Novruz Məmmədov: Biz bu mövqedən bir addım də geri çəkilməyəcəyik

Bakı:

22 °C

68 %

4 m/s

Əlaqə

AZ RU EN

Ana səhifə / Siyasət / Novruz Məmmədov: Biz bu mövqedən bir addım də geri çəkilməyəcəyik

Novruz Məmmədov: Biz bu mövqedən bir addım də geri çəkilməyəcəyik

23.01.2010 [04:55]

“Biz Dağlıq Qarabağ münaqişəsinin yalnız və yalnız Azərbaycanın ərazi bütövlüyü çərçivəsində həllini istəyirik. Prezident İlham Əliyev də bu günlərdə Nazirlər Kabinetində ötən ilin yekunlarına həsr olunmuş toplantıda bildirdi ki, münaqişənin Azərbaycanın ərazi bütövlüyü çərçivəsində həlli nəzərdə tutulur. Biz bu mövqedən bir addım da geri çəkilməyəcəyik”. APA-nın məlumatına görə, bu açıqlamanı jurnalistlərə Prezident Administrasiyasının beynəlxalq münasibətlər şöbəsinin müdiri Novruz Məmmədov verib. Soçidə Azərbaycan, Ermənistan və Rusiya prezidentlərinin üçtərəfli görüşü keçiriləcəyini xatırladan PA rəsmisi görüşdə hansısa sənədin imzalanacağı barədə məlumatı olmadığını bildirib.
Novruz Məmmədov Azərbaycanla Rusiya arasında yaxşı əməkdaşlıq münasibətlərinin olduğunu deyib: “Bu əməkdaşlıq bütün sahələrdə çox gözəl inkişaf edir. Bu tədbir “Azərbaycan və Rusiya Humanitar Əməkdaşlıq Forumu” adlanır. Yəni, düşünürük ki, biz təxminən 200 ilə yaxın bir yerdə olmuşuq. İstər Rusiyanın tərkibində, istərsə də SSRİ-nin tərkibində. Ona görə bizim humanitar sahədə əməkdaşlığımız üçün zəmin var. İki ölkə arasında əməkdaşlığın daha da inkişaf etdirilməsi üçün bizim ölkənin rəhbərləri belə bir təkliflə çıxış ediblər. Bu, unikal bir formatdır”.
“Ermənistan Konstitusiya Məhkəməsinin Türkiyə ilə imzalanmış protokollara verdiyi rəyi necə dəyərləndirirsiniz?” sualını cavablandıran Novruz Məmmədov bildirib ki, artıq Türkiyə Azərbaycan Prezidentinin münaqişənin nizamlanması ilə bağlı Ermənistanla aparılan danışıqlarda tutduğu mövqenin düzgün olduğunu anlayır: “Türkiyə indi görür ki, kiminlə iş görür. Onlar əmin oldular ki, Ermənistan rəhbərliyi, hətta ən ağır vəziyyətdə belə hesab edirlər ki, onlar hansı şərt istəsələr irəli sürə bilərlər və Türkiyə də bu şərtlərlə razı olmalıdır”.
Novruz Məmmədov, həmçinin, deyib ki, prezidentlər yəqin ki, Soçidə Rusiya prezidentinin də iştirakı və təşəbbüsü ilə görüşəcəklər: “Əlbəttə, ümid etmək lazımdır ki, heç olmasa, bu görüşlərdən biri, yəni, budəfəki görüş müəyyən mənada irəli addım atmaq üçün bir zəmin yaradacaq”.
Soçi görüşündə Rusiya prezidentinin də iştirak edəcəyini bildirən Novruz Məmmədov “Rusiya prezidentinin burada iştirak etdiyini nəzərə almaq lazımdır. çünki əvvəllər də Rusiya prezidentinin iştirakı ilə belə görüşlər keçirilib. Lakin Rusiya prezidenti nə qədər səy göstərsə də, konkret bir nəticə əldə etmək mümkün olmayıb. Düşünürəm ki, son proseslərin fövqündə Ermənistan rəhbərliyi ola bilsin ki, müəyyən mənada sağlam düşüncə ilə hərəkət edər və münaqişənin həlli üçün müəyyən addımların atılmasına şərait yaradar” - deyib.

Paylaş:

Baxılıb: 1176 dəfə