Sınaq, yoxsa Qərbə mesaj?

Bakı:

19°C

72%

11m/s

Əlaqə

AZ RU EN

Ana səhifə / Siyasət / Sınaq, yoxsa Qərbə mesaj?

Sınaq, yoxsa Qərbə mesaj?

06.03.2022 [09:55]

Şimali Koreyanın növbəti raket sınağı

Fevralın 5-də Cənubi Koreya hərbçiləri KXDR-in Yapon dənizinə doğru ballistik raket atdığı barədə xəbər veriblər. Raket Pxenyanın Sunan bölgəsindən buraxılıb. Bu, ilin əvvəlindən artıq doqquzuncu raket buraxılışdır.

Məlik MƏMMƏDOV

Cənubi Koreya Prezidenti yanında Milli Təhlükəsizlik Şurası (MTŞ) KXDR-in ballistik raket buraxılışını pisləyib və Pxenyanı Koreya yarımadasında gərginliyi artıran hərəkətləri dərhal dayandırmağa çağırıb. MTŞ üzvləri Şimaldakı nüvə və raket obyektlərinin monitorinqini gücləndirməyi və aktiv şəkildə əks tədbirləri hazırlamağ planlaşdırdıqlarını açıqlayıblar.

ABŞ Dövlət Departamenti də Şimali Koreyanın raket atma təcrübəsini pisləyib və bunu BMT Təhlükəsizlik Şurasının qətnamələrinin açıq şəkildə pozulması adlandırıb. Qeyd olunub ki, bu buraxılış, bu ilin əvvəlində həyata keçirilən digər buraxılışlar kimi, KXDR-in qanunsuz kütləvi qırğın silahları və raket proqramlarının KXDR-in qonşuları və bütövlükdə region üçün yaratdığı təhlükəni nümayiş etdirir.

Yaponiyanın müdafiə naziri Nobuo Kisi öz növbəsində Yaponiya mətbuatına bildirib ki, hökumət Yaponiyanın Pekindəki səfirliyi vasitəsilə Şimali Koreyaya etiraz bildirib. Onun sözlərinə görə, Pxenyan bu il raket buraxılışlarını “son dərəcə yüksək tezlikdə” həyata keçirir. “Şimali Koreyanın bu hərəkətləri qətiyyən qəbuledilməzdir, çünki bu, ölkəmizin və beynəlxalq ictimaiyyətin sülh və təhlükəsizliyini təhdid edir” - deyə nazir bildirdi. O, əlavə edib ki, nazirlik bu problemin həlli üçün ABŞ və digər ölkələrlə əməkdaşlıq edəcək.

Qeyd edək ki, BMT Təhlükəsizlik Şurasının bir ay əvvəl ABŞ-ın təşəbbüsü ilə keçirilən Şimali Koreyanın raket buraxılışlarına dair iclasında onun bəzi üzvləri Pxenyanın ballistik raketlər buraxmasını regionda sabitliyi pozan “əhəmiyyətli eskalasiya” kimi qiymətləndiriblər. İclasda Amerika tərəfinin hazırladığı, Şimali Koreyanı “sabitliyi pozan hərəkətləri dayandırmağa və dialoqa qayıtmağa” çağıran birgə bəyanatın mətni oxunub. Bəyanatı ABŞ, Albaniya, Braziliya, Fransa, İrlandiya, Norveç, Birləşmiş Ərəb Əmirlikləri və Böyük Britaniya, eləcə də hazırda Təhlükəsizlik Şurasının üzvü olmayan Yaponiya dəstəkləyib.

İlk baxışdan bu, olduqca adi xəbərdir. KXDR-in raket və nüvə proqramı həmişə Cənubi Koreya, ABŞ və Yaponiyanı narahat edib və Şimali Koreyanın hər raket sınağı bu üç ölkə tərəfindən qınaqla qarşılanır. Eyni zamanda, Şimali Koreyanın nüvə probleminin həllində iştirak edən bütün güclər arasında Yaponiya ən sərt və güzəştsiz mövqe tutur. Bu 1970-1980-ci illərdə Şimali Koreya agentləri tərəfindən Yaponiya vətəndaşlarının oğurlanması ilə bağlı həll edilməmiş problem, eləcə də KXDR-in öz öhdəliklərini dəfələrlə pozması ilə bağlıdır (məsələn, 1994-cü il çərçivə sazişləri və ya 2003-cü il altıtərəfli danışıqlarda olduğu kimi).

Amma bu gün əsas diqqət çəkən məqam Rusiya ilə Qərb arasında münasibətlərin kəskinləşməsi fonunda raket buraxışlarının tez-tez həyata keçirilməsidir. Məlum olduğu kimi, tarixən KXDR-in əsas müttəfiqləri Rusiya və Çin, Cənubi Koreyanın isə ABŞ-dır. Ümumiyyətlə, Koreya yarımadasının iki dövlətə bölünməsinin özü ABŞ və SSRİ-nin maraqlarının qarşıdurması ilə bağlıdır. Bundan əlavə, Dünya üharibəsi başa çatdıqdan sonra Yaponiyada ABŞ-ın hərbi bazaları və onlarla digər hərbi infrastruktur obyektləri yerləşdirilib. “Pasifist” konstitusiyasına baxmayaraq, Yaponiyanın özü də güclü hərbi gücə malikdir və bu qüvvəyə tezliklə təyyarədaşıyanlar və Şimali Koreyadakı hədəfləri vura bilən qanadlı raketlər daxil olacaq.

Rusiya ilə Ukrayna arasında gedən hərbi əməliyyatlar fonunda ABŞ və Yaponiya Rusiya Federasiyasına qarşı geniş sanksiyalar tətbiq edib. Cənubi Koreya ABŞ-ın anti-Rusiya sanksiyalarına qoşulmasa da, lakin eyni zamanda, respublika Moskvaya qarşı ixrac məhdudiyyətlərini tətbiq etməyi öhdəsinə götürür. Və bunu nəzərə alsaq, Şimali Koreyanın Cənubi Koreyada prezident seçkiləri ərəfəsində sonuncu ballistik raket buraxmasını Qərbə və onun müttəfiqlərinə bir növ mesaj kimi qiymətləndirmək olar...

Paylaş:

Baxılıb: 927 dəfə