YAP Nərimanov rayon təşkilatı Qadınlar Şurasının təşəbbüsü ilə Xocalı faciəsinin 23-cü ildönümünə həsr edilmiş tədbir keçirilib

Bakı:

25 °C

57 %

3 m/s

AZ RU EN

Ana səhifə / Siyasət / YAP Nərimanov rayon təşkilatı Qadınlar Şurasının təşəbbüsü ilə Xocalı faciəsinin 23-cü ildönümünə həsr edilmiş tədbir keçirilib

YAP Nərimanov rayon təşkilatı Qadınlar Şurasının təşəbbüsü ilə Xocalı faciəsinin 23-cü ildönümünə həsr edilmiş tədbir keçirilib

26.02.2015 [00:09]

Yeni Azərbaycan Partiyası (YAP) Nərimanov rayon təşkilatı Qadınlar Şurasının təşəbbüsü ilə rayondakı A.Vəliyev adına 258 saylı tam orta məktəbdə Xocalı faciəsinin 23-cü ildönümünə həsr edilmiş tədbir keçirilib. Tədbiri açan məktəbin direktoru Sədaqət Hüseynova Xocalı soyqrımının insanlığa qarşı cinayət olduğunu bildirib. O qeyd edib ki, 1993-cü ildə Ümummilli liderimiz Heydər Əliyevin hakimiyyətə qayıdışından sonra Azərbaycan hökuməti və parlamenti ermənilərin azərbaycanlılara qarşı törətdiyi cinayətlər, o cümlədən, Xocalı soyqırımı haqqında həqiqətləri beynəlxalq ictimaiyyətə çatdırmaq istiqamətində ardıcıl fəaliyyət göstərib. Məhz Ulu öndərimizin təşəbbüsü ilə 1994-cü ildə Azərbaycan Milli Məclisi Xocalı faciəsini soyqırımı kimi qiymətləndirib və beynəlxalq ictimaiyyətə, dünya dövlətlərinə müraciət qəbul edib. Ümummilli liderimizin bu istiqamətdəki siyasəti hazırda Prezident İlham Əliyev tərəfindən uğurla davam etdirilir.
YAP Nərimanov rayon təşkilatı Qadınlar Şurasının sədri Məhəbbət İbrahimova bildirib ki, Xocalı soyqırımı aqressiv, cinayətkar və terrorçuluğu dövlət səviyyəsinə qaldırmış Ermənistanın rəsmi siyasətinin nəticəsidir. Onun sözlərinə görə, XX əsrin sonunda baş vermiş bu soyqırımı təkcə Azərbaycan xalqına deyil, bütün insanlığa, bəşəriyyətə qarşı yönəlmiş ən ağır cinayətlərdən biridir: “Azərbaycan tarixinin ən dəhşətli və qanlı səhifələrindən olan Xocalı soyqırımı, eyni zamanda, bəşər tarixinin ən genişmiqyaslı və xüsusi amansızlıqla törədilmiş hərbi cinayətlərindəndir. 23 il əvvəl 1992-ci il fevral ayının 25-dən 26-na keçən gecə erməni silahlı birləşmələri Xankəndidə yerləşdirilən ruslara məxsus 366-cı alayın köməyi ilə Xocalı şəhərinin dinc mülki əhalisinə divan tutaraq şəhəri yerlə-yeksan ediblər. Xocalı soyqırımı zamanı 613 nəfər dinc azərbaycanlı vəhşicəsinə qətlə yetirilib, 1275 nəfər sakin əsir götürülüb. Təəssüf hissi ilə qeyd edilməlidir ki, onlardan 700 nəfəri hələ də erməni əsirliyindədir”.
M.İbrahimova vurğulayıb ki, dinc əhaliyə qarşı bu cür qeyri-insani əməllər özlərini dünya ictimaiyyətinə “mədəni” və “məzlum” xalq kimi tanıtmağa çalışan ermənilərin və erməni millətçiliyinin əsl mahiyyətini nümayiş etdirib.
YAP Nərimanov rayon təşkilatı Qadınlar Şurasının sədr müavini Məhbubə Məmmədova isə bildirib ki, Xocalı qətliamını törədən şəxslərin bir çoxu bu gün Ermənistana rəhbərlik edən şəxslərdir. Onun fikrincə, bu fakt erməni dövlətinin cinayətkarlar tərəfindən idarə olunduğunu göstərir.
Çıxışlarda qeyd olunub ki, hazırda Azərbaycan dövləti Xocalı soyqırımının dünyada tanıdılması istiqamətində böyük işlər görür. Bu prosesdə Heydər Əliyev Fondunun fəaliyyəti xüsusilə təqdirəlayiqdir.
Tədbirdə daha sonra Nərimanov rayonu 258 saylı orta məktəbin şagirdləri tərəfindən Xocalı soyqırımına həsr olunmuş ədəbi-bədii kompozisiya təqdim olunub.
N.BAYRAMLI

Paylaş:

Baxılıb: 603 dəfə