Qanunun təsdiqlənməsi...

Bakı:

23 °C

73 %

8 m/s

Əlaqə

AZ RU EN

Ana səhifə / İqtisadiyyat / Qanunun təsdiqlənməsi...

Qanunun təsdiqlənməsi...

07.07.2022 [10:06]

Yerli qızıl istehsalına müsbət təsir edəcək

Azad olunmuş ərazilərdə qızıl yataqlarının istismarı dövlət gəlirlərini artıracaq

N.BAYRAMLI

Prezident İlham Əliyev iyulun 5-də “Gədəbəy, Qoşa, Ordubad qrupu (Piyazbaşı, Ağyurd, Şəkərdərə, Kələki), Söyüdlü, Qızılbulaq və Vejnəli perspektiv qızıl filiz yataqlarının kəşfiyyatı, işlənməsi və hasilatın pay bölgüsü haqqında “Azərqızıl” Dövlət Şirkəti ilə ABŞ-ın “R.V. Investment Group Services” şirkəti arasında bağlanmış Sazişdə Dəyişiklik” sənədinin qəbul və təsdiq edilməsi, həyata keçirilməsinə icazə verilməsi barədə qanunu təsdiqləyib. Dəyişiklik onun qüvvəyə minməsindən irəli gələn bütün hüquqi nəticələri ilə Sazişin ayrılmaz hissəsidir.

Yeni qanun qüvvəyə mindikdən sonra Hökumət təminatı Qanun olur. Sazişdə konkret surətdə başqa hallar göstərilməyibsə, Hökumət təminatı Sazişin qüvvədə olduğu müddət ərzində Hökumət təminatına uyğun gəlməyən və ya zidd olan Azərbaycan Respublikasının hər hansı başqa mövcud və ya qəbul oluna biləcək qanunlarının, fərmanlarının, yaxud inzibati sərəncamlarının (və ya onların hissələrinin) müddəalarından üstün tutulur. Eləcə də, qanun qüvvəyə mindikdən sonra Podratçının (və ya onun hüquq varislərinin) Hökumət təminatı üzrə əldə etdiyi hüquqlar və mənafelər Podratçının qabaqcadan razılığı olmadan dəyişdirilə, düzəldilə və ya azaldıla bilməz.

Qanunda diqqət çəkən əsas məqamlardan biri işğaldan azad edilmiş ərazilərimizdəki qızıl yataqlarının işlənməsi ilə əlaqədardır. Məsələ ilə bağlı Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov qəzetimizə açıqlamasında bildirib ki, işğaldan azad olunmuş ərazilərimizdə qızıl yataqlarının işlənməsi bütövlükdə Azərbaycan iqtisadiyyatının, o cümlədən sənayenin inkişafı baxımından vacibdir. Onun sözlərinə görə, həmin ərazilərin uzun müddət işğal altında qaldığını nəzərə alsaq, bu müddətdə qızıl, filiz yataqları Ermənistan hakimiyyətinə yaxın şirkətlər tərəfindən beynəlxalq qanunlara zidd olaraq istismar edilmişdi: “Bu da Azərbaycanın təbii ehtiyatlarının bir hissəsinin beynəlxalq hüquqa zidd olaraq işğalçı ölkə tərəfindən mənimsənilməsinə gətirib çıxarmışdı. Artıq Azərbaycan ərazilərini azad edib. Bu da imkan verir ki, həmin ərazilərdəki qızıl və filiz yataqlarını? istismarı həyata keçirilsin. Yataqların istismarının həyata keçirilməsi Azərbaycanın dövlət gəlirlərinə müsbət təsir edəcək”.

Millət vəkilinin fikrincə, bu proses imkan verəcək ki, bir tərəfdən Azərbaycan qızıl ehtiyatlarını artıra bilsin, digər tərəfdən qızıl bazarına yerli məhsullar çıxarılsın: “Hazırda Azərbaycan qızıla olan tələbatın böyük hissəsini idxal hesabına ödəyir. Yerli istehsalın artması isə idxaldan asılılığın aradan qaldırılmasına təsir edəcək. Eyni zamanda, ölkəmizin qızıl ehtiyatının artırılması da önəmlidir”. V.Bayramov onu da qeyd edib ki, hazırkı mürəkkəb qlobal proseslər fonunda qızıl ehtiyatlarımızın artırılması geoiqtisadi və geosiyasi mövqeyimizin daha da möhkəmləndirilməsinə imkan yaradacaq”.

Paylaş:

Baxılıb: 842 dəfə