Binəqədi rayonunda 18 oktyabr - Dövlət Müstəqilliyi Günü münasibətilə tədbir keçirilib

Bakı:

26 °C

57 %

1 m/s

Əlaqə

AZ RU EN

Ana səhifə / Sosial / Binəqədi rayonunda 18 oktyabr - Dövlət Müstəqilliyi Günü münasibətilə tədbir keçirilib

Binəqədi rayonunda 18 oktyabr - Dövlət Müstəqilliyi Günü münasibətilə tədbir keçirilib

18.10.2014 [11:07]

Oktyabrın 16-da Binəqədi rayonunda 18 oktyabr - Dövlət Müstəqilliyi Günü münasibətilə tədbir keçirilib. Tədbirdə Binəqədi rayon İcra Hakimiyyətinin (RİH) başçısı Xaləddin İsgəndərov, millət vəkilləri Hüseynbala Mirələmov, Rəfael Cəbrayılov, Madər Musayev, Binəqədi RİH başçısının müavinləri, Aparatın şöbə müdirləri, rayonun hüquq-mühafizə orqanları və icra strukturlarının rəhbərləri, rayonun ziyalıları və ictimaiyyətinin nümayəndələri iştirak ediblər.
Tədbirdən öncə Binəqədi RİH başçısı və qonaqlar Ulu öndər Heydər Əliyevin Binəqədi rayon İcra Hakimiyyətinin inzibati binasındakı abidəsi önünə gül dəstələri düzərək xatirəsinə ehtiramlarını bildiriblər.
Sonra Binəqədi rayon İcra Hakimiyyətinin inzibati binasındakı akt zalında gerçəkləşən tədbirdə tanınmış yazıçı, millət vəkili Hüseynbala Mirələmovun qələmə aldığı “Xəcalət” pyesi əsasında səhnələşdirilmiş eyniadlı tamaşa nümayiş etdirilib. Azərbaycan Akademik Milli Dram Teatrı kollektivinin ifasında göstərilən, vətənpərvərlik, dövlətə və xalqa sədaqət ruhunu tərənnüm edən tamaşada insan mənəviyyatının hər şeyin fövqündə olduğu ifadə olunub, həmçinin, Qarabağla bağlı Azərbaycan həqiqətləri, erməni qəsbkarlarının əzəli yurd yerlərimizi işğal etməsi, soydaşlarımızı qırğınlara, qətliamlara məruz qoyması bədii obrazların dili ilə canlandırılıb. Tamaşa ölkəmizin ərazi bütövlüyünün istənilən yolla təmin edilməsi, Vətənə, dövlətə, xalqa sədaqət və məhəbbət ruhunu ifadə edən fikirlərlə yekunlaşıb. Binəqədi rayon İcra Hakimiyyətinin təşəbbüsü ilə gənclər və yeniyetmələr arasında vətənpərvərlik hisslərinin gücləndirilməsinə, onların dövlətə və millətə sədaqət ruhunda formalaşdırılmasına istiqamətləndirilmiş tədbirlərdən biri kimi bu tamaşanın da nümayişi tədbir iştirakçıları tərəfindən maraqla qarşılanıb.
Tamaşa yekunlaşdıqdan sonra Binəqədi rayon İcra Hakimiyyətinin başçısı Xaləddin İsgəndərov çıxış edərək dövlət müstəqilliyinin bərpa olunmasının 23 illiyi münasibətilə tədbir iştirakçılarını təbrik edib. Tamaşanın tərbiyəvi baxımdan əhəmiyyətli olduğunu vurğulayan RİH başçısı, bu gün ölkə müstəqilliyinin gerçək təminatçısı olan Prezident İlham Əliyevin yorulmaz fəaliyyətini qeyd edib. X.İsgəndərovun çıxışında təbii sərvətlərlə zəngin olan bir sıra ölkələrdə hökm sürən xaosa, müstəqilliyin formal olmasına toxunulub, bunun fonunda Azərbaycanın sözün həqiqi mənasında müstəqil dövlət kimi möhkəmlənməsinin Ulu öndər Heydər Əliyevin əsasını qoyduğu və Prezident İlham Əliyev tərəfindən layiqincə yerinə yetirilən məqsədyönlü, ən əsası, dövlətin və xalqın maraqlarına söykənən siyasət nəticəsində reallaşdığı xüsusi vurğulanıb.
Bayram tədbiri əsərin müəllifi - yazıçı, millət vəkili Hüseynbala Mirələmovun çıxışı ilə başa çatıb.

Paylaş:

Baxılıb: 1091 dəfə