“Ümummilli Lider tariximizi yazan dahi şəxsiyyətdir”

Bakı:

23 °C

78 %

6 m/s

Əlaqə

AZ RU EN

Ana səhifə / Siyasət / “Ümummilli Lider tariximizi yazan dahi şəxsiyyətdir”

“Ümummilli Lider tariximizi yazan dahi şəxsiyyətdir”

10.07.2019 [10:09]

“Ümummilli Lider Heydər Əliyevin 1969-cu il 14 iyulda Azərbaycanda siyasi rəhbərliyə gəlişi ölkəmizin tarixində dönüş nöqtəsi hesab oluna bilər. Əlbəttə ki, bununla bağlı statistik rəqəmlərə istinad edərək xeyli məsələləri təhlil etmək mümkündür. Ən əsası odur ki, Azərbaycan Ulu Öndər Heydər Əliyevin rəhbərliyi dövründə həm keçmiş Sovetlər İttifaqında, həm də regionda çox böyük nailiyyətlərə imza atdı”. Bunu SİA-ya açıqlamasında Yeni Azərbaycan Partiyası (YAP) İcra katibinin müavini, Dini Qurumlarla İş üzrə Dövlət Komitəsinin sədri Mübariz Qurbanlı deyib.
YAP İcra katibinin müavinin sözlərinə görə, Azərbaycan iqtisadi sahədə Sovetlər İttifaqının geridə qalmış respublikalarından biri idi və bu sahədə irəliyə çıxdı: “Təsəvvür edin ki, Sovetlər İttifaqı çökəndə iki müttəffiq respublika - Ukrayna və Azərbaycan mərkəzi büdcədən heç bir yardım almadan özü-özünü təmin etmək imkanına malik idi. İkincisi, mənəvi sahədə Azərbaycan çox böyük irəliləyişə imza atdı. Azərbaycan vahid bir ideyanın yəni azərbaycançılıq ideyasının ətrafında birləşə bildi. Üçüncüsü, Azərbaycan regionda və beynəlxalq miqyasda özünü geniş surətdə tanıda bildi. Ümummilli Liderin rəhbərliyi dövründə Azərbaycanın Sovetlər İttifaqından kənarda daha geniş şəkildə tanıdılması üçün xaricdə yaşayan azərbaycanlılarla əlaqələr istiqamətində cəmiyyətlər, eyni zamanda Vətən cəmiyyəti yaradılmışdır. Ulu Öndər Heydər Əliyevin siyasəti sayəsində Azərbaycanın tanınmış şəxsləri Sovetlər İttifaqı çərçivəsində yüksək səviyyələrə qalxa bildi. Əgər biz o dövrdə XX əsrin 50-60-cı illərini götürsək, Sovetlər İttifaqının müxtəlif qurumlarında, rəhbər təşkilatlarında azərbaycanlılar çox azlıqda idi. Təbii ki, bu məsələdə həll edilmiş oldu.
Ümumiyyətlə Ümummilli Liderin fəaliyyəti nəticəsində Azərbaycan həm siyasi, həm də mənəvi, iqtisadi baxımdan müstəqilliyə hazırlandı. Məhz bunun sayəsində biz Sovetlər İttifaqı dağılanda, müstəqilliyimizi bərpa edəndə Azərbaycan xalqı vahid ideya ətrafında - azərbaycançılıq ideyası ətrafında birləşə bildi. Həmçinin müstəqil dövləti idarə edən mütəxəssislər də Ümummilli Liderin sayəsində hazırlıq keçmiş mütəxəssislər kimi özünü təsdiq etmiş oldu. Ulu Öndərin Azərbaycanda birinci dəfə siyasi rəhbərliyə gəlişi dönüş nöqtəsidir. Onun ikinci dəfə hakimiyyətə gəlişi qurtuluşdur. İnşallah Ümummilli Lider Heydər Əliyevin ideyalarının təsdiqi, bütün ərazi bütövlüyümüzün bərpası və vahid Azərbaycanın yaranması isə Azərbaycan xalqının qələbəsi olacaqdır. Ulu Öndər tariximizi yazan, tarixi yazan, tarixi şəxsiyyətdir”.

Paylaş:

Baxılıb: 626 dəfə