Gəncədə “Kadastr və daşınmaz əmlakın qeydiyyatı” layihəsinin ictimai təqdimatı keçirilib

Bakı:

18 °C

88 %

9 m/s

Əlaqə

AZ RU EN

Ana səhifə / Sosial / Gəncədə “Kadastr və daşınmaz əmlakın qeydiyyatı” layihəsinin ictimai təqdimatı keçirilib

Gəncədə “Kadastr və daşınmaz əmlakın qeydiyyatı” layihəsinin ictimai təqdimatı keçirilib

16.12.2014 [09:42]

Dekabrın 15-də Gəncə şəhərindəki “RAMADA Plaza” otelində Əmlak Məsələləri Dövlət Komitəsinin təşkilatçılığı ilə “Kadastr və daşınmaz əmlakın qeydiyyatı layihəsi: mövcud vəziyyət və hədəflər” mövzusunda ictimai təqdimat keçirilib.
AzərTAc xəbər verir ki, təqdimat mərasimdə Əmlak Məsələləri Dövlət Komitəsi aparatının, Daşınmaz Əmlakın Kadastr və Texniki İnventarlaşdırma Mərkəzinin, komitənin regional idarələrinin, yerli icra hakimiyyətinin, bələdiyyə orqanlarının, aidiyyəti dövlət qurumlarının, ictimai birliklərin nümayəndələri, həmçinin Almaniyanın KFW Bankının, komitənin həyata keçirdiyi layihələrdə əməkdaşlıq etdiyi beynəlxalq şirkət və təşkilatların, özəl şirkətlərin təmsilçiləri iştirak ediblər.
Təqdimat mərasimini Əmlak Məsələləri Dövlət Komitəsinin Daşınmaz Əmlakın Kadastr və Texniki İnventarlaşdırma Mərkəzinin direktoru Ramiz Quliyev açaraq diqqətə çatdırıb ki, hazırda ölkəmizdə müasir dünya təcrübələrinə əsaslanan yeni kadastr sistemi formalaşdırılmaqla, daşınmaz əmlakın kadastrı sahəsində qanunvericiliyin təkmilləşdirilməsi üçün normativ-hüquqi baza yaradılır, beynəlxalq əməkdaşlıq çərçivəsində kadastr sahəsində qabaqcıl dünya təcrübəsi öyrənilir.
Qeyd edilib ki, Gəncənin və Şəkinin daşınmaz əmlakları haqqında elektron kadastr məlumat bazasının və rəqəmsal kadastr xəritələrinin yaradılmasını nəzərdə tutan bu layihənin əsas məqsədi də məhz daşınmaz əmlakın kadastr işlərinin inkişafının təmin edilməsi, daşınmaz əmlak üzərində hüquqların qeydiyyatı ilə bağlı xidmətləri yüksəltməkdən ibarətdir.
Təqdimat mərasimində o da vurğulanıb ki, “Kadastr və daşınmaz əmlakın qeydiyyatı” layihəsinin icrasına 2013-cü ilin oktyabrından başlanılıb və 2016-cı ilin aprelinədək davam edəcəkdir. Bu müddət ərzində layihənin hədəflərinə çatmaqla, Gəncə və Şəkidə ərazilərdəki daşınmaz əmlaklar barədə mükəmməl elektron kadastr-məlumat bazası formalaşdırılacaq və bu elektron kadastr məlumatlarından istifadə etməklə daşınmaz əmlaklar üzərində hüquqların qeydiyyatı, obyektlərin kadastr uçotuna alınması, əmlakla bağlı müxtəlif arayış və sənədlərin verilməsi işlərinin elektron xidmətə keçidi təmin ediləcəkdir. Eyni zamanda, layihə ərazilərində daşınmaz əmlakın kadastr məlumatlarından istifadə etməklə memarlıq-planlaşdırma, əmlakların qiymətləndirilməsi, ünvan işlərinin müasir tələblər çərçivəsində qurulması üçün şərait yaranacaqdır. Layihənin həyata keçirilməsi daşınmaz əmlak idarəçiliyinə və şəhər təsərrüfatının səmərəli idarə edilməsinə informasiya təminatı baxımından əhəmiyyətli yardım edəcəkdir. Bu da öz növbəsində vətəndaşlara göstərilən elektron xidmətlərin tətbiqi üçün mühüm informasiya mənbəyi olacaqdır.
Tədbirdə rayon icra hakimiyyəti, bələdiyyələr, idarə, müəssisə, təşkilat və digər əlaqəli tərəflər arasında məlumatlandırma və fəaliyyətlərin əlaqələndirilməsi məsələləri ətrafında müzakirələr aparılıb, Azərbaycanda daşınmaz əmlakın kadastrı və ünvan reyestri sahəsində xidmətlər mövzusunda çıxışlar olub.
Layihənin rəhbəri Oliver Xaitsmanın “Kadastr və daşınmaz əmlakın qeydiyyatı” layihəsinin məqsəd və icra vəziyyəti, həmçinin kadastr məlumatlarından istifadə istiqamətləri ilə bağlı çıxışı da maraqla dinlənilib.

Paylaş:

Baxılıb: 945 dəfə