Səbail rayonunda Xocalı faciəsinin 22-ci ildönümünə həsr olunmuş güllə atıcılığı üzrə yarış keçirilib

Bakı:

26 °C

49 %

4 m/s

AZ RU EN

Ana səhifə / Siyasət / Səbail rayonunda Xocalı faciəsinin 22-ci ildönümünə həsr olunmuş güllə atıcılığı üzrə yarış keçirilib

Səbail rayonunda Xocalı faciəsinin 22-ci ildönümünə həsr olunmuş güllə atıcılığı üzrə yarış keçirilib

27.02.2014 [09:20]

Dünən Səbail rayon İcra Hakimiyyətinin dəstəyi, rayon Gənclər və İdman İdarəsi, Azərbaycan Vətən Müharibəsi Veteranları Birliyi Səbail rayon şöbəsi ilə birgə Dövlət Bədən Tərbiyəsi və İdman Akademiyasında Səbail rayon məktəbləri arasında Xocalı soyqırımının 22-ci ildönümü ilə bağlı “Mahir nişançı” devizi altında güllə atıcılığı yarışının final mərhələsi keçirilib.
Tədbir iştirakçıları əvvəlcə Şəhidlər Xiyabanını ziyarət edib, Vətənimizin torpaqlarının bütövlüyü uğrunda şəhid olmuş soydaşlarımızın və Xocalıdan olan şəhidlərin məzarlarını ziyarət edib, məzarları önünə tər çiçəklər düzüblər.
Sonra yarışın final mərhələsinə start verilib. Yarışda Səbail rayonunun 16 orta məktəbinin komandası iştirak edib. Tərkibi 5 nəfərdən - 3 oğlan və 2 qızdan ibarət olan komandaların hər biri növbə ilə atıcılıq xəttinə çıxıb və müasir kiçik çaplı pnevmatik snayper tüfənglərindən 5 dəfə atəş açıblar.
Yarışların gedişini Səbail rayon Gənclər və İdman İdarəsi və Azərbaycan Vətən Müharibəsi Veteranları Birliyi Səbail rayon təşkilatının nümayəndələrindən təşkil olunmuş münsiflər heyəti diqqətlə izləyib, komandaların topladıqları xalları yoxlayaraq yarışların yekunlarını müəyyən ediblər.
Münsiflər heyətinin qərarı ilə I yerə 7 saylı orta məktəbin, II yerə 50 saylı orta məktəbin, III yerə isə 163 saylı orta məktəbin komandaları layiq görülüblər.
Yarışlar başa çatdıqdan sonra mükafatlandırma mərasimi keçirilib. Mərasimdə çıxış edən Səbail rayon İcra Hakimiyyətinin başçısı Asif Əsgərov və Dövlət Bədən Tərbiyəsi və İdman Akademiyasınnın rektoru, millət vəkili Ağacan Əbiyev faciənin dəhşətlərindən, gənclərin vətənpərvərlik tərbiyəsində belə tədbirlərin böyük əhəmiyyəti olmasından danışıb. Natiqlər Azərbaycan Respublikasının Prezidenti cənab İlham Əliyevin apardığı məqsədyönlü siyasət nəticəsində Xocalının, həmçinin, işğal altında olan bütün Azərbaycan torpaqlarının düşməndən azad ediləcəyinə, ölkəmizin ərazi bütövlüyünün bərpa ediləcəyinə əmin olduqlarını, lazım gələrsə, ölkə başçısı, Ali Baş Komandanın əmri ilə silaha sarılaraq müharibə yolu ilə torpaqlarımızın azad olunması üçün bütün qüvvələrin səfərbər ediləcəyini bildiriblər.
Yarışda I, II və III yerləri tutmuş komandalar müvafiq dərəcəli diplomlar və qiymətli hədiyyələrə layiq görülüblər.

Paylaş:

Baxılıb: 901 dəfə