Heydər Əliyev
yeni azerbaycan logo

Ana səhifə / Siyasət / Daşkənddə Azərbaycan nümayəndə heyətinin iştirakı ilə MDB Hökumət Başçıları Şurasının iclası keçirilib

Daşkənddə Azərbaycan nümayəndə heyətinin iştirakı ilə MDB Hökumət Başçıları Şurasının iclası keçirilib

04.11.2017 [01:12]

Daşkənddə Müstəqil Dövlətlər Birliyi Hökumət Başçıları Şurasının növbəti iclası keçirilib.
AZƏRTAC xəbər verir ki, iclasda Rusiya, Qazaxıstan, Qırğızıstan, Tacikistan, Belorusun baş nazirləri Dmitri Medvedev, Bakıtjan Saqintaev, Sapar İsakov, Koxir Rasulzoda, Andrey Kobyakovun rəhbərliyi ilə nümayəndə heyətləri, həmçinin MDB İcraiyyə Komitəsinin sədri-icraçı katib Sergey Lebedev iştirak edib.
İclasda ölkəmizi Azərbaycan Baş nazirinin birinci müavini Yaqub Eyyubovun rəhbərliyi ilə nümayəndə heyəti təmsil edib.
İştirakçılar beynəlxalq kartellərlə səmərəli mübarizə məqsədilə dünya birliyinin səylərinin birləşdirilməsi haqqında bəyanat, o cümlədən azad ticarət zonası haqqında müqavilənin müddəalarının həyata keçirilməsi barədə qərar qəbul ediblər.
Yığıncaqda MDB dövlətlərinin neft-qaz maşınqayırması və torpaqların meliorasiyası sahələrində əməkdaşlıq haqqında konsepsiyasının müddəaları bəyənilib. Büdcə-maliyyə bloku çərçivəsində 2016-cı il üçün MDB orqanlarının vahid büdcəsi, 2017-ci il üçün Birlik orqanlarının vahid büdcəsində dəyişikliklər, 2018-ci il üçün MDB orqanlarının vahid büdcəsinin təsdiq edilməsi məsələləri müzakirə olunub. Baş prokurorların Əlaqələndirmə Şurası Katibliyinin fəaliyyətinin təminatı üçün MDB dövlətlərinin payına düşən maliyyə məsələlərində dəyişikliklərə və Birliyin Humanitar Əməkdaşlıq üzrə Dövlətlərarası Fondunun fəaliyyətinin gücləndirilməsi məsələlərinə də baxılıb.
Ümumiyyətlə, yığıncaqda 19 məsələ müzakirə edilərək qəbul olunub.

Paylaş:
Baxılıb: 496 dəfə

Xəbər lenti

Hamısına bax

YAP xəbərləri

Gündəm

Analitik

Analitik

Arxiv
B Be Ça Ç Ca C Ş
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30