Xətai rayonunda 2014-cü ilin I rübünün yekunlarına həsr olunmuş hesabat yığıncağı keçirilib

Bakı:

24 °C

83 %

3 m/s

Əlaqə

AZ RU EN

Ana səhifə / İqtisadiyyat / Xətai rayonunda 2014-cü ilin I rübünün yekunlarına həsr olunmuş hesabat yığıncağı keçirilib

Xətai rayonunda 2014-cü ilin I rübünün yekunlarına həsr olunmuş hesabat yığıncağı keçirilib

19.04.2014 [13:59]

Dünən Xətai rayon İcra Hakimiyyəti (RİH) 2014-cü ilin I rübünün sosial-iqtisadi inkişafının yekunları və qarşıda duran vəzifələrə həsr olunmuş tədbir keçirib. Hesabat məruzəsi ilə çıxış edən Xətai RİH başçısı Razim Məmmədov bildirib ki, ötən dövrdə rayonun iqtisadi göstəriciləri yüksək olub. Belə ki, ötən rübdə rayonun iqtisadi və sosial sahələrində baş vermiş dəyişiklikləri əks etdirən makroiqtisadi göstəricilər təhlil edilərkən müəyyən olunub ki, rayonda məhsul istehsalı və xidmət sahələrinin dinamik inkişafı təmin olunub, onlara mütənasib olaraq rayonda sosial məsələlər uğurla həll edilib.
R.Məmmədov qeyd edib ki, Bakı şəhərinin və onun qəsəbələrinin sosial-iqtisadi inkişafına dair Dövlət Proqramının Xətai rayonunda icrası bu ilin birinci rübündə də uğurla davam etdirilib.
Daha sonra tədbirdə çıxış edən Yeni Azərbaycan Partiyasının (YAP) Siyasi Şurasının üzvü, “İki sahil” qəzetinin baş redaktoru Vüqar Rəhimzadə Azərbaycanın inkişaf istiqamətlərindən söz açıb. Bildirib ki, bu günlərdə Prezident İlham Əliyevin Sədrliyi ilə keçirilən Nazirlər Kabinetinin 2014-cü ilin birinci rübünün sosial-iqtisadi inkişafının yekunlarına və qarşıda duran vəzifələrə həsr olunmuş iclasda səslənən fikirlər, qeyd olunan məqamlar bir daha onu göstərir ki, ölkəmiz dinamik sürətlə inkişaf edir: “Bu gün Azərbaycanda böyük sosial, infrastruktur layihələri uğurla icra edilir. Qəbul edilən və müvəffəqiyyətlə həyata keçirilən dövlət proqramları insanların rifah halının daha da yaxşılaşmasına, paytaxt Bakı ilə yanaşı, respublikanın bütün bölgələrinin sürətlə inkişaf etməsinə, yeniləşməsinə xidmət edir. Digər rayonlar kimi, bu gün Xətai rayonunda da genişmiqyaslı tikinti-quruculuq, abadlıq işləri görülür. Rayonun siması günbəgün müsbət mənada dəyişir. Hesab edirəm ki, biz hər birimiz dövlətin bu istiqamətdə həyata keçirdiyi siyasətə dəstək olmalı, əlimizdən gələni əsirgəməməliyik”.
YAP Xətai rayon təşkilatının sədri, Milli Məclisin deputatı Hüseynbala Mirələmov da çıxışında əldə olunan sosial-iqtisadi uğurlardan, qazanılan nailiyyətlərdən danışıb. O, Xətai rayonunda həyata keçirilən layihələrdən söz açıb. Bildirib ki, Xətai RİH rəhbərliyinin fəaliyyəti nəticəsində bu gün rayon Bakı şəhərinin ən gözəl, abad bölgələrindən birinə çevrilir.
Qeyd edək ki, yığıncaqda Xətai RİH başçısının müavini Jalə Abdıyeva da çıxış edərək görülən işlərdən danışıb.

Paylaş:

Baxılıb: 1466 dəfə