəlxalq miqyasda tanınmış kütləvi informasiya vasitələrinin ölkəmizdə təşrif buyurduğunu qeyd edən C.Feyziyev bildirib ki, MŞ xarici media nümayəndələrinin və siyasi ictimai xadimlərin yerli jurnalistlərlə görüşünün təşkilinə xüsusi önəm verir. Bu baxımdan İsrailin və Türkiyənin media nümayəndələri ilə təmaslarının olduğunu deyib.
Fransa-Azərbaycan dostluq qrupunun üzvü, senator Andre Riçard çıxışına ölkəmizdə keçirilən birinci Avropa Oyunlarının açılış mərasimi barədə təəssüratlarını bölüşməklə başlayıb. Mərasimin onu valeh etdiyini bildirən A.Riçard Fransanın Oyunlarda iştirakçı idmançı sayına görə 3-cü yerdə qərarlaşdığını əlamətdar hal kimi diqqətə çatdırıb. O, gənc, müstəqil dövlət olan Azərbaycanın böyük perspektivə malik olduğunu vurğulayıb.
Görüşdə senatorlar N.Quleyə və A.Riçarda Azərbaycan və Fransa arasındakı dostluq münasibətlərinin inkişafındakı xidmətlərinə görə Mətbuat Şurasının fəxri diplomları təqdim edilib.

Paylaş:

Baxılıb: 949 dəfə