Bakıda Beynəlxalq İnsan Hüquqları Gününə həsr olunan konfrans keçirilib

Bakı:

25 °C

53 %

1 m/s

Əlaqə

AZ RU EN

Ana səhifə / Siyasət / Bakıda Beynəlxalq İnsan Hüquqları Gününə həsr olunan konfrans keçirilib

Bakıda Beynəlxalq İnsan Hüquqları Gününə həsr olunan konfrans keçirilib

09.12.2017 [00:50]

Dekabrın 8-də Bakıda “Bərabər hüquqların təmin edilməsi üçün bərabər imkanlar: iştirakçılıq və tərəfdaşlıq” mövzusunda beynəlxalq konfrans keçirilib.
AZƏRTAC xəbər verir ki, tədbir 10 dekabr - Beynəlxalq İnsan Hüquqları Gününə həsr olunub.
Əvvəlcə Beynəlxalq İnsan Hüquqları Günündən bəhs edən videoçarx nümayiş etdirilib.
Azərbaycanın İnsan Hüquqları üzrə Müvəkkili (Ombudsman) Elmira Süleymanova bildirib ki, Azərbaycan dövləti üçün insan hüquqları prioritet məsələdir. O, Azərbaycanın müstəqilliyini bərpa etdikdən sonra çoxsaylı beynəlxalq konvensiyalara qoşulduğunu xatırladıb. Qeyd edib ki, ölkəmizdə insan hüquqları sahəsində bir çox əhəmiyyətli sənədlər qəbul edilib. Bu gün gender bərabərliyinin təmin edilməsi, qadınlara qarşı zorakılıq və digər bu kimi halların qarşısının alınması üçün mühüm işlər görülür.
Ombudsman xatırladıb ki, bu günə qədər Azərbaycanda 11 dəfə amnistiya aktı qəbul edilib, dövlətimizin başçısı tərəfindən 60-dan çox əfv fərmanı və sərəncamı imzalanıb. Nəticədə 10 minlərlə insan azadlığına qovuşub.
Tədbirdə çıxış edən Milli Məclis sədrinin müavini, İnsan hüquqları komitəsinin sədri Bahar Muradova Azərbaycanda insan hüquqlarının təmin edilməsi istiqamətində görülən işlərdən, əldə edilən nailiyyətlərdən danışıb. Bildirilib ki, Ulu öndər Heydər Əliyev siyasi hakimiyyətə qayıtdıqdan sonra insan hüquq və azadlıqlarının təmin edilməsini öz fəaliyyətinin əsas prinsipi etdi. Hazırda bu siyasət Prezident İlham Əliyev tərəfindən uğurla davam etdirilir.
Bahar Muradova qeyd edib ki, Azərbaycanda qəbul edilən qanunvericilik sənədlərində hüquqların bərabərliyi əsas götürülür. Müəyyən istisnalarla əcnəbi vətəndaşların hüquqları Azərbaycan vətəndaşlarının hüquqları ilə eyni şəkildə qorunur. Azərbaycan hökuməti hər kəs üçün bərabər hüquqların bərabər imkanlara çevrilməsi istiqamətində eyni şəraiti təmin edir.
Bildirilib ki, fəaliyyət göstərdiyi on beş il ərzində Ombudsman İnstitutunun faydalılığının və səmərəliliyinin artırılması istiqamətində mühüm addımlar atılıb və bu gün bunun müsbət nəticələri müşahidə edilir.
BMT-nin İnkişaf Proqramı və BMT-nin Əhali Fondunun rezident nümayəndəsi Qulam İshaqzai bildirib ki, 1948-ci ildə Ümumdünya İnsan Hüquqları Bəyannaməsi qəbul edilib. Ümumdünya İnsan Hüquqları Bəyannaməsində universal dəyərlər öz əksini tapıb. 1948-ci ildə Bəyannamədə qeyd olunan məsələlər bu gün də aktualdır. Q.İshaqzai Azərbaycanın müvafiq hesabatları BMT-nin aidiyyəti qurumlarına vaxtında təqdim etdiyini vurğulayıb.
Sonda insan hüquqları ilə bağlı yazı və rəsm müsabiqələrinin qalibləri mükafatlandırılıb.

Paylaş:

Baxılıb: 513 dəfə