Mübariz Qurbanlı: Prezident İlham Əliyevin Özbəkistana səfəri qarşılıqlı münasibətlərin inkişafına təkan verəcək

Bakı:

24 °C

54 %

2 m/s

AZ RU EN

Ana səhifə / Siyasət / Mübariz Qurbanlı: Prezident İlham Əliyevin Özbəkistana səfəri qarşılıqlı münasibətlərin inkişafına təkan verəcək

Mübariz Qurbanlı: Prezident İlham Əliyevin Özbəkistana səfəri qarşılıqlı münasibətlərin inkişafına təkan verəcək

30.09.2010 [09:27]

“Azərbaycan Prezidenti İlham Əliyevin özbəkistana rəsmi səfərinin nəticələri uğurlu qiymətləndirilməlidir. Səfər gedişində tərəflər arasında bir sıra sənədlər imzalanıb. Bu sənədlər ikitərəfli əlaqələrin inkişafına çox böyük təkan verən sənədlərdir. Mən deyərdim ki, əvvəllər imzalanmış sənədlərlə müqayisədə yeni imzalanan sənədlər çoxşaxəli əlaqələrimiz üçün hüquqi baza yaradır”. Bu fikirləri www.yap.org.az saytına açıqlamasında YAP İcra katibinin müavini, Milli Məclisin deputatı Mübariz Qurbanlı deyib.
M.Qurbanlı bildirib ki, hazırda Mərkəzi Asiya dövlətləri dünyanın siyasi həyatında və iqtisadi sistemində özünəməxsus yer tuturlar. Onun sözlərinə görə, Mərkəzi Asiya bölgəsinə daxil olan Qazaxıstan, Türkmənistan, Qırğızıstan, özbəkistan və Tacikistan Azərbaycanla sıx əlaqələrə malikdir.
“Azərbaycan Prezidenti İlham Əliyevin xarici siyasət xəttində Mərkəzi Asiya ölkələri ilə münasibətlər əhəmiyyətli yer tutur. Bu da təsadüfi deyil. çünki Azərbaycan Şərqlə Qərbi birləşdirən coğrafi məkandır. Eyni zamanda, ölkəmiz tarixi İpək Yolunun üzərində yerləşir. Azərbaycan Qərbdən Şərqə çıxış nöqtələrindən biridir və ona görə də, Mərkəzi Asiyaya çıxış ölkəmizin üzərindən keçir. Azərbaycanın həyata keçirdiyi bir sıra layihələr xüsusilə çinin, Yaponiyanın Avropa ilə birləşdirilməsinə aid layihələr Azərbaycanla Mərkəzi Asiya ölkələrinin əlaqələri ilə səciyyələnir”, - deyə YAP İcra katibinin müavini qeyd edib.
özbəkistanla Azərbaycanın tarixi birliyinin olduğunu deyən M.Qurbanlının sözlərinə görə, eyni zamanda, hər iki ölkənin ümumi maraqları da var. “Ulu öndər Heydər Əliyevin zamanında özbəkistanla qurduğu münasibətlər, özbəkistan Prezidenti İslam Kərimovun dediyi kimi “Heydər Əliyev tərəfindən əsası qoyulan münasibətlər bu gün uğurla davam etdirilir”. Prezident İlham Əliyevin səfər zamanı söylədiyi fikirlər və özbəkistanın xüsusilə xarici siyasət sahəsində Azərbaycana verdiyi dəstək təqdirəlayiqdir və xüsusi qeyd olunmalıdır. Məlumdur ki, özbəkistan o ölkələrdəndir ki, işğalçı Ermənistanla münasibət qurmayıb, Dağlıq Qarabağ məsələsində Azərbaycanı birmənalı olaraq müdafiə edir. Həmçinin, işğal olunmuş Azərbaycan torpaqlarından erməni hərbi birləşmələrinin çıxarılması ilə əlaqədar bütün məsələlərdə ölkəmizi dəstəkləyir. Hamının yadındadır ki, Azərbaycanın işğal olunmuş ərazilərində vəziyyətlə bağlı məsələ BMT-nin Baş Məclisində müzakirə olunarkən özbəkistan ölkəmizin təqdim etdiyi layihənin lehinə səs vermişdi. O da məlumdur ki, layihənin qəbul olunmasına mane olan qüvvələr var idi və həmin qüvvələr özbəkistana da bu və digər formada təsir göstərmək istəyirdilər. Amma özbəkistan tam müstəqil qərar çıxararaq Azərbaycanı müdafiə etmişdi. Prezident İlham Əliyev bu faktı səfər gedişində xüsusi qeyd etdi. Hesab edirəm ki, Prezident İlham Əliyevin bu səfəri özbəkistan-Azərbaycan əlaqələrində çox mühüm rol oynayacaq və qarşılıqlı münasibətlərin inkişafına təkan verəcək”, - deyə YAP İcra katibinin müavini vurğulayıb.

Paylaş:

Baxılıb: 1070 dəfə