Olmayan partiyanın imza şousu

Bakı:

25 °C

64 %

9 m/s

Əlaqə

AZ RU EN

Ana səhifə / Siyasət / Olmayan partiyanın imza şousu

Olmayan partiyanın imza şousu

16.08.2016 [15:17]

Dəfələrlə parçalanmaya məruz qalmış Müsavat Partiyası hansı üzvlərlə imza toplayır?
Xəbər verildiyi kimi, sentyabrın 26-da Konstitusiyaya əlavə və dəyişikliklərlə bağlı referendum keçiriləcək. Referendumla bağlı ölkəmizin siyasi palitrasında yer alan bir sıra təşkilatlar, partiyalar, eləcə də QHT-lər tədbirlər keçirir, təşəbbüs qrupları yaradırlar.
Lakin ölkəmizin inkişafına, eləcə də milli maraqlarımıza düşmən kəsilən, xarici anti-azərbaycançı mərkəzlərin mənafeyinə xidmət göstərən radikal müxalifət düşərgəsi yenidən öz ampluasındadır.
Belə ki, Müsavat Partiyası qarşıdan gələn referendumla bağlı “Respublika” təşəbbüs qrupu yaratmaq və qeydiyyatdan keçirmək üçün imzatoplama kampaniyası apardığını iddia edib. Amma nəzərə alsaq ki, iki il ərzində Müsavat Partiyasında gedən parçalanmalar nəticəsində Arif Hacılının nəzarətində olan “hissə”nin üzvlərinin sayı kəskin azalıb və hətta rayon təşkilatları da birmənalı şəkildə ondan imtina ediblər,vəziyyət aydın olar. Əlbəttə ki, Arif Hacılı və onun rəhbərlik etdiyi dəstə bu “imzatoplama kampaniyası”ndan öz məqsədləri üçün istifadə etməyə niyyətləniblər.
Əslində, idarəetmənin daha da operativləşdirilməsi istiqamətində aparılan islahatların A.Hacılıya nə üçün bu qədər “pis təsir göstərməsi”nin səbəbləri bəllidir. 1992-93-cü illərdə dövlətin idarəçiliyini zorla ələ keçirən zümrənin üzvü olmuş A.Hacılı həmin dövrdə də, sonrakı illərdə də idarəetmə işində nə qədər naşı olduğunu büruzə verib. Hakimiyyət komandasında xaos yaratmaqla məşğul olan, hələ həmin dövrdə bir sıra xarici ünvanlarla “razılaşdıqlarını” iddia edən bu şəxs anarxiyanı, xaosu, ara qarışdırılmasını, qarşıdurmaları siyasi fəaliyyətin başlıca istiqaməti olaraq qəbul edir. Hakimiyyətdə olduqları dövrdə bu insanlar “idarəetmə”, “islahat” dedikdə bu tipli anlayışları qavrayırdılar. Ona görə də müasir və daha çevik idarəçilik aparatının inkişafa xidmət göstərəcəyini belələrinə anlatmaq çətindir.
Digər tərəfdən, partiya rəhbərliyini belə saxta yolla ələ keçirən, sonrakı mərhələdə təmsil etdiyi təşkilatın daxilində avtoritar idarəçilik yaradan A.Hacılı ona rəqib olan şəxsləri min bir yolla ləkələyərək və ya sıxışdıraraq “Müsavat”dan uzaqlaşdırdı. Bu da onun qeyri-sağlam idarəçilik “bacarığından” xəbər verir. Maraqlıdır ki, bir partiyanı qoruya, eləcə də idarə edə bilməyən birisi bu gün “təşəbbüs qrupu” haqqında danışır. Görəsən, həmin imzaları A.Hacılı hansı resurslarla toplayacaq? Axı onun partiyasında özündən və yaxın qohumlarından başqa bir kimsə qalmayıb. Sonuncu kütləvi istefalardan sonra Müsavat Partiyası “qohum-əqrəba” birliyindən fərqlənmir.
Deməli, A.Hacılının bu “kampaniya” vasitəsilə gündəmə gəlmək istəyinin arxasında başqa məqsədlər dayanır. Özünə radikal ayaması götürməklə etdikləri xəyanətləri pərdələməyə çalışan bu qüvvələr, konkret olaraq Arif Hacılı bu “kampaniya”ya “qol” qoymaqla pul qazanmaq istəyir. Təbii ki, Arif Hacılı rəhbərlik etdiyi “dəstə”nin gücünü bilir və mənimsədiyi “Müsavat”ın hazırda hər hansı bir ciddi kapaniyaya qoşulma iqtidarında olmadığını dərk edir. Sadəcə olaraq, radikal düşərgənin boş qalmış “meydanı”nda pul qazanmaq üçün belə bir manevr edərək xarici antimilli qrupların diqqətini cəlb etmək fikrinə düşüb. Amma onun bu cəhdinin də bumeranq effekti verəcəyi və özünü növbəti dəfə ifşa edəcəyi indidən bəllidir.
Pərviz SADAYOĞLU

Paylaş:

Baxılıb: 477 dəfə