"Jurnalistlərin və ictimaiyyətin sayəsində ölkədə qiyamı əngəllədik"

Bakı:

28 °C

44 %

3 m/s

Əlaqə

AZ RU EN

Ana səhifə / Dünya / "Jurnalistlərin və ictimaiyyətin sayəsində ölkədə qiyamı əngəllədik"

"Jurnalistlərin və ictimaiyyətin sayəsində ölkədə qiyamı əngəllədik"

11.06.2009 [11:12]

Viktor Yuşşenko: Mən günahkar bəndəyəm, amma meydanda mənimlə birlikdə dayanan insanları satmamışam
“Mən tez-tez təkrarlamaq istəmirəm, ancaq “gələcəkdə Yuşşenko harada olacaq” deyə narahatlıq duymayın. Hansı dövlətdə, hansı cəmiyyətdə, hansı hüquqlarla yaşayacağınıza görə narahat olun”. APA-nın “UNİAN”a istinadən verdiyi məlumata görə, bu sözləri Ukrayna prezidenti Viktor Yuşşenko Kiyevdə keçirdiyi mətbuat konfransında deyib.
Yuliya Timoşenko ilə Viktor Yanukoviç arasında ittifaqın və köklü Konstitusiya dəyişikliyi ilə bağlı razılığın baş tutmamasını dəyərləndirən dövlət başçısı bəyan edib ki, bu çevriliş cəhdini cəmiyyət və jurnalistlər əngəllədi. O bildirib ki, son iki həftədə ölkə “QKçP”nin Ukrayna variantını yaşayıb və bu, həm prezident kimi onun üçün, həm də hər bir sadə vətəndaş üçün çətin sınaq idi: “İnsanlardan gizlin demokratiyanı, müstəqilliyi və vahidliyimizi əlimizdən almaq istəyirdirlər”.
Bununla yanaşı, V.Yuşşenko əlavə edib ki, bu qiyamın baş tutmasının mümkünsüzlüyünə əmin idi. O, hər zaman prezidentin parlamentdə seçilməsinə yol verməyəcəyini təkrarladığını xatırladıb. Dövlət başçısının sözlərinə görə, ictimaiyyəti vicdanla məlumatlandıran jurnalistlər və Konstitusiya dəyişikliyi niyyətinə qarşı çıxan vətəndaşların mövqeyi “Yuliya Timoşenko” bloku ilə Regionlar Partiyasının planlarını pozub: “Jurnalistlərin və ictimaiyyətin sayəsində biz qiyamın həyata keçirilməsinə yol vermədik. Bu gün (iyunun 9-da - APA.) Konstitusiyaya dəyişiklik etmək istəyirdilər. Amma bu, alınmadı. Prosesin fiqurantlarından birinin dediyi kimi, hər şey əldən çıxdı”.
Viktor Yuşşenko onu da bildirib ki, baş nazir Yuliya Timoşenko mütləq prezident seçkilərində iştirak etməlidir: “Yuliya Vladimirovna Timoşenko bu seçkiyə getməyə məcburdur. Onun blokundan olan deputatlardan biri mənə dedi ki, fraksiyada Viktor Yanukoviçlə ittifaqın zəruriliyi əsaslandırılarkən Yuliya Vladimirovna ümumxalq seçkisində uduzacağını, ona görə də Regionlar Partiyası ilə geniş koalisiya yaratmağın yeganə yol olduğunu vurğulayıb. Bu yolla o, baş nazir kimi öz hüquqlarını qoruyacaqdı”.
Viktor Yuşşenko “narıncı inqilab” zamanı meydanda onunla çiyin-çiyinə dayanan insanların heç birini satmadığını bildirib. O, deyib ki, günahsız bəndə yoxdur: “Sizin aranızda günahsız insan varmı? Yoxdur. Sizin qarşısında dayanan şəxs də günahları olan bəndədir”.
Dövlət başçısı bank işçisi olarkən siyasətdən uzaq durmağa çalışdığını, lakin vəziyyətin dəyişdiyini, əvvəlcə baş nazir olduğunu, daha sonra isə meydan hərəkatında xalqın qarşısına çıxdığını söyləyib. V.Yuşşenko meydanda onunla bərabər dayananları yaxşı xatırladığını vurğulayıb: “Mənimlə birlikdə olanların bir qismi karyera, bir qismi mənfəət üçün orada dayanmışdı. üçüncülər isə ideya arxasınca gedənlər idi. Mən indi sizin qarşınızda sanki ikonanın qarşısındayam və demək istəyirəm ki, heç kəsi incitməmişəm”.
V.Yuşşenko meydan hərəkatının qələbəsindən sonra tərəfdarları arasında portfel bölgüsü üzündən parçalanma yarandığını qeyd edib: “Orada bir qadın, bir kişi vardı. Sonrasını bilirsiniz”.
Prezidentin sözlərinə görə, meydandakı bir çox insan vəzifə aldıqdan sonra peşəkarlıq səviyyələrinin çatışmazlığı səbəbindən bu vəzifələrlə bacarmadılar. V.Yuşşenko bildirib ki, kimin nəyə qadir olduğunu əvvəlcədən bilmədiyinə görə özünü günahlandıra bilməz: “Siz demək istəyirsiniz ki, onların alnında kim olduqları yazılmışdı? Yoxsa, mən onları öz şəxsi mənafeyim üçün vəzifəyə dəvət etdim?”
Viktor Yuşşenko prezidentliyinin ilk 2 ilində 26 dəfə cərrahiyyə əməliyyatına məruz qaldığını da bəyan edib. Bu faktı ilk dəfə açıqladığını söyləyən dövlət başçısı bildirib ki, əməliyyatlardan kimsənin xəbəri olmurdu: “Həftənin cümə günləri hər kəs istirahətə gedərkən mən əməliyyata girirdim, birinci günlər isə işə çıxırdım”.
V.Yuşşenko hər əməliyyatın 3 saat davam etdiyini də əlavə edib. Xatırladaq ki, 2004-cü ilin prezident seçkiləri kampaniyası zamanı V.Yuşşenko qəflətən zəhərlənib. Ağır vəziyyətdə Avstriyanın Vyana şəhərindəki klinikalardan birinə aparılan V.Yuşşenkonun qanında dioksin kimyəvi maddəsi aşkarlanıb.

Paylaş:

Baxılıb: 1469 dəfə