Türkiyə prezidenti Türkdilli ölkələrin dövlət başçılarının IX zirvə görüşünün yekunlarını yüksək dəyərləndirib

Bakı:

29 °C

42 %

4 m/s

AZ RU EN

Ana səhifə / Siyasət / Türkiyə prezidenti Türkdilli ölkələrin dövlət başçılarının IX zirvə görüşünün yekunlarını yüksək dəyərləndirib

Türkiyə prezidenti Türkdilli ölkələrin dövlət başçılarının IX zirvə görüşünün yekunlarını yüksək dəyərləndirib

06.10.2009 [09:37]

Abdullah Gül: Görüşdə son hadisələr gözdən keçirilib, bir-birimizə etimadımız yenilənib
Türkiyə Prezidenti Abdullah Gül Ankaranın “Esenboğa” hava limanında keçirdiyi mətbuat konfransında Türkdilli ölkələrin dövlət başçılarının IX zirvə görüşünün yekunlarını yüksək dəyərləndirib.
Abdullah Gül zirvə görüşünün böyük uğurla keçdiyini vurğulayıb və yüksək qonaqpərvərliyə görə Prezident İlham Əliyevə, dost və qardaş Azərbaycan xalqına dərin minnətdarlığını bildirib.
Prezident deyib ki, zirvə görüşü türkdilli ölkələr arasında əməkdaşlığın inkişafı, əlaqələrin daha da möhkəmləndirilməsi baxımından olduqca faydalı keçib, çox mühüm qərarlar qəbul olunub. Tədbir çərçivəsində dövlət başçıları ikitərəfli görüşlər də keçirib, xüsusilə xarici işlər nazirlərinin də iştirakı ilə Azərbaycanla Türkiyə arasında keçirilmiş görüş çox mühüm və dəyərli olub. Görüşdə son hadisələr gözdən keçirilib, bir-birimizə etimadımız yenilənib. Əməkdaşlığımız güclü bir şəkildə davam edəcək.
Zirvə görüşünü tarixi hadisə adlandıran Abdullah Gül deyib ki, bunun əsas səbəbi Türkdilli ölkələrin Əməkdaşlıq Şurası adlanan yeni bir beynəlxalq təşkilatın yaradılmasıdır. Bu təşkilatın Nizamnaməsi təsdiq olunub, bütün dövlət başçıları tərəfindən imzalanıb, Katibliyi və strukturları formalaşdırılıb. Beləliklə, Şura beynəlxalq təşkilatlar arasında ayrı bir qurum olaraq öz yerini alıb. Biz buna çox sevinirik. çünki, 1992-ci ildən başlayan bu zirvə toplantıları sadəcə bir görüşmə şəklində davam edirdi, amma son iki ildə gördüyümüz işlər və aparılan danışıqlar nəticəsində bunu təşkilatlandırma, bir təşkilata çevirmə məsələsində fikir birliyi əldə etmişik. Bu işdə əməyi olan hər kəsə təşəkkürümüzü bildiririk. Şübhəsiz ki, bu toplantılarda əvvəllər iştirak etmiş prezidentlərin də böyük töhfələri olub.
Türkiyə Prezidenti diqqətə çatdırıb ki, Türkdilli ölkələrin Əməkdaşlıq Şurası ilə barəbər müxtəlif strukturlar da mövcuddur. Bunlardan biri, bütün türk respublikalarının qanunverici orqanlarını bir araya gətirən Türkdilli ölkələrin Parlament Assambleyasıdır. Bundan başqa, mədəniyyət sahəsində fəaliyyəti əlaqələndirən TüRKSOY var. Naxçıvanda yeni bir qərar da qəbul olunub. Qərara əsasən Qazaxıstanda yerləşəcək Türk Akademiyası da qurulacaq. Zirvə görüşündə əldə olunan razılaşmaya görə, dövlət başçıları ildə bir dəfə rəsmi, bir dəfə isə işgüzar toplantı keçirəcəklər. Bütün bunların çox mühüm əhəmiyyəti var.
Beləliklə, Türkdili ölkələrin Əməkdaşlıq Şurasının baş katibliyi İstanbulda, Türkdilli ölkələrin Parlament Assambleyasının baş katibliyi Bakıda, Türk Akademiyası isə Qazaxıstanda fəaliyyət göstərəcək.

Paylaş:

Baxılıb: 1398 dəfə