Bahar Muradova: Belə bir qərar AŞ PA-nın fəaliyyətində çox önəmli yer tutan hadisə olacaq

Bakı:

17 °C

57 %

9 m/s

Əlaqə

AZ RU EN

Ana səhifə / Siyasət / Bahar Muradova: Belə bir qərar AŞ PA-nın fəaliyyətində çox önəmli yer tutan hadisə olacaq

Bahar Muradova: Belə bir qərar AŞ PA-nın fəaliyyətində çox önəmli yer tutan hadisə olacaq

25.01.2013 [11:54]

“Azərbaycan dövlətinin AŞPA-nın məruzəçisinin “siyasi məhbus” məsələsi ilə əlaqədar hesabatına dair mövqeyi əvvəlcədən aydın idi və biz öz mövqeyimizi dəfələrlə bəyan etmişdik. Biz Azərbaycana qarşı təzyiqə əsaslanan hansısa fəaliyyəti qəbul etmirdik. AŞ PA-nın qış sessiyasında həmin hesabatla bağlı gedən müzakirələr də göstərdi ki, bu məsələyə münasibətdə Azərbaycan tək deyil, Avropa ölkələrinin bu təşkilatda üzvü olan parlamentarilərinin mütləq əksəriyyəti bu mövqedədir. Və çox haqlı olaraq Ştrasserin hesabatı qəbul olunmadı”. Bu fikirləri yap.org.az saytına Milli Məclis sədrinin müavini Bahar Muradova deyib.
B.Muradova bildirib ki, belə bir qərar AŞ PA-nın fəaliyyətində çox önəmli yer tutan hadisə olacaq və olmalıdır. Çünki bu, qaranlıq məqsədlərə görə belə bir məsələni ortaya atmaq və bunu AŞ PA kimi mötəbər qurumun gündəminə gətirmək, eyni vaxtda bir ölkə ilə bağlı iki hesabatın müzakirəyə çıxarmağın yalnış yol olduğunun sübutu oldu.
“Hesab edirəm ki, AŞ PA-nın rəhbərliyi, rəsmi qurumları bundan müvafiq nəticə çıxaracaqlar. Bu hadisə eyni zamanda, Azərbaycanın Avropa Şurasına üzv olan bir dövlət kimi öz üzərinə götürdüyü öhdəliklərə sadiq olduğunun və insan haqları, söz və vicdan azadlığı, demokratik cəmiyyət quruculuğu, vətəndaş cəmiyyətinin formalaşdırılması ilə bağlı öhdəliklərə nə qədər sadiq olduğunun göstəricisidir ki, bunu da müzakirələrin gedişində ayrı-ayrı ölkələrin parlamentariləri söylədilər. Bilirsiniz ki, neçə illərdir bu məsələ Azərbaycana qarşı daim istifadə olunmaqdadır. Biz də hər dəfə öz mövqeyimizi qəti şəkildə ortaya qoymaqdayıq. Bu hesabatın da meydana çıxması təsadüfi deyildi və onun hansı dairələrə xidmət etdiyi, kimlərdən təkan aldığı da bəlli idi. Əlbəttə, hesabatın qəbul olunmaması çox yaxşı haldır və oyektiv qərardır. Ancaq bu o demək deyil ki, həmin dairələr bu və buna bənzər məsələləri bir daha gündəmə gətirilməyəcək” - deyə, vitse-spiker qeyd edib.
Gələcəkdə də, “siyasi məhbus” məsələnin yenidən beynəlxalq təşkilatlarda ortaya atılması cəhdlərinə gəlincə, B.Muradova hazırki hesabat Azərbaycana qarşı yönəlmiş qara niyyətli dairələrin planlarının bir mərhələsi idi. Həmin dairələrin bundan sonra da geri çəkiləcəklərini düşünmədiyini deyən vitse-spikerin fikrincə, yəqin ki, qarşıdakı dövrlərdə onların hansısa bəhanələrlə yenə də Azərbaycana qarşı fəaliyyətinin təzahürlərini görəcəyik.
“Amma Ştrasserin hesabatının qəbul olunmamasının özü çox ibrətamiz faktdır və mənə elə gəlir ki, AŞ PA-nın parlamentariləri bu məsələdə növbəti dəfə özlərinin alət olmasına imkan verməyəcəklər. Həmin məruzəçi ətrafında yaranmış ajiotaj, onun öz ölkəsində nüfuzu olmadığı halda AŞ PA-ya daxil olan ölkələr çərçivəsində həddən artıq onun personasının şişirdilməsi və Azərbaycana baş tutmayan səfərləri ətrafında yaradılan ajiotaj onu göstərir ki, bu hadisələr təkcə bir nəfərin istəyi ilə bağlı deyil. Bütün bunlar onu deməyə əsas verir ki, buna bənzər hadisələr yenə də baş verə bilər. Amma Azərbaycan bütün hallarda özünə qarşı ədalətsiz yanaşmalara cavab verməyə həmişə hazırdır. Bir daha vurğulayıram ki, AŞ PA-nın üzvü olan parlamentarilər bu kimi məsələlərə açıq gözlə baxmalıdırlar, həqiqəti söylənləri müdafiə etməlidirlər. Və ümid edirəm ki, parlamentarilər qarayaxma kampaniyası nəticəsində özlərinin gizli niyyətlərini ortaya qoyanlara AŞ PA-nın tribunasından geniş şəkildə istifadə etməsinə imkan verməyəcəklər. Eyni zamanda hesab edirəm ki, bu mötəbər beynəlxalq təşkilatın fəaliyyətində obyektiv problemlərin həllini bir kənara qoyaraq süni şəkildə yaradılmış problemləri qabardaraq bir ölkədən düşmən obrazı yaratmaq yolverilməzdir və kimlərinsə komplekslərindən çıxış edərək özlərini təsdiq etmək niyyətlərini ortaya qoyanların cavabları veriləcək. Ona görə yox ki, qərəzli yanaşma Azərbaycana qarşı yönəlib, ona görə ki, bu, ümumilikdə demokratik ruhlu insanlara, obyektiv və qərəzsiz insanlara qarşı yönəlmiş fəaliyyətdir. Ştrasserin məruzəsinin qəbul olunmaması ilə AŞ PA-nın parlamenariləri düzgün mövqe nümayiş etdirərək qərəzli dairələrə öz yerlərini göstərdilər” - deyə, B.Muradova vurğulayıb.

Paylaş:

Baxılıb: 1009 dəfə