Ukraynadakı müharibə də onları öz ölkəsinə qaytara bilmədi...

Bakı:

24 °C

58 %

3 m/s

Əlaqə

AZ RU EN

Ana səhifə / Siyasət / Ukraynadakı müharibə də onları öz ölkəsinə qaytara bilmədi...

Ukraynadakı müharibə də onları öz ölkəsinə qaytara bilmədi...

06.03.2022 [10:01]

Ermənilərin Ermənistan nifrəti

Son günlər Rusiya-Ukrayna arasında gedən müharibə səbəbindən Ukraynada yaşayan bir sıra dövlətlərin vətəndaşları öz vətənlərinə geri qayıtmağa davam edirlər. Elə bu günlərdə 1000 nəfərdən çox azərbaycanlı Rumıniyaya təxliyə edilib. Rumıniyadakı Azərbaycan diaspor təşkilatının rəhbəri Vaqif Həsənov KİV-ə açıqlamasında bildirib ki, səfirlik əməkdaşları onları yerləşdirmək üçün yerlər ayırıb: “Onların siyahısı tutulacaq. Növbəlilik əsasında avtobuslarla Türkiyə üzərindən Azərbaycana yola salınacaqlar. Bəziləri istəyir ki, Buxaret-İstanbul -Bakı istiqamətində bilet alaraq Azərbaycana getsin. Onlar özləri gedəcək”. Məlumat üçün bildirək ki, Ukraynadakı vəziyyətlə əlaqədar martın 4-də Rumıniyanın Yassı hava limanından AZAL-ın növbəti təxliyə reysi həyata keçirilib və 13-ü uşaq olmaqla 191 Azərbaycan vətəndaşı ölkəmizə evakuasiya olunub. Azərbaycanlıların təxliyəsi davam edir.

Amma bunları Ermənistan haqqında demək mümkün deyil. Çünki düşmən ölkənin vətəndaşları heç də Ermənistana geri qayıtmaq niyyətində deyillər. Bununla bağlı dəqiq məlumata Ermənistandan olan siyasi şərhçi Tavos Arşakyanın məqaləsində səmimi-qəlbdən etdiyi etirafda da rast gəlmək olar. Arşakyan yazır: “Hətta Ukraynadakı müharibə bu ölkənin erməni icmasını öz tarixi vətənlərinə qayıtmağa məcbur etmədi. Daha doğrusu, tək-tük erməni ölkəyə geri döndü. Digərləri ya Ukraynanı müdafiə etmək üçün orda qaldılar, ya da fürsətdən yararlanıb Ukrayna sakinlərinə qapılarını açan Avropaya köçdülər. Sanksiyalar nəticəsində Rusiyada sosial-iqtisadi vəziyyətin pisləşməsi də dünyanın ən böyük erməni icmasını Ermənistana köçməyə sövq edəcəyinə ümid yoxdur. Sanksiyalar altında olan Rusiyada ermənilər üçün nə qədər çətin olsa da, orada həyat yenə də Ermənistandakından yaxşı olacaq. Bunu yazmaq ağrılıdır, amma faktdır”.

Mövzu ilə bağlı “Yeni Azərbaycan”a danışan Milli Məclisin deputatı Elman Məmmədov bunun əsas səbəbini erməniləri qəbul edəcək tarixi vətənlərinin olmamasında, Ermənistanın daxilindəki qeyri-sabitlikdə, xaotik vəziyyətdə gördüyü deyib: “Erməninin tarixi vətəni yoxdur. Harada çörək, yaşamağa yer tapırlarsa, oranı özlərinə vətən hesab edirlər. İkinci məsələ isə bundan ibarətdir ki, erməni şərhçi demək istəyir ki, guya ki, Ukraynada yaşayan ermənilər Ukrayna xalqına sədaqətli olduqlarını göstərirlər və Ukrayna uğrunda öz həyatlarını təhlükə altında qoyurlar. Bu, erməni xislətidir. Elə bir şey yoxdur, onların getməyə yeri yoxdur, onları qəbul edəcək bir yer, bir vətən yoxdur. Hesab edirlər ki, Ermənistanda zülm çəkməkdən, evsiz-eşiksiz, çörəksiz dolanışıqsız qalmaqdansa, Ukraynada yaşamaq daha yaxşıdır. Onların getməyə yeri olsa idi, çoxdan gedərdilər”.

“Tarixən ermənilər kimi nankor, xəyanətkar, naxələf ikinci bir toplum yoxdur. Bu gün Şimali Qafqazda kompakt yaşayırlar, deyirlər, bura bizimdir. Rusiya onun “bəhrəsi”ni yaxın vaxtlarda görəcək. Mən onların öz qəzetlərində rus dilində oxumuşdum, yazırdılar ki, Lvov rməni şəhəridir. Bunlar bu əqidə ilə yaşayanlardır. Bu gün guya Ukrayna xalqına sədaqət göstərirlər, belə bir şey yoxdur”, - deyə E.Məmmədov əlavə edib.

Beləliklə də, Ukraynada baş verən hərbi iğtişaşlara, yarana biləcək potensial təhlükəyə baxmayaraq, orada yaşayan ermənilərin öz ölkələrinə dönməmək istəyi heç də təəccüblü deyil. Gələcəyi ip üzərində olan “dövlət”ə nəinki qayıtmaq, hətta orada müvəqqəti yaşamaq belə yumşaq desək, ağılsızlıqdan başqa bir şey deyil.

Nicat DİLQƏMLİ

Paylaş:

Baxılıb: 1225 dəfə