Baş nazir Novruz Məmmədov BMT Baş katibinin müavini ilə görüşüb

Bakı:

18 °C

67 %

3 m/s

Əlaqə

AZ RU EN

Ana səhifə / Siyasət / Baş nazir Novruz Məmmədov BMT Baş katibinin müavini ilə görüşüb

Baş nazir Novruz Məmmədov BMT Baş katibinin müavini ilə görüşüb

30.11.2018 [10:27]

Azərbaycan Respublikasının Baş naziri Novruz Məmmədov noyabrın 29-da ölkəmizdə səfərdə olan BMT Baş katibinin müavini, təşkilatın Avropa İqtisadi Komissiyasının icraçı katibi Olqa Alqayerova ilə görüşüb.
AZƏRTAC xəbər verir ki, görüşdə Azərbaycan ilə BMT-nin Avropa İqtisadi Komissiyası arasında əməkdaşlığın perspektivləri müzakirə edilib.
Azərbaycan ilə BMT və onun strukturları arasında əlaqələrin uğurla inkişaf etdiyini deyən Novruz Məmmədov qeyd edib ki, respublikamız Birləşmiş Millətlər Təşkilatının üzvü olan dövlətlərin 2015-ci ilin sentyabrında keçirilən Dayanıqlı İnkişaf Sammitində 2016-2030-cu illər üçün təsdiqlənmiş Dayanıqlı İnkişaf Məqsədlərinə qoşulub. Qarşıya qoyulmuş məqsəd və hədəflər dayanıqlı inkişafın iqtisadi, sosial və ekoloji aspektlərini əhatə etməklə, Minilliyin İnkişaf Məqsədlərinə əsaslanır və növbəti istiqamətləri müəyyənləşdirir. Baş nazir BMT Baş katibinin müavininin ölkəmizə səfərinin bu əməkdaşlığa öz töhfəsini verəcəyinə əmin olduğunu deyib.
Azərbaycan Hökuməti ilə BMT-nin Avropa İqtisadi Komissiyası arasında Dayanıqlı İnkişaf Məqsədlərinin həyata keçirilməsi ilə bağlı əməkdaşlığa dair Birgə Bəyanatın imzalanmasını dəyərləndirən Baş nazir diqqətə çatdırıb ki, ölkəmiz ötən illər ərzində Minilliyin İnkişaf Məqsədləri üzrə bir çox hədəfləri, xüsusilə insanların sağlamlığının qorunması, ətraf mühitin yaxşılaşdırılması, yoxsulluğun aradan qaldırılması, əhalinin təhsil səviyyəsinin yüksəldilməsi, gender bərabərliyinin təşviq və təmin olunması üzrə mühüm nailiyyətlər əldə edib.
Ermənistan-Azərbaycan Dağlıq Qarabağ münaqişəsi barədə qonağa ətraflı məlumat verən Baş nazir BMT-nin münaqişə ilə bağlı qəbul etdiyi 4 qətnamənin hələ də yerinə yetirilmədiyini təəssüflə qeyd edib.
Azərbaycanın və onun yerləşdiyi regionun əhəmiyyətini vurğulayan BMT Baş katibinin müavini Olqa Alqayerova ölkəmizə səfərindən məmnun olduğunu bildirib. Bakıda keçirdiyi görüşlərdə Dayanıqlı İnkişaf üzrə 2030-cu il Gündəliyi ilə əlaqədar bir sıra məsələlərin müzakirə olunduğu qeyd edən qonaq bunun nəticəsi kimi Birgə Bəyanatın imzalandığını diqqətə çatdırıb. Rəhbərlik etdiyi qurumun su, ekologiya, energetika, nəqliyyat, statistika, ticarətin asanlaşdırılması və digər məsələlərlə məşğul olduğunu bildirən Olqa Alqayerova Azərbaycan ilə əməkdaşlıqdan məmnun olduğunu deyib. O, Dayanıqlı İnkişaf Məqsədlərindən irəli gələn vəzifələri həyata keçirmək üçün reallaşdırılan layihələrə birgə dəstək verməyin vacibliyini bildirib.
Avropa İqtisadi Komissiyasının Azərbaycan ilə regional formatda da işlədiyini söyləyən Olqa Alqayerova bu əlaqələrin gələcəkdə daha da möhkəmlənəcəyinə əminliyini ifadə edib.
Görüşdə qarşılıqlı maraq doğuran digər məsələlər də müzakirə olunub.

Paylaş:

Baxılıb: 524 dəfə