Binəqədi rayonunda Dünya Azərbaycanlılarının Həmrəyliyi Günü qeyd edilib

Bakı:

21 °C

53 %

5 m/s

Əlaqə

AZ RU EN

Ana səhifə / Siyasət / Binəqədi rayonunda Dünya Azərbaycanlılarının Həmrəyliyi Günü qeyd edilib

Binəqədi rayonunda Dünya Azərbaycanlılarının Həmrəyliyi Günü qeyd edilib

30.12.2013 [09:14]

Xaləddin İsgəndərov: Ümummilli liderimiz Heydər Əliyevin xalqın təkidli tələbi ilə ikinci dəfə hakimiyyətə qayıdışından sonra dünyanın müxtəlif ölkələrində yaşayan azərbaycanlıların vahid məqsəd ətrafında birləşdirilməsi istiqamətində mühüm işlər görülüb
Dekabrın 28-də “Hollivud” şadlıq sarayında Binəqədi rayon İcra Hakimiyyətinin təşkilatçılığı ilə 31 dekabr-Dünya Azərbaycanlılarının Həmrəyliyi Günü və Yeni il münasibətilə tədbir keçirilib. Millət vəkillərinin, rayonun idarə və müəssisə rəhbərlərinin, təhsil, səhiyyə və mədəniyyət müəssisələrinin və rayon ictimaiyyətinin nümayəndələrinin iştirak etdiyi tədbirdə öncə 2013-cü il ərzində Binəqədi rayonunda aparılan abadlıq-quruculuq işləri, həmçinin, sosial-iqtisadi, təhsil, səhiyyə, mədəniyyət sahələrində görülmüş işlər haqqında məlumat verilib.
Qeyd olunub ki, Prezident İlham Əliyevin yürütdüyü siyasət nəticəsində, iqtisadiyyatımız inkişaf edib, Dövlət proqramları icra edilib, ümumilikdə, 2013-cü ildə ölkə qarşısında duran bütün vəzifələr, şərəflə yerinə yetirilib.
Çıxış edən Binəqədi rayon İcra Hakimiyyətinin başçısı Xaləddin İsgəndərov bu gün dünyanın müxtəlif ölkələrində soydaşlarımızın sevinclə qeyd etdikləri Dünya Azərbaycanlılarının Həmrəyliyi Gününün əsasının 22 il əvvəl Ulu öndər Heydər Əliyevin rəhbərliyi ilə Naxçıvan Muxtar Respublikası Ali Məclisində qəbul olunmuş qərarla qoyulduğunu diqqətə çatdırıb. Onun sözlərinə görə, böyük dövlətçilik təcrübəsinə malik olan Ümummilli liderimiz Heydər Əliyevin xalqın təkidli tələbi ilə ikinci dəfə hakimiyyətə qayıdışından sonra dünyanın müxtəlif ölkələrində yaşayan azərbaycanlıların vahid məqsəd ətrafında birləşdirilməsi istiqamətində mühüm işlər görülüb. Məhz Ulu öndərin titanik fəaliyyəti nəticəsində xalqımızı bir araya gətirmək mümkün olub. Bu sahədə böyük siyasi iradə nümayiş etdirən Ulu öndər Azərbaycanda ikinci dəfə hakimiyyətə qayıtdığı ilk günlərdən etibarən xaricdə Azərbaycan diasporunun formalaşdırılması və təşkilatlanması istiqamətində fəal iş aparıb. Bakıda Dünya Azərbaycanlılarının I Qurultayının keçirilməsi bu sahədə xüsusi dönüş nöqtəsi kimi tarixə düşüb.
Xaləddin İsgəndərov onu da bildirib ki, Azərbaycan Prezidenti İlham Əliyev Ulu öndər Heydər Əliyevin siyasətinin davamçısı kimi xaricdə yaşayan həmvətənlərimizin, habelə onların türk diasporları ilə birgə fəaliyyətinin gücləndirilməsinə böyük əhəmiyyət verir.
Sonra rayonun sosial-iqtisadi inkişafında, ictimai həyatında fəal rol oynayan bir qrup şəxs fəxri fərmanlarla mükafatlandırılıb. Tədbir incəsənət ustalarının çıxışları ilə davam etdirilib.
Onu da qeyd edək ki, Binəqədi rayonunda Dünya Azərbaycanlılarının Həmrəyliyi Günü və Yeni il ilə əlaqədar olaraq silsilə tədbirlər davam etdirilir. Belə ki, bu günlərdə ümumilikdə 700-ə yaxın ailəyə Yeni il sovqatı verilib.
NADİR

Paylaş:

Baxılıb: 1433 dəfə