Bahar Muradova: Dalana dirənmiş danışıqları nəticəyə yönəlmiş prosesə çevirmək üçün bu debatı yeni bir başlanğıc hesab etmək olar

Bakı:

23 °C

56 %

2 m/s

AZ RU EN

Ana səhifə / Siyasət / Bahar Muradova: Dalana dirənmiş danışıqları nəticəyə yönəlmiş prosesə çevirmək üçün bu debatı yeni bir başlanğıc hesab etmək olar

Bahar Muradova: Dalana dirənmiş danışıqları nəticəyə yönəlmiş prosesə çevirmək üçün bu debatı yeni bir başlanğıc hesab etmək olar

19.02.2020 [10:14]

“Münxen Təhlükəsizlik Konfransında Azərbaycan və Ermənistan rəhbərləri arasında münaqişə tarixində ilk dəfə keçirilən debatda beynəlxalq diplomatiya ilə məhəllə təfəkkürü üz-üzə gəldi. 30 ildən sonra belə bir formatda keçirilən bu görüş diqqətləri Ermənistan rəsmilərinin Azərbaycan tərəfi ilə bu günədək niyə yalnız bağlı qapılar arxasında “konfidensial” danışıqlara üstünlük verməsinə, eləcə də Minsk qrupu həmsədrlərinin bunun üçün vasitəçilik etdikləri görüntüsünü yaratmalarına yönəltdi.
Mənə görə, bu iki səbəbdən dalana dirənmiş danışıqları nəticəyə yönəlmiş prosesə çevirmək üçün bu debatı yeni bir başlanğıc hesab etmək olar”. Bu fikirləri Milli Məclisin Sədr müavini, YAP İdarə Heyətinin üzvü Bahar Muradova deyib.
B.Muradova bildirib ki, sülh danışıqlarının əsas iştirakçıları olan Azərbaycan və Ermənistan respublikasının vətəndaşları, o cümlədən danışıqlarda maraqlı tərəflər kimi keçən Dağlıq Qarabağın azərbaycanlı və erməni icmaları bir daha kimin nəyə qadir olduğunu və öz xalqını necə təmsil etdiyini əyani şəkildə gördülər. O cümlədən dünya ictimaiyyəti, bu konfransda iştirak edən dövlət rəsmiləri, siyasətçilər və ekspertlərin gözü qarşısında təcavüzkar siyasətə haqq qazandırmağın daha mümkün olmadığı üzə çıxdı.
“İndi məni bir sual maraqlandırır. Görəsən, yüz illərlə böyük Ermənistan yalanları ilə dünyanın gözünə kül üfürən, öz xalqını isə zombi kimi uydurma tarix naminə bu günündən və gələcəyindən keçməyə sövq etməyə çalışan erməni “başbilənləri” tarixin qaranlıq səhifələrində eşələnən bir “küçə demokratı”nın elə həmin tarixdən kəsilməsini həzm edə biləcəklərmi?
Eyni zamanda, erməni xalqının məntiqi təfəkkürü, insanlıq dəyərlərini inkar etməyən kəsiminin bu taleyə boyun əyməyin perspektivsiz bir iş olduğunu anladığını qəbul edərək səslərini qaldırıb-qaldırmayacaqları kifayət qədər əhəmiyyətli bir məsələdir. Onlar indi “həqiqətlərlə yalanların” mübarizəsində öz xalqının yerini heç olmasa bundan sonra harada gördüklərini açıq demək üçün imkan əldə etmişlər. İkinci bir sual isə ondan ibarətdir ki, bu imkan erməni ziyalıları və öz xalqını düçar olduqları bu çıxılmaz vəziyyətdən xilas etmək gücündə olan əsl vətənpərvərlər tərəfindən lazımınca dəyərləndiriləcəkmi? Yoxsa bu dəfə də özlərinin söylədiyi kimi, “əzabkeş erməni xalqının mənafeyi diletant baş nazirin öz “makro inqilabının” nəticələrini qorumaq üçün “mikro inqilablar” seriyası kimi sərsəm planları vasitəsilə daha uzun müddətə əldən veriləcək? Baxaq, görək!!!” - deyə B.Muradova vurğulayıb.

Paylaş:

Baxılıb: 698 dəfə