Heydər Əliyev
yeni azerbaycan logo

Ana səhifə / Ədəbiyyat / “Dəlicəsinə...” kitabının təqdimatı olub

“Dəlicəsinə...” kitabının təqdimatı olub

05.04.2014 [10:50]

Aprelin 4-də Azərbaycan Mətbuat Şurasında yazıçı-jurnalist Rəşad Məcidin “Dəlicəsinə...” kitabının təqdimatı olub.
AzərTAc xəbər verir ki, tədbirdə Azərbaycan Mətbuat Şurasının sədri Əflatun Amaşov çıxış edərək Rəşad Məcidin yaradıcılığı və yeni nəşr haqqında məlumat verib.
Ə.Amaşov müəllifin sayca beşinci kitabı olan “Dəlicəsinə...” əsərindən başqa onun “Hələ ki, vaxt var”, “10 sentyabr”, “Əlvida və salam” və “10 sentyabr” (müxtəlif dillərə tərcümə) əsərləri nəşr olunduğunu bildirib.
Qeyd edilib ki, dörd bölümdən ibarət “Dəlicəsinə...” kitabının “Yaşadıqlarım”, “Gördüklərim”, “Tanıdıqlarım” və “Dediklərim” bölmələrində yazıçının müxtəlif illərdə qələmə aldığı publisistik yazıları, səfər təəssüratları, portret-məqalələri və son illər müəllifin mətbuat orqanlarına verdiyi bir neçə müsahibəsi yer alıb.
Ə.Amaşov kitabda respublikamızın tanınmış insanlarına həsr edilmiş məqalələrin diqqəti daha çox cəlb etdiyini, bu yazıların özünəməxsusluğu və orijinallığı ilə seçildiyini xüsusilə vurğulayıb.
Təqdimat mərasimində çıxış edənlər kitabla bağlı təəssüratlarını bölüşüb, müəllifi təbrik ediblər. Rəşad Məcidin yazıçı, şair, publisist və jurnalist kimi çoxşaxəli fəaliyyəti yüksək qiymətləndirilib, onun yüksək əxlaqi-mənəvi keyfiyyətlərindən söhbət açılıb. Qeyd edilib ki, Rəşad Məcidin yaradıcılığı polifonik keyfiyyətdədir. Onun bütün yazılarında insana, Vətənə, yurda sevgi hissi üstünlük təşkil edir.
Bildirilib ki, Rəşad Məcidin bir publisist kimi tematikası çox zəngindir və bu zənginlik ona yazıçı müşahidəsindən gəlir. Onun müşahidələri hər dəfə yeni bir yaradıcılıq ovqatına, maraqlı bədii sözə, publisistika faktına çevrilir. Təqdim olunan kitab da yaradıcılıq faktına çevrilmiş ovqat toplusudur. Bu publisistik ovqat bizə istədiyimiz hər şeyi “dəlicəsinə” sevmək eşqi aşılayır.
Tədbirdə Rəşad Məcid çıxış edərək kitabın ərsəyə gəlməsindən, əsərdə haqqında portret məqalələr qələmə aldığı həmkarları ilə bağlı xatirələrindən söhbət açıb, nəşrə “Ön söz” ün müəllifi Cahangir Məmmədliyə və iştirakçılara minnətdarlığını bildirib.

Paylaş:
Baxılıb: 1648 dəfə

Xəbər lenti

Hamısına bax

Siyasət

Analitik

Ədəbiyyat

Şənbə üçün nəzm

01 Noyabr 08:24  

YAP xəbərləri

YAP xəbərləri

YAP xəbərləri

İqtisadiyyat

Analitik

Ədəbiyyat

Analitik

Sosial

“Müqəddəs axşam”

31 Oktyabr 08:57  

Sosial

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30