İstedadlı Azərbaycan rəssamı Aida Mahmudovanın Vyanada “Landscaped” adlı fərdi sərgisi açılıb

Bakı:

28 °C

47 %

3 m/s

Əlaqə

AZ RU EN

Ana səhifə / Mədəniyyət / İstedadlı Azərbaycan rəssamı Aida Mahmudovanın Vyanada “Landscaped” adlı fərdi sərgisi açılıb

İstedadlı Azərbaycan rəssamı Aida Mahmudovanın Vyanada “Landscaped” adlı fərdi sərgisi açılıb

08.04.2017 [12:20]

Vyanada Azərbaycan Mədəniyyət Mərkəzində istedadlı Azərbaycan rəssamı Aida Mahmudovanın “Landscaped” adlı fərdi sərgisi açılıb.
Gənc rəssamın fırçasının məhsulu olan rəsmlər toplusu sərgini ziyarət edən incəsənətsevərlər tərəfindən böyük maraqla qarşılanıb.
Avstriya ictimaiyyətinin nümayəndələrinin, incəsənət xadimlərinin, diplomatik korpusun təmsilçilərinin və həmyerlilərimizin iştirak etdikləri tədbiri giriş sözü ilə açan Azərbaycan Mədəniyyət Mərkəzinin direktoru Leyla Qasımova gənc rəssam Aida Mahmudovanın yaradıcılığı haqqında məlumat verib. Bildirilib ki, Bakıda dünyaya göz açan A.Mahmudova 2006-cı ildə Londonda Sent-Martin İncəsənət və Dizayn Kollecinin rəngkarlıq fakültəsini bitirib. Bu gün onun əsərləri beynəlxalq səviyyədə sərgilənir. Onun “Umwelt”, “Elysium”, “Ötüb keçərkən...”, “Daxili sakitlik” adlı fərdi sərgiləri dünyanın müxtəlif şəhərlərində nümayiş olunub. Rəssamın yaradıcılığında rəngkarlıq və fotoqrafiyadan tutmuş video installasiyalarına qədər müxtəlif texnikalara rast gəlmək mümkündür.
Rəsm silsilələrində A.Mahmudova bir sıra mövzularla yanaşı, xatirələr və nostalji hissləri araşdırır. Əsərlər daimi və sürətli dəyişikliklərə məruz qalan bir arxa planı - Azərbaycanın təbii şəraitini, şəhər mühitinin lirik ab-havasını görməyə və hiss etməyə imkan verir. O, diqqətdən kənar yerli və bəzən unudulan mənzərələri əsərinin ön planına yerləşdirməklə, Vətəninin gözəlliklərini təsvir edir.
Avstriyalı incəsənətsevərlər Aida Mahmudovanın əsərləri ilə indiyədək 2013-cü ildə “Bakıya uçuş. Müasir Azərbaycan incəsənəti” və 2014-cü ildə isə “VIENNAFAIR The New Contemporary” müasir incəsənət yarmarkasında tanış olmaq imkanı əldə ediblər. “Landescaped” isə gənc rəssamın Avstriyada nümayiş olunan ilk fərdi sərgisidir.
Qeyd edilib ki, rəssamlıq fəaliyyəti ilə yanaşı, Aida Mahmudova uğurlu incəsənət layihələrini də həyata keçirir. O, 2011-ci ildə əsası qoyulan “YARAT” Müasir İncəsənət Məkanının təsisçisi və bədii rəhbəridir. “YARAT” Azərbaycanda müasir incəsənətin ictimaiyyət tərəfindən dərk olunması, milli incəsənətimizin ölkə daxilində və beynəlxalq səviyyədə təbliği ilə məşğuldur.
Tədbirdə Vyanada yaşayan gənc musiqiçilər Jalə Rəsulova (fortepiano), Fərid Feyzullayev (violin) və Antonio Çorbaciyski (violonçel) Azərbaycan və Avropa bəstəkarlarının əsərlərindən ibarət musiqi proqramı ilə çıxış ediblər.
Sərgi mayın 23-dək davam edəcək.

Paylaş:

Baxılıb: 1105 dəfə