Yevlax rayonunda da bələdiyyə seçkiləri demokratik şəraitdə keçirilib

Bakı:

20 °C

68 %

11 m/s

Əlaqə

AZ RU EN

Ana səhifə / Siyasət / Yevlax rayonunda da bələdiyyə seçkiləri demokratik şəraitdə keçirilib

Yevlax rayonunda da bələdiyyə seçkiləri demokratik şəraitdə keçirilib

24.12.2019 [09:26]

Məlum olduğu kimi, dünən ölkəmizdə növbəti bələdiyyə seçkiləri keçirilib. Yevlaxda da bələdiyyə seçkiləri yüksək seçici fəallığı ilə və demokratik şəraitdə keçirilib.
Qeyd edək ki, ərazisində 2 dairə 57 məntəqə yerləşən Yevlax rayonunda 61515 nəfər seçici var. 48 saylı Yevlax Seçki Dairəsi üzrə (31 məntəqə) 34989 nəfər, 49 saylı Yevlax-Mingəçevir Seçki Dairəsi üzrə (26 məntəqə) 26526 nəfər seçici qeydə alınıb.
48 saylı Yevlax Seçki Dairəsindən 9 bələdiyyədə 89 nəfər, 49 saylı Yevlax-Mingəçevir Seçki Dairəsində isə 20 bələdiyyədə 178 nəfər bələdiyyə üzvləri seçilməlidir. Seçki Məcəlləsinə uyğun olaraq 29 bələdiyyənin tərkibində mövcud olan ümumilikdə 267 yerə 267 nəfər YAP fəalının namizədliyi irəli sürülüb.
Beləliklə, baş çəkdiyimiz məntəqələrdə yüksək seçici fəallığı müşahidə edilib. Məsələn, 1244 seçicinin qeydə alındığı 48 saylı Yevlax Seçki Dairəsinin 4 saylı məntəqə seçki komissiyasının sədri Sabir Həsənov, 1481 seçicinin qeydə alındığı 6 saylı məntəqə seçki komissiyasının sədri Ülviyyə Ağayeva, 1045 seçicinin qeydə alındığı 7 saylı məntəqə seçki komissiyasının sədri Zərxanım Əhmədova, 1262 seçicinin qeydə alındığı 8 saylı məntəqə seçki komissiyasının sədri Adil Mehdiyev, 1230 seçicinin qeydə alındığı 9 saylı məntəqə seçki komissiyasının sədri Şaban Həsənov, 1051 seçicinin qeydə alındığı 13 saylı məntəqə seçki komissiyasının sədri Məhərrəm Gülməmmədov seçki prosesində heç bir qanun pozuntusunun qeydə alınmadığını, seçicilərin fəallıq göstərdiklərini bildiriblər.
Öz növbəsində yevlaxlı seçicilər və seçki məntəqələrindəki müşahidəçilər, o cümlədən 48 saylı Seçki Dairəsinin 7 saylı seçki məntəqəsində müşahidə aparan müstəqil müşahidəçi Vüsal Yusifov, həmin dairənin 4 saylı seçki məntəqəsində müstəqil müşahidəçi Təranə Həsənova, 13 saylı seçki məntəqəsində müstəqil müşahidəçi Samirə İmanova, həmçinin 6 saylı seçki məntəqəsində seçkilərin gedişini izləyən AVCİYA-nın müşahidəçisi Aytac Babayeva və həmin qurumun 9 saylı seçki məntəqəsində seçkilərin gedişini izləyən təmsilçisi Gülnarə Nəbiyeva bildiriblər ki, seçicilərin bu cür fəallığı heç də təsadüfi deyil. Çünki ölkəmizdə seçkilərin azad, ədalətli və demokratik keçirilməsi üçün həyata keçirilən tədbirlər, qəbul edilən qərar və qanunlar sadə vətəndaşların seçki fəallığına da müsbət təsir göstərir.

Paylaş:

Baxılıb: 434 dəfə