“Heydər Əliyev - Azərbaycan: dünən, bu gün və sabah” kitabının təqdimatı olub

Bakı:

25 °C

62 %

10 m/s

Əlaqə

AZ RU EN

Ana səhifə / Siyasət / “Heydər Əliyev - Azərbaycan: dünən, bu gün və sabah” kitabının təqdimatı olub

“Heydər Əliyev - Azərbaycan: dünən, bu gün və sabah” kitabının təqdimatı olub

07.05.2016 [09:29]

Ötən ilin dekabr ayında Səbail rayon İcra Hakimiyyətində (RİH) keçirilmiş “Heydər Əliyev - Azərbaycan: dünən, bu gün və sabah” mövzusunda “dəyirmi masa”nın yekunları ilə bağlı buradakı çıxışların əsasında kitab hazırlanması qərara alınmışdı. Ümummilli lider Heydər Əliyevin doğum günü ərəfəsində Səbail RİH və Yeni Azərbaycan Partiyası Səbail rayon təşkilatının birgə hazırladığı “Heydər Əliyev - Azərbaycan: dünən, bu gün və sabah” adlı kitab işıq üzü görüb.
Rayon rəhbərliyinin, dövlət qurumlarının təmsilçilərinin, Milli Məclisin deputatlarının, elm, təhsil, incəsənət və din xadimlərinin, ziyalıların, gənclərin, ağsaqqalların, veteranların və ictimaiyyətin, YAP Səbail rayon təşkilatının nümayəndələrinin iştirakı ilə R.Mustafayev adına Azərbaycan Milli İncəsənət Muzeyində kitabın təqdimat mərasimi keçirilib.
Əvvəlcə qonaqlar muzeyin foyesində Ümummilli lider Heydər Əliyevin həyat və fəaliyyətinin müxtəlif dövrlərini əks etdirən fotosərgi ilə tanış olublar.
Nəşrdə Ümummilli lider Heydər Əliyevin fəaliyyətinin müxtəlif dövrlərini əhatə edən, Azərbaycanın son 30 il ərzində əldə etdiyi iqtisadi, siyasi inkişaf aspektlərindən, ölkəmizdə həyata keçirilən daxili və xarici siyasətdən, xalq təsərrüfatının bütün istiqamətlərində, ordu quruculuğu, elm, təhsil, mədəniyyət və digər sahələrdə əldə olunan uğurlardan, Ulu öndərin siyasətinin layiqli davamçısı Prezident İlham Əliyevin bu gün həyata keçirdiyi işlərdən bəhs edən məqalələr və xeyli sayda fotoşəkillər toplanıb.
Mərasimdə çıxış edən Səbail rayon İcra Hakimiyyətinin başçısı Eldar Əzizov deyib ki, Ulu öndər Heydər Əliyevin və Prezident İlham Əliyevin müasir Azərbaycan tarixindəki rolu öz əhəmiyyəti ilə heç nə ilə müqayisə oluna bilməz. Ona görə də Ümummilli liderin əsasını qoyduğu, bu gün dövlətimizin başçısı tərəfindən uğurla davam etdirilən siyasəti öyrənib təbliğ etmək vacib məsələdir. Bu baxımdan “Heydər Əliyev - Azərbaycan: dünən, bu gün və sabah” kitabının nəşri mühüm əhəmiyyət kəsb edir.
Tədbirdə çıxış edən Milli Məclisin sədr müavini Bahar Muradova, parlamentin Əmək və sosial siyasət komitəsinin sədri Hadi Rəcəbli, “Azərbaycan” qəzetinin baş redaktoru, deputat Bəxtiyar Sadıqov, Azərbaycan Dövlət İqtisad Universitetinin rektoru, professor Ədalət Muradov, YAP Səbail rayon təşkilatının sədri, Milli Məclisin deputatı Şəmsəddin Hacıyev Ulu öndər Heydər Əliyevin həyat və fəaliyyətinin ayrı-ayrı sahələrinə, Onun ölkəmizin müstəqilliyi, iqtisadi tərəqqisi və inkişafı istiqamətində gördüyü işlərə, Ümummilli lider tərəfindən əsası qoyulan və Prezident İlham Əliyevin inkişaf etdirdiyi siyasətin uğurlarına və perspektivlərinə həsr olunan məqalələrin toplandığı kitabın əhəmiyyəti, onun gələcək nəslin maarifləndirilməsi istiqamətindəki rolundan danışıblar.
Çıxışlarda bu kitabın ilk olduğu və gələcəkdə də bu seriyadan olan digər kitabların çap etdiriləcəyi bildirilib.

Paylaş:

Baxılıb: 747 dəfə