Əlisahib Hüseynov: Ələt Azad İqtisadi Zonasının təməlinin qoyulması Azərbaycanın iqtisadi həyatında yeni səhifənin açılması deməkdir

Bakı:

25 °C

64 %

7 m/s

AZ RU EN

Ana səhifə / Siyasət / Əlisahib Hüseynov: Ələt Azad İqtisadi Zonasının təməlinin qoyulması Azərbaycanın iqtisadi həyatında yeni səhifənin açılması deməkdir

Əlisahib Hüseynov: Ələt Azad İqtisadi Zonasının təməlinin qoyulması Azərbaycanın iqtisadi həyatında yeni səhifənin açılması deməkdir

06.07.2021 [09:23]

“Ələt Azad İqtisadi Zonasının təməlinin qoyulması Azərbaycanın iqtisadi həyatında yeni səhifənin açılması, yeni dönəmin başlanması deməkdir. Bu nəhəng layihənin icrasına başlanılması nəinki son günlərin, ümumiyyətlə, son dövrün mühüm iqtisadi hadisələrindən biridir”.
Bu fikirləri Milli Həmrəylik Partiyasının (MHP) sədri Əlisahib Hüseynov deyib.
Ə.Hüseynov bildirib ki, belə bir azad iqtisadi zonanın yaradılması Azərbaycanda böyük iqtisadi sıçrayışa səbəb olacaq: “Biz indiyə qədər neftdən asılılığın azaldılması üçün müxtəlif addımlar atmışıq, layihələr həyata keçirmişik, paralellik prinsipi ilə hərəkət edərək digər sahələrin də inkişafı üçün lazımi işləri görmüşük. Lakin buna nail olmağın ən effektiv vasitələrindən biri də məhz azad iqtisadi zonanın yaradılmasıdır. Bu çoxşaxəli iqtisadi layihənin və ya modelin əsas hədəfi, ilk növbədə, qeyri-neft iqtisadiyyatının inkişafına mühüm töhfə verməkdir. Azad İqtisadi Zonanın yaradılması ölkə iqtisadiyyatında qeyri-neft sektorunu önə çıxaracaq. Bu isə öz növbəsində, bütövlükdə, iqtisadiyyatımızın inkişafına təkan verəcək”.
Partiya sədrinin sözlərinə görə, burada digər mühüm bir məqam yerli və xarici investisiyaların ölkə iqtisadiyyatının inkişafına cəlb edilməsi, investisiya mühitinin daha da yaxşılaşdırılması, yeni rəqabətqabiliyyətli, səmərəli istehsal və xidmət sahələrinin təşkilinin dəstəklənməsidir: “Yeni yaradılan Azad İqtisadi Zonaya böyük həcmdə sərmayələr qoyulacaq. Bu gün investorların məhz bu zonaya cəlb edilməsi üçün Azərbaycanda bütün imkanlar var. Ümumiyyətlə, Azərbaycan bir çox cəhətləri ilə sərmayəçilər üçün cazibəli və əlverişli ölkədir. Ələt Azad İqtisadi Zonasında isə sərmayəçilər üçün ikiqat əlverişli şərait yaradılacaq. İlk növbədə, qanunvericilik sahəsində bir çox işlər görülüb, ayrıca qanun qəbul edilib. Bütün bunlar Ələt Azad İqtisadi Zonasında maliyyə və sığorta xidmətləri, torpaq münasibətləri, gömrük, miqrasiya, əmək münasibətləri, vergi tənzimlənməsi, notariat fəaliyyəti, müflisləşmə və iflas, rəqabət, əqli mülkiyyət, ətraf mühit və s. məsələlərlə bağlı xüsusi güzəştlərin tətbiq olunmasına imkan verəcək. Habelə bu Azad İqtisadi Zonada fəaliyyət göstərəcək investorlar bütün vergilərdən azad ediləcək. Onlar üçün müxtəlif növ güzəşt və stimullaşdırıcı addımlar tətbiq olunacaq”.

Paylaş:

Baxılıb: 639 dəfə