Çərçivəyə sığmayan konfrans

Bakı:

26 °C

68 %

3 m/s

Əlaqə

AZ RU EN

Ana səhifə / Gündəm / Çərçivəyə sığmayan konfrans

Çərçivəyə sığmayan konfrans

15.11.2024 [10:33]

Liderlərin Sammiti!

Azərbaycan COP29-a layiqli ev sahibliyi edir

Son illərdə Azərbaycan mühüm beynəlxalq tədbirlərin keçirildiyi məkana çevrilib. Budur, dünyanın nəzərləri yenidən Azərbaycana dikilib. Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) keçirilir.

Artıq konfrans çərçivəsində bir sıra mühüm tədbirlər, o cümlədən də dövlət və hökumət başçılarının, BMT-nin Baş katibinin iştirakı ilə Liderlər Sammiti baş tutub. Prezident İlham Əliyev Liderlər Sammitində çıxış edib. Dövlətimizin başçısı çıxışında indiki dönəmdə dünya üçün aktuallığı heç vaxt olmadığı qədər artan iqlim çağırışlarına Azərbaycanın həssas yanaşmasını, ölkəmizin daim qlobal təhdidlər qarşısında beynəlxalq həmrəyliyin gücləndirlməsi təşəbbüslərindən çıxış etdiyini, bu və ya digər məsələlərdə yüksək fəallıq göstərdiyini diqqətə çatdırıb.

Beynəlxalq səviyyədə ölkəmizə olan hörmətin və inamın göstəricisi

COP29 BMT-in ən böyük tədbirlərindən biridir. Bir neçə gün ərzində paytaxtımızda qlobal istiləşmə və güclü sənaye inkişafı fonunda müşahidə edilən və ağır fəsadlar yaradan iqlim dəyişmələri ilə bağlı aktual müzakirələr aparılacaq və önəmli qərarlar qəbul olunacaq.

Belə bir mötəbər tədbirə ev sahibliyi hüququnun Azərbaycana verilməsi isə heç də təsadüfi deyil. İndiki dönəmdə hansısa bir ölkəni dünya birliyi üçün cəlbedici edən cəhətlərdən ən önəmlisi onun beynəlxalq imicidir. Bu kontekstdən çıxış edən beynəlxalq təşkilatlar öz tədbirlərini keçirərkən ölkənin imkanları və resursları ilə yanaşı, qlobal miqyasda mövqelərini də nəzərə alırlar.

Eyni zamanda, dünya birliyinin inamı Azərbaycanın beynəlxalq səviyyəli tədbirlərin keçirilməsində qazandığı zəngin təcrübədən qaynaqlanır. Beynəlxalq səviyyəli idman yarışlarını, müxtəlif mövzularda forumları, konfransları, müsabiqələri bura aid etmək olar. Həmin tədbirlərdə Azərbaycan özünün yüksək standartlarını təqdim edib və sonradan bu standartlar dünya səviyyəsində qəbul olunub. Liderlər Sammitindəki çıxışında ötən ilin dekabrında Dubayda baş tutan COP28 çərçivəsində beynəlxalq birliyin yekdilliklə COP29-a ev sahibliyi hüququnu Azərbaycana verməsindən məmnunluğunu bildirən Prezident İlham Əliyev vurğulayıb: “Ötən ilin dekabrında təxminən 200 ölkənin yekdil qərarı ilə Azərbaycana COP29-a ev sahibliyi etmək şərəfi verildi. Biz bu qərarı ölkəmizə olan hörmətin əlaməti, beynəlxalq arenada oynadığımız fəal rolun dəyərləndirilməsi kimi görürük”.

Öz növbəsində Azərbaycan da ənənəsinə sadiq qalaraq COP29-a son dərəcə məsuliyyətli hazırlıq həyata keçirib. Bütün hazırlıq işləri Prezident İlham Əliyevin cari ilin yanvarında imzaladığı müvafiq Sərəncam əsasında yaradılan COP29-un keçirilməsi ilə əlaqədar Təşkilat Komitəsinin rəhbərliyi ilə həyata keçirilib. Ötən dövr ərzində Təşkilat Komitəsinin 8 iclası baş tutub. Eyni zamanda, Prezident İlham Əliyev hazırlıq işlərinin gedişini şəxsi nəzarətində saxlayıb. Sonuncu dəfə Prezident İlham Əliyev və birinci xanım Mehriban Əliyeva noyabrın 4-də Bakı Olimpiya Stadionunun ərazisində COP29-la bağlı yaradılan şəraitlə tanış olublar.

Hazırlıq işlərinə belə məsuliyyətli yanaşmanın nəticəsidir ki, hazırda bütün dünya COP tarixində Bakıda çərçivəyə sığmayan bir konfrans izləyir. Azərbaycan COP29-a hər cəhətdən layiqli ev sahibliyi edir. Ölkəmiz beynəlxalq birliyə iqlim çağırışları ilə bağlı müzakirələrin aparılması üçün böyük bir platforma təqdim edib.

Yeri gəlmişkən, Bakıda COP29-un yüksək səviyyədə keçirilməsi müxtəlif ölkələri təmsil edən qonaqlar, rəsmi şəxslər, media nümayəndələri və ekspertlərlə yanaşı, dünya liderləri tərəfindən də qiymətləndirilir, tədbirlərin səviyyəsindən məmnunluq ifadə olunur. Yüksəksəviyyəli rəsmi nümayəndələr COP29 çərçivəsində keçirilən plenar iclaslarda, eləcə də digər tədbir və görüşlərdə, müsahibələrdə Azərbaycanın yüksək təşkilatçılıq qabiliyyətini, qonaqpərvərliyini və peşəkarlığını təqdir edir, COP29 danışıqlarının uğurla nəticələnəcəyinə ümidvarlıqlarını bildirirlər.

Paylaş:

Baxılıb: 661 dəfə