Heydər Əliyev
yeni azerbaycan logo

Ana səhifə / Siyasət / 3000 metr yüksəklikdə qazanılan qələbələr

3000 metr yüksəklikdə qazanılan qələbələr

24.09.2022 [10:21]

MÜBARİZ

Müzəffər Ordumuzun 44 günlük Vətən müharibəsində qazandığı şanlı Qələbə Azərbaycanın hərb tarixinə qızıl hərflərlə yazılıb. Ötən əsrin doxsanıncı illərinin əvvəllərində havadarlarının köməyi ilə ərazilərimizin 20 faizini ələ keçirən düşmən orada üç onilliyi əhatə edən işğal dövründə böyük vəsaitlər hesabına bir neçə mərhələdən ibarət müdafiə sədləri qurmuşdu. Ərazinin relyefi də qarşı tərəfə böyük üstünlüklər yaradırdı. Düşmən güman edirdi ki, bu sədləri keçmək Azərbaycan Ordusuna heç vaxt müyəssər olmayacaq. Ancaq düşmən öz qənaətlərində yanılırdı. Azərbaycan Ordusu mümkünsüz görünəni mümkün etdi. Döyüş meydanlarında misilsiz şücaətlər və yüksək peşəkarlıq nümayiş etdirən Silahlı Qüvvələrimiz cəmi 44 ərzində düşməni diz çökdürməyə nail oldu. 44 günün tamamında hərbi birləşmələrinin döyüş qabiliyyətini tamam itirdiyini başa düşən Ermənistan rəhbərliyi bu ölkə üçün kapitulyasiya aktı sayılan üçtərəfli Bəyanatı imzalamaq və üzərinə bir sıra öhdəliklər götürmək məcburiyyətində qaldı. Rəşadətli Ordumuz postmüharibə dövründə də üzərinə düşən missiyanı yüksək səviyyədə yerinə yetirir. Postmüharibə dövründə qalib Azərbaycan müharibə səhifəsini birdəfəlik bağlamaq və gələcəyə baxmaq əzmi nümayiş etdirir. Respublikamız regionda əməkdaşlıq və təhlükəsizlik üçün etibarlı zəmin yaradılmasına nail olmağa çalışır. Bunun üçün iki ölkə arasında sülh sazişi imzalanmalı, sərhədlərin delimitasiyası və demarkasiyası həyata keçirilməidir. Müharibənin məğlub tərəfi olan Ermənistan isə hər vəchlə sülh proseslərinə maneələr yaratmağa çalışır. Ermənistana məxsus hərbi birləşmələrin son günlərdə iki ölkə arasındakı şərti sərhəddə tez-tez təxribatlara əl atmaları bunu əyani şəkildə təsdiqləyir. Düşmənin sentyabrın 12-dən 13-nə keçən gecə sərhəddə növbəti dəfə törətdiyi genişmiqyaslı təxribatların qarşısı Ordumuzun “Qətiyyətli cavab” əməliyyatı ilə alındı. Bundan sonra Azərbaycan vasitəçilərin səyləri ilə əldə olunan atəşkəs rejiminə ciddi şəkildə əməl etsə də, eyni sözləri Ermənistan barədə demək mümkün deyil. Bu ölkənin silahlı birləşmələri şərti sərhəd boyunca Ordumuzun mövqelərini atəşə tutmaqda davam edirlər. Hərbi ekspert Ədalət Verdiyev “Yeni Azərbaycan”a açıqlamasında Müzəffər Ordumuzun Vətən müharibəsində qazandığı şanlı Qələbəni və sərhəddə törədilən təxribatların qarşısını alarkən nümayiş etdirdi?i yüksək peşəkarlığı dəyərləndirib. Silahlı Qüvvələrimizin Ali Baş Komandanın rəhbərliyi altında 44 günlük müharibədə həm Qarabağ ərazilərini, həm də Azərbaycanın Şərqi Zəngəzur bölgəsini düşmən tapdağından azad etdiyii bildirən hərbi ekspert vurğulayıb ki, müharibədən sonrakı dövrdə də Azərbaycan Ordusunun hissə və bölmələri Ermənistanın təxribatlarına kifayət qədər tutarlı və adekvat cavablar verməklə düşmənin ərazilərimizdən çıxardılması prosesini uğurla davam etdirir. Fikirlərinə davam edən Ədalət Verdiyev vurğulayıb: “Uğurlu döyüş əməliyyatlarında əldə olunan qələbələr sayəsində  Azərbaycan Ordusu bütün sərhəd boyunca - ta Araz çayının sahilindən Murova qədər olan ərazilərdə kifayət qədər üstün və strateji mövqelərdə yerləşib. Bunu Prezident İlham Əliyev sentyabrın 21-də Laçın şəhərində Azərbaycan Bayrağını ucaltdıqdan sonra etdiyi çıxışında da xüsusi olaraq diqqətə çatdırıb. Bu mövqelərin bir çoxu son erməni təxribatlarına cavab olaraq keçirilən əməliyyatlar nəticəsində düşməndən tamamilə təmizlənib. Xatırladıram ki, sentyabrın 12-dən 13-nə keçən gecə cəmi 7 saat davam edən döyüşlərin nəticəsində Azərbaycan Ordusunun və Dövlət Sərhəd Xidmətinin bölmələri Zəngilandan başlayaraq Laçından və Kəlbəcərdən ta Daşkəsənə qədər olan ərazilərdə 74 düşmən mövqeyini və 11 strateji yüksəkliyi azad edib. Hazırda Silahlı Qüvvələrimizin hissə və bölmələri düşmənin bütün manevrlərini,  yerdəyişmələrini izləmək və təxribatlarına adekvat cavab vermək üçün kifayət qədər üstün mövqelərdə yerləşib. Onu da nəzərə alaq ki, azad olunan ərazilərin mütləq hündürlüyü 2800-3000 metr arasında dəyişir. Əməliyyatlar da gecə saat 12-dən səhər saat 7-dək davam edib. Bu əməliyyatlar nəticəsində düşmən bir milyard manata yaxın dəyəri olan texnika itkisinə məruz qalıb və  400-dən çox canlı qüvvəsini itirib. Eyni zamanda, qarşı tərəfin çoxlu sayda texnikası Azərbaycan Ordusu tərəfindən qənimət olaraq götürülüb. Bütün bu sadalananları nəzərə alsaq, biz Ordumuzun Ermənistanın hərbi birləşmələrindən nə qədər peşəkar və üstün imkanlara malik olduğunu açıq bir şəkildə görə bilərik. Azərbaycan hazırda onilliklər boyu nəzarət edə bilmədiyimiz tarixi torpaqlarına nəzarət edir. Biz  Müzəffər Ali Baş Komandanın, qəhrəman Ordumuzun  və xalqımızın dəstəyi sayəsində artıq əməliyyatların istiqamətini Ağdam, Tərtər, Goranboy və ya Horadizdən tarixi torpaqlarımız istiqamətinə dəyişə bilmişik. Azərbaycan Ordusunun və  Dövlət Sərhəd Xidmətinin möhkəmləndiyi mövqelər düşmənin əhəmiyyətli kommunikasiya xətlərinə, təminat və təchizat yollarına nəzarət etməyə imkan verir. Hazırda Silahlı Qüvvələrimiz yeni mövqelərində müdafiə və atəş sistemləri yaratmaqla məşğuldur. Bölmələrimizin mövqelərinə yollar çəkilir, həmin mövqelər mühəndis baxımından daha da möhkəmləndirilir və gələcəkdə düşmən təx?ibatlarının qarşısının alınması üçün zəruri olan bütün fəaliyyətlər tam həcmdə yerinə yetirilməkdə davam etdirilir”.

Paylaş:
Baxılıb: 250 dəfə

Xəbər lenti

Hamısına bax

Xəbər lenti

Xəbər lenti

Xəbər lenti

Xəbər lenti

Ədəbiyyat

MEDİA

Analitik

Prezident bu gün

Prezident bu gün

30 Noyabr 10:22

İqtisadiyyat

Xəbər lenti

Neftin qiyməti artıb

30 Noyabr 09:40

Xəbər lenti

Xəbər lenti

Xəbər lenti

Arxiv
B Be Ça Ç Ca C Ş
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31