Anım Günü dərin ehtiramın ifadəsidir

Bakı:

23 °C

56 %

2 m/s

Əlaqə

AZ RU EN

Ana səhifə / Arxiv / Anım Günü dərin ehtiramın ifadəsidir

Anım Günü dərin ehtiramın ifadəsidir

25.09.2026 [14:22]

Anım Günü dərin ehtiramın ifadəsidir. Prezident İlham Əliyevin 2020-ci il 2 dekabr tarixli Sərəncamına əsasən Vətən müharibəsində qəhrəmancasına döyüşmüş, Azərbaycan Bayrağını işğaldan azad edilən torpaqlarımızda dalğalandırmış, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq, hər il sentyabrın 27-si Azərbaycan Respublikasında Anım Günü kimi qeyd edilir.

Prezident, Müzəffər Ali Baş Komandan İlham Əliyev Vətən uğrunda canından keçən şəhidlərimizin xatirəsinə daim yüksək ehtiram göstərir, onların xatirəsinin əbədiləşdirilməsini, eləcə də qazilərimizin müalicəsini və sağlamlıqlarının bərpasını diqqət mərkəzində saxlayır.

Prezident İlham Əliyev çıxışlarında şəhidlərin qəhrəmanlığını daim yüksək qiymətləndirir. Dövlətimizin başçısı 10 noyabr 2020-ci ildə 44 günlük Vətən müharibəsinin başa çatması ilə bağlı xalqa müraciətində şəhidlərin qəhrəmanlığından, igidliyindən söz açaraq demişdir: "Birinci Qarabağ və İkinci Qarabağ müharibələrinin şəhidləri bizim qəlbimizdə əbədi yaşayacaq. Allah bütün şəhidlərimizə rəhmət eləsin. Onların qəhrəmanlığı, fədakarlığı nəticəsində biz torplaqlarımıza qayıdırıq. Biz bu Qələbəyə görə onlara borcluyuq. Onlar torpağımızı işğalçılardan qarış-qarış azad edib, onlar bizim bayrağımızı işğal edilmiş torpaqlarda qaldırıb. Bu, bizim hamımızın qələbəsidir, bütün Azərbaycan xalqının. Azərbaycan xalqı bir daha göstərdi ki, nə qədər böyük xalqdır, nə qədər vətənpərvər xalqdır, nə qədər dəmir iradəyə malik olan xalqdır.

Qarabağ və Şərqi Zəngəzur iqtisadi rayonlarında yaradılan sənaye parkları, aqroparklar və kiçik biznes güzəştləri regiona yerli və xarici investisiyaların cəlb edilməsinə geniş imkanlar açıb. Azad olunmuş şəhər və kəndlərdə məskunlaşan vətəndaşlarımız üçün yeni iş yerlərinin açılması, peşə təlimlərinin təşkil olunması və sosial müdafiə tədbirlərinin həyata keçirilməsi insanların öz ata-baba yurdlarında daimi və firavan yaşamasına zəmin yaradır.

27 sentyabr bizə həm keçmişi, həm də gələcəyi düşünmək imkanı verir. Keçmişdə itirdiklərimizi unutmamaq, şəhidlərimizin adını yaşatmaq və onların uğrunda canından keçdiyi Vətənin qədrini bilmək hər birimizin borcudur. Bu gün həm də gələcək nəsillərə tariximizi düzgün anlatmaq günüdür. Çünki tarix yalnız kitab səhifələrində qalmamalıdır. Xalqın yaşadığı ağrı, göstərdiyi fədakarlıq və qazandığı Zəfər yaddaşlarda daim yaşamalıdır.

Ağaverdi Əliverdiyev

YAP Qusarrayon təşkilatının əməkdaşı

Paylaş:

Baxılıb: 120 dəfə