Heydər Əliyev
yeni azerbaycan logo

Ana səhifə / Daxili siyasət / Araz çayında sahilbərkitmə işləri aparılır

Araz çayında sahilbərkitmə işləri aparılır

09.10.2013 [14:32]

Naxçıvan Muxtar Respublikasında çayətrafı torpaqların yuyulmasının qarşısının alınması və şoranlaşmış torpaqların münbitləşdirilməsi istiqamətində həyata keçirilən tədbirlər çərçivəsində sahilbərkitmə işləri mühüm əhəmiyyət kəsb edir. 2003-cü ildən başlayaraq Araz çayında sahilbərkitmə işləri aparılır.
Bu istiqamətdə həyata keçirilən tədbirlər 2013-cü ildə də davam etdirilib, Araz çayının Sədərək rayonu ərazisində sahilbərkitmə işləri aparılıb.
Naxçıvan Muxtar Respublikası Ali Məclisinin mətbuat xidmətindən AzərTAc-a bildiriblər ki, oktyabrın 8-də Ali Məclisinin Sədri Vasif Talıbov sahilbərkitmə işlərinin gedişi ilə maraqlanıb.
Naxçıvan Muxtar Respublikası Dövlət Meliorasiya və Su Təsərrüfatı Komitəsinin sədri Əsgər Əsgərov məlumat verib ki, Azərbaycan Respublikası ilə İslam İnkişaf Bankı arasında bağlanmış “Naxçıvan Muxtar Respublikasında selə qarşı tədbirlər, suvarılan ərazilərin modernləşdirilməsi və genişləndirilməsi” layihəsi çərçivəsində Araz çayı sahili boyunca daşla sahilbərkitmə işlərinin aparılması nəzərdə tutulub. Layihəyə uyğun olaraq bu ilin mart ayında Sədərək rayonu ərazisində sahilbərkitmə işlərinə başlanılıb. Bu günə qədər 6471 metr məsafədə daşla sahilbərkitmə işləri aparılıb, 2090 metr məsafədə isə yeni torpaq bənd tikilib. Hazırda 720 metr məsafədə daşla sahilbərkitmə işləri davam etdirilir. Sahilbərkitmə işlərinin aparılması Sədərək rayonunda yeni torpaq sahələrinin əkin dövriyyəsinə qatılmasına, torpaqların yuyulmasının və şoranlaşmasının qarşısının alınmasına səbəb olub.
Ali Məclisin Sədri muxtar respublikada meliorativ tədbirlərin əhatə dairəsinin genişləndirilməsi və sahilbərkitmə işlərinin davam etdirilməsi barədə müvafiq tapşırıqlar verib.

Paylaş:
Baxılıb: 1543 dəfə

Xəbər lenti

Hamısına bax

İqtisadiyyat

Siyasət

İqtisadiyyat

Siyasət

Siyasət

Analitik

Ədəbiyyat

Şənbə üçün nəzm

01 Noyabr 08:24  

YAP xəbərləri

YAP xəbərləri

YAP xəbərləri

Arxiv
B Be Ça Ç Ca C Ş
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30