Ötən il AMEA-nın tarixində bir sıra mühüm hadisələrlə yadda qalıb

Bakı:

18 °C

59 %

5 m/s

Əlaqə

AZ RU EN

Ana səhifə / Elm / Ötən il AMEA-nın tarixində bir sıra mühüm hadisələrlə yadda qalıb

Ötən il AMEA-nın tarixində bir sıra mühüm hadisələrlə yadda qalıb

15.01.2015 [10:13]

2014-cü il Azərbaycan Milli Elmlər Akademiyasının həyatında (AMEA) bir sıra mühüm və əlamətdar hadisələrlə yadda qalıb.
AzərTAc xəbər verir ki, bu sözləri yanvarın 14-də akademiyada ötən ilin yekunlarına həsr olunan mətbuat konfransında AMEA-nın prezidenti, akademik Akif Əlizadə söyləyib.
Akademik ölkəmizdə ilk dəfə yüksək səviyyədə təşkil olunan Bakı Elm Festivalının və Azərbaycan Alimlərinin I Qurultayının keçirilməsini AMEA-nın tarixində elmi mühitimiz, onun inkişafı üçün əlamətdar hadisə adlandırıb.
AMEA-nın rəhbəri akademiyada aparılan islahatları sürətləndirmək, elmi müəssisələr arasındakı əlaqələri gücləndirmək, tədqiqat işlərinin səmərəli mexanizmlər üzərində qurulmasını təmin etmək və müəssisələr üçün aktual məsələlərin daha geniş müzakirəsinə nail olmaq məqsədi ilə qurumun elmi müəssisələrinin strukturunda dəyişikliklər edildiyini bildirib.
A.Əlizadə diqqətə çatdırıb ki, Gəncədə AMEA-nın yeni bölməsinin yaradılması akademiya və Azərbaycan elmi üçün vacib məsələdir.
2014-cü ildə elmin sosial problemləri diqqət mərkəzində olub. Artıq akademiyanın poliklinikasının layihəsi hazırlanır.
Akademik vurğulayıb ki, alimlərimizin əsas fəaliyyəti innovativ elmin inkişafına yönəlməlidir. Bu da müxtəlif istehsal sahələrinə dair innovativ təkliflərin irəli sürülməsi və onların həyata keçirilməsinə gətirib çıxaracaq. Xüsusilə son zamanlar kadr hazırlığında gənclərə böyük önəm verildiyini, yüksəkixtisaslı gənc alim və mütəxəssislərin yetişdirildiyini deyən AMEA-nın rəhbəri onlara göstərilən diqqət və qayğıdan, alimlərin sosial rifahının yaxşılaşdırılmasını nəzərdə tutan layihələrdən danışıb.
A.Əlizadə “Azərbaycan Milli Elmlər Akademiyasının Nizamnaməsi”nin təsdiqi barədə Prezident İlham Əliyevin 2014-cü il 11 dekabr tarixli Fərmanını və “Azərbaycan Milli Elmlər Akademiyasının 2020-ci ilə qədər İnkişaf Konsepsiyası”nı xatırladıb. Akademik hər iki sənədi elmi fəaliyyət sahəsində normativ-hüquqi bazanın gücləndirilməsi, elmi fəaliyyətin yeni əsaslarla təşkili, tədqiqatların prioritet istiqamətlərinin müəyyənləşdirilməsi, yüksəkixtisaslı kadrların hazırlanması, elmi işçilərin sosial təminatının yaxşılaşdırılması və elmi infrastrukturun müasirləşdirilməsi istiqamətində əhəmiyyətli addım kimi qiymətləndirib.
A.Əlizadə akademiyanın beynəlxalq əlaqələrindən, il ərzində görülmüş digər işlərdən də söhbət açıb. Bildirilib ki, regionlarda elmin kütləvi təbliği və populyarlaşdırılmasına yönəldilmiş bir sıra uğurlu layihələrə start verilməsi, fərqlənən alimlərin AMEA-nın adlı mükafatlarına layiq görülməsi, onların sosial müdafiəsi, akademiyada magistratura təhsilinin təşkili, ölkə alimlərinin mühüm tədqiqatlarının xaricdə tanınması, beynəlxalq tədbirlərdə iştirak etməsi akademiyanın uğurlu siyasətinin göstəricisidir.

Paylaş:

Baxılıb: 1942 dəfə