YAP-a üzv qəbul edilmiş nazirlik əməkdaşlarına vəsiqələr təqdim olunub

Bakı:

21 °C

64 %

5 m/s

Əlaqə

AZ RU EN

Ana səhifə / Siyasət / YAP-a üzv qəbul edilmiş nazirlik əməkdaşlarına vəsiqələr təqdim olunub

YAP-a üzv qəbul edilmiş nazirlik əməkdaşlarına vəsiqələr təqdim olunub

10.05.2022 [18:55]

Ümummilli lider Heydər Əliyevin anadan olmasının 99-cu ildönümü ilə əlaqədar Əmək və Əhalinin Sosial Müdafiəsi Nazirliyinin DOST Agentliyində Yeni Azərbaycan Partiyasına (YAP) üzv qəbul edilmiş nazirlik əməkdaşlarına Partiyanın üzvlük vəsiqələri təqdim olunub.

Tədbirdə əmək və əhalinin sosial müdafiəsi naziri Sahil Babayev, YAP Sədrinin müavini-Mərkəzi Aparatın rəhbəri Tahir Budaqov, ölkəmizdə səfərdə olan Makedoniya Türk Demokratik Partiyasının sədri, Şimali Makedoniya Məclisinin üzvü Beycan İlyas, Makedoniya Türk Demokratik Partiyasının sədr müavini, həmin ölkənin əmək və sosial siyasət nazirinin müavini Ənvər Hüseyn və başqaları iştirak ediblər.

Əmək və əhalinin sosial müdafiəsi naziri Sahil Babayev ümummilli lider Heydər Əliyevin ötən əsrin 70-80-ci illərində Azərbaycanda iqtisadi inkişafı, sosial rifah halının ildən-ilə yüksəlməsini təmin etdiyini diqqətə çatdırıb. O, Ulu Öndərin müstəqil Azərbaycan dövlətinin qurulması və möhkəmləndirilməsi, ölkəmizin uzunmüddətli inkişaf yoluna çıxarılması istiqamətində misilsiz tarixi xidmətlərindən bəhs edib.

Nazir ümummilli lider Heydər Əliyevin müəllifi olduğu, vətəndaş rifahına təminat yaradan sosial inkişaf strategiyasının nailiyyətlərini qeyd edib. Ulu Öndərin uğurlu siyasətinin Prezident İlham Əliyev tərəfindən yüksək səviyyədə davam etdirilməsi nəticəsində Azərbaycanın sürətli tərəqqiyə, sosial sahədə mühüm uğurlar qazandığını vurğulayıb.

Ümummilli lider Heydər Əliyevin sədrliyi ilə yaradılan YAP-ın ölkəmizin inkişafında mühüm xidmətlər göstərdiyini qeyd edən nazir bildirib ki, YAP sıralarına qoşulanların sayının daim artması partiyaya olan böyük inam və etimadın təzahürüdür. Son illərdə Əmək və Əhalinin Sosial Müdafiəsi Nazirliyi sistemi üzrə daha 900 əməkdaş YAP-a üzv olub. Nazirlik sistemi üzrə YAP üzvü olan əməkdaşların sayı 4000-ə qədərdir.

Sonra çıxış edən Tahir Budaqov ulu öndər Heydər Əliyevin Azərbaycan dövləti və xalqı qarşısında misilsiz xidmətlərindən danışıb. Azərbaycanın müstəqil, suveren dövlət kimi bərqərar olub inkişaf etməsində, dünya birliyində layiqli yer tutmasında ulu öndər Heydər Əliyevin müdrik və uzaqgörən siyasətinin, əbədiyaşar ideyalarının əvəzsiz tarixi rolunu vurğulayıb. Bu siyasətin Prezident İlham Əliyev tərəfindən uğurla davam etdirilməsi nəticəsində ölkəmizin daha uca, yeni zirvələrə yüksəldiyini, böyük qələbələrə imza atdığını qeyd edib.

Makedoniya Türk Demokratik Partiyasının sədri Beycan İlyas Azərbaycanda səfərdə olmaqdan, ölkəmizdəki davamlı inkişafı görməkdən məmnun olduğunu qeyd edib.

Tədbirdə nazirlik sistemində çalışan əməkdaşlara üzvlük vəsiqələri təqdim edilib. Partiyaya üzv qəbul edilən əməkdaşlar YAP-ın prinsiplərinə uyğun olaraq fəaliyyətlərində azərbaycançılıq, dövlətə sədaqət prinsiplərini daim uca tutacaqlarını vurğulayıblar.

Ümumilikdə daha 90 əməkdaşa partiyanın üzvlük vəsiqələri verilib.

Tədbir iştirakçıları DOST Agentliyi və 1 saylı DOST Mərkəzinin fəaliyyəti, əhaliyə göstərilən DOST xidmətləri ilə də yaxından tanış olublar.

Paylaş:

Baxılıb: 652 dəfə