Səbuhi Abbasov: Bu gün düşmən üzərində qazanılan uğurun əsas səbəblərindən biri milli birliyimizdir

Bakı:

18 °C

77 %

4 m/s

AZ RU EN

Ana səhifə / Siyasət / Səbuhi Abbasov: Bu gün düşmən üzərində qazanılan uğurun əsas səbəblərindən biri milli birliyimizdir

Səbuhi Abbasov: Bu gün düşmən üzərində qazanılan uğurun əsas səbəblərindən biri milli birliyimizdir

23.10.2020 [08:53]

“Artıq işğalçı Ermənistanın hərbi birləşmələri Azərbaycan Ordusunun gücü qarşısında rəzil duruma düşüb. Erməni terrorçu, hərbi birləşmələrinin 27 sentyabrdan etibarən başlatdığı hərbi təxribatlar, əslində, öncəki təxribatların məntiqi davamı idi. Düşmən hesab edirdi ki, Azərbaycan Ordusu, yalnız müdafiə ilə kifayətlənəcək və torpaqların işğalı ilə barışacaq. Eyni zamanda, Ermənistanın kriminallaşmış siyasi rəhbərliyi də bəzi dünya dövlətlərinə və beynəlxalq təşkilatlara arxayın olaraq, topraqlarımızı işğal altında saxlamaqda qərarlı idi. Amma bu gün hansı vəziyyətə düşdüklərinə bütün dünya şahidlik edir”.
Bu fikirləri “Azərbaycan-Slavyan Gəncləri Assosiasiyası” İctimai Birliyinin sədri Səbuhi Abbasov deyib.
S.Abbasov bildirib ki, sentyabrın 27-dən başlayaraq ermənilərin cəbhə xəttində törətdikləri hərbi təxribatlara qarşı ordumuz tərəfindən aparılan əks-həmlə əməliyyatları nəticəsində işğal altındakı bir sıra ərazilərimizin azad edilməsi Azərbaycan cəmiyyətində böyük ruh yüksəkliyi yaradıb. İstər xalq olaraq nümayiş etdirdiyimiz milli birlik, istər siyasi palitranın ortaya qoyduğu həmrəylik, istərsə də ölkəmizdə fəaliyyət göstərən qeyri-hökumət təşkilatlarının vahid mövqedən çıxış etməsi bir daha düşmənə qarşı gücümüzün səfərbər olunduğunu deməyə əsas verir. Bu gün hər bir kəs təmsil olunduğu platformada ölkəmizin haqq mübarizəsinə öz dəstəyini göstərməlidir. Bütün səylər qələbənin yaxınlaşmasında böyük əhəmiyyət daşıyır.
QHT rəhbəri vətəndaş cəmiyyəti üzvlərinin də bu prosesdə fəal mövqe ortaya qoyduğunu diqqətə çatdırıb: “Bəli, rəşadətli ordumuz cəbhədə öz sözünü deyir. Biz tək Azərbaycan tarixində deyil, dünya hərb tarixində də ilklərə imza atırıq. Qısa zaman kəsiyində biz ermənilərin özləri haqqında yaratdıqları mifi darmadağın etdik. Ordumuz düşməni cəbhədə, vətəndaş cəmiyyəti üzvləri, media nümayəndələri isə informasiya müharibəsində düşməni rəzil gününə salırlar. Artıq bütün dünya ermənilərinin nə qədər barbar, vandal və faydasız bir toplum olduğunu gördü. Bu gün düşmən üzərində qazanılan uğurun əsas səbəbi milli birliyimizdən qaynaqlanır. Bütün dünya azərbaycanlıları Ali Baş Komandanın arxasındadır və hər kəs bir ağızdan “Qarabağ Azərbaycandır!” deyir. Hesab edirəm ki, rəzil, acınacaqlı duruma düşən Ermənistan qısa zamanda ağ bayrağı qaldıracaq və digər işğalda olan torpaqlarımızdan çıxacaqdır”.
N.BAYRAMLI

Paylaş:

Baxılıb: 415 dəfə