Müharibə ABŞ-ın “demokratiya yürüşü”nün yeni yol xəritəsidir

Bakı:

10 °C

87 %

5 m/s

Əlaqə

AZ RU EN

Ana səhifə / Siyasət / Müharibə ABŞ-ın “demokratiya yürüşü”nün yeni yol xəritəsidir

Müharibə ABŞ-ın “demokratiya yürüşü”nün yeni yol xəritəsidir

01.03.2022 [10:23]

Pərviz SADAYOĞLU

Ukrayna münaqişəsinin aktiv hərbi müstəviyə keçidi bəzi qaranlıq mətləblərin üzərinə işıq salmağa başlayıb. Hərbi əməliyyatlar başlanan günə qədər Ukraynaya verəcəyi “hərtərəfli dəstəkdən” danışan, Rusiyanı min bir hədəylə təhdid edən, hətta demək olar ki, hər iki tərəfi müharibəni başlamağa açıq təhrik edən Qərb, xüsusilə, ABŞ indi daha çox iqtisadi sanksiyalar vasitəsilə prosesə müdaxilə etməkdədir. Bunu Ukrayna prezidenti də etiraf edir. Bildirir ki, hamı qorxub qaçıb və meydanda tək qalıblar. Bəs, dünya liderliyinə iddia edən ABŞ-ın əsas rəqibi olan Rusiyanı “siyahıdan çıxarmaq” şansından bu qədər asan şəkildə imtinası nə qədər inandırıcı görünə bilər?

ABŞ xüsusi xidmət orqanlarının “nəbz yoxlama əməliyyatı”...

Məsələyə dəqiq nəzər yetirmək üçün bir neçə ay öncəyə qayıtmaq lazım gəlir. Ötən ilin sonlarında ABŞ Prezidenti Cozef Baydenin təşəbbüsü ilə keçirilən “demokratiya sammiti” ərəfəsində Qərb mətbuatı yaxın zamanlar üçün proqnozlaşdırılan hərbi toqquşmalar, hətta III Dünya Müharibəsi haqda yazılar nəşr edirdilər. “The Wall Street Journal” qəzetinin eksperti Endryu Mista qəti şəkildə yaxın dövrlərdə böyük dövlətlər arasında silahlı münaqişə ehtimalına toxunurdu. Bu qarşıdurmada qarşı tərəf qismində isə Rusiya və ya Çin nəzərdə tutulurdu. Həmin dövrdə Mistanın Amerika ordusunun hələlik müharibə formatına hazır olmaması fikri digər siyasi ekspertlər tərəfindən birmənalı qarşılanmamışdı. Bunu, “siyasi gediş” sayanlar, hətta ABŞ xüsusi xidmət orqanlarının “nəbz yoxlama əməliyyatı” hesab edənlər belə tapılmışdı. Hər halda Mistanın silahlı qüvvələrin modernləşdirilməsi üçün Pentaqona təxminən 15 il vaxt lazım olduğunu bildirməsi bu gün də inandırıcı görünmür. Demək ki, ABŞ-ın planlarına ta əvvəldən müharibəyə qatılmaq daxil deyilmiş.

Vaşinqtonun məqsədi nə idi?

Başqa sözlə, ABŞ hakimiyyəti bu kimi informasiyalarla yaxın gələcək üçün “körükləyəcəyi” qarşıdurmadan yan qaçmaq üçün zəmin yaradırdı. Bu gün analoji prosesi müşahidə etməkdəyik. Ukraynanı Rusiya ilə qarşıdurmaya təhrik edərək “qeybə çəkilən” ABŞ öz planının ikinci mərhələsi üzərində işləməkdədir. Bəs bu plan nədən ibarətdir?

Adı çəkilən “demokratiya sammiti” ABŞ-ın qarşıdakı dövr üçün “səlib yürüşü” planıdır. Amma burada əsas rolu hərbi güc deyil, “yumşaq güc” oynayacaq. Qərbin “demokratiya” tamaşası şərq səhnələrinə (meydanları) yol tapmalıdır. Başqa sözlə, bu gün Rusiyada açıq etirazların səsləndirilməsi ABŞ-ın əsl məqsədi idi. Artıq Moskva küçələrində minlərlə insan mitinq edir, hətta Rusiyanın tanınmış mədəniyyət xadimləri etirazlar səsləndirirlər. Rusiyaya “rəqib” olaraq məhz Ukraynanın seçilməsi də əbəs yerə deyildi. İki xalqın eyni soy-kökdən gəldiyini nəzərə alsaq, Qərb Rusiyada iç qarışıqlar yaratmaq üçün Ukraynadan yaxşı “vasitə” tapa bilməzdi. ABŞ-ın “demokratiya sammiti”nin ilkin fazasında qarşıya qoyulan “məqsədə” nail olub: Rusiya cəmiyyəti demək olar ki, iki hissəyə parçalanıb. Bu isə yeni siyasi müxalifət yaratmaq üçün tam bir fürsətdir. Daha doğrusu, ABŞ-ın “inqilabçı beyin institutları” artıq fərqli və özünəyaxın simalarla Rusiyanın daxili siyasətinə yol axtaracaq.

Paylaş:

Baxılıb: 1128 dəfə