Xocalı qətliamı XX əsrdə törədilmiş ən dəhşətli faciədir

Bakı:

26 °C

52 %

0 m/s

Əlaqə

AZ RU EN

Ana səhifə / Sosial / Xocalı qətliamı XX əsrdə törədilmiş ən dəhşətli faciədir

Xocalı qətliamı XX əsrdə törədilmiş ən dəhşətli faciədir

26.02.2014 [09:45]

Fevralın 25-də Nərimanov rayon İcra Hakimiyyətində Xocalı soyqırımının 22-ci ildönümü ilə bağlı anım mərasimi keçirilib.
AzərTAc xəbər verir ki, mərasimdə rayon icra hakimiyyətinin rəhbərliyi, idarə, müəssisə və təşkilat rəhbərləri, ictimaiyyətin, qeyri-hökumət təşkilatlarının nümayəndələri, Nərimanovda məskunlaşmış Xocalıdan olan məcburi köçkün və şəhid ailələri, faciə zamanı hər iki valideynini itirmiş gənclər iştirak ediblər.
Nərimanov rayon İcra Hakimiyyətinin başçısı Abdin Fərzəliyev çıxış edərək deyib ki, Xocalı qırğını XX əsrdə bəşəriyyətə qarşı törədilmiş ən dəhşətli faciədir. O, erməni silahlı qüvvələri tərəfindən xalqımıza qarşı törədilmiş bu cinayətin ağır nəticələrindən danışıb, dinc əhalinin xüsusi qəddarlıqla qətlə yetirildiyini, əsir götürülən insanların isə dəhşətli işgəncələrə, zülm və təhqirlərə məruz qaldıqlarını bildirib.
A.Fərzəliyev Xocalı hadisələri ilə bağlı həqiqətlərin dünya ictimaiyyətinə çatdırılması, beynəlxalq miqyasda bu faciənin xalqımıza qarşı soyqırımı aktı kimi tanınması üçün dövlətimizin bütün zəruri addımları atdığını qeyd edib. O, haqq səsimizin bütün dünyada eşidilməsi üçün hər bir azərbaycanlının fəallıq göstərməsinin önəmini vurğulayıb, həmvətənlərimizin bu istiqamətdə səfərbər olmasının, torpaqlarımızın azad edilməsində Prezident İlham Əliyevin ətrafında daha sıx birləşməyimizin vacibliyini diqqətə çatdırıb.
Milli Məclisin deputatı Adil Əliyev bildirib ki, Azərbaycan xalqının qan yaddaşında silinməz izlər buraxmış Xocalı faciəsi tarix boyu erməni qəsbkarları tərəfindən xalqımızın başına gətirilmiş soyqırımı aktlarından biridir.
Qeyd edilib ki, Ermənistanın Xocalıda sovet qoşunlarının köməyi ilə həyata keçirdiyi insanlıq əleyhinə bu cinayətin beynəlxalq miqyasda ifşası istiqamətində xeyli iş görülüb, xarici dillərdə kitablar, sənədlər dərc olunub, bir çox internet saytları yaradılıb. Azərbaycanın birinci xanımı, Heydər Əliyev Fondunun prezidenti Mehriban Əliyeva, Fondun vitse-prezidenti Leyla Əliyeva Xocalı faciəsi ilə bağlı həqiqətlərin dünya ictimaiyyətinə çatdırılması istiqamətində ardıcıl və məqsədyönlü fəaliyyət göstərirlər.
Xocalılı şəhid ailəsi Brilliyant Hacıyeva erməni vandalları tərəfindən törədilmiş bu qətliamın canlı şahidi olduğunu bildirib və bunu tarixdə ən dəhşətli faciə kimi dəyərləndirib. B.Hacıyeva bütün qaçqın və məcburi köçkünlərin, şəhid ailələrinin, müharibə əlillərinin, o cümlədən Xocalı sakinlərinin ötən müddətdə hərtərəfli dövlət qayğısı ilə əhatə olunduqlarını vurğulayıb.
Anım mərasimi rayonun bir qrup gənc tələbəsi tərəfindən hazırlanmış, Xocalı soyqırımının dəhşətlərini əks etdirən ədəbi-bədii kompozisiya ilə davam edib.
Sonda Nərimanov rayon İcra Hakimiyyəti tərəfindən Xocalıdan olan şəhid ailələrinə və faciə zamanı hər iki valideynini itirmiş 25 gəncə birdəfəlik maddi yardımlar göstərilib.

Paylaş:

Baxılıb: 1367 dəfə