Türk dünyasında gənclər siyasəti və ideoloji təhlükəsizlik

Bakı:

22 °C

94 %

0 m/s

Əlaqə

AZ RU EN

Ana səhifə / Arxiv / Türk dünyasında gənclər siyasəti və ideoloji təhlükəsizlik

Türk dünyasında gənclər siyasəti və ideoloji təhlükəsizlik

21.09.2026 [14:50]

Türk Dövlətləri Təşkilatının müasir beynəlxalq münasibətlər sistemində artan rolu, geosiyasi çəkisi və strateji əhəmiyyəti fonunda üzv dövlətlərin təhlükəsizlik orqanlarının rəhbərləri ilə keçirilən görüşlər mühüm siyasi platforma xarakteri daşıyır. Azərbaycan Respublikasının Prezidenti İlham Əliyevin Türk Dövlətləri Təşkilatına üzv və müşahidəçi dövlətlərin təhlükəsizlik şuraları katiblərinin iclasındakı proqram xarakterli çıxışı bu inteqrasiya prosesinin sadəcə iqtisadi, nəqliyyat və ya hərbi-siyasi sahələrlə məhdudlaşmadığını, həm də dərin humanitar, sosial və ideoloji ölçülərə malik olduğunu bir daha üzə çıxardı. Dövlət başçısının təşkilat çərçivəsində gənclər təşkilatlarının qarşılıqlı fəaliyyətinə daha çox diqqət yetirilməsi ilə bağlı xüsusi vurğusu Türk dünyasının uzunmüddətli strateji birliyinin təmin olunması yolunda irəli sürülmüş konseptual bir yanaşmadır. Bu çağırış, gənclərin yalnız cəmiyyətin gələcək qurucuları deyil, həm də dövlətlərimizin milli təhlükəsizlik arxitekturasının və ideoloji dayanıqlılığının vacib elementsiz hissəsi olduğunu göstərir.

Müasir dövrdə dövlətlərin gücü və rəqabət qabiliyyəti təkcə onların təbii resursları, coğrafi mövqeyi və ya hərbi potensialı ilə deyil, həm də yetişdirdikləri insan kapitalının keyfiyyəti, intellektual səviyyəsi və milli şüuru ilə ölçülür. Müstəqillik illərində formalaşan gənclər siyasəti hər zaman milli ruhun, vətənpərvərliyin və tarixi ənənələrə bağlılığın modernləşmə, elmi inkişaf və qlobal dünyaya inteqrasiya ilə sintezinə əsaslanmalıdır. Türk dövlətləri kontekstində gənclər siyasəti ortaq tarix, dil və mədəniyyət şüurunun yeni nəslə sistemli şəkildə ötürülməsi mexanizmidir. Gənclərin təşkilat daxilində qarşılıqlı fəaliyyəti, onların bir-birinin mədəniyyətini, coğrafiyasını və təfəkkürünü yaxından tanıması, ortaq dəyərlər ətrafında sıx birləşməsi gələcəkdə dövlətlərarası münasibətlərin daha sarsılmaz təməllər üzərində qurulmasına xidmət edir. Bu, sadəcə müvəqqəti sosial layihə deyil, Türk dünyasının genetik yaddaşının qorunması, bərpası və gələcək nəsillərə ötürülməsi prosesidir.

Qloballaşma və rəqəmsallaşma dövrünün ən böyük risklərindən biri yumşaq güc və informasiya texnologiyaları vasitəsilə həyata keçirilən ideoloji ekspansiya və psixoloji təsir cəhdləridir. Prezident İlham Əliyevin dəfələrlə diqqətə çatdırdığı kimi, gənclər tez-tez xarici ideoloji təsirlərin, yad mənəvi dəyərlərin, təhrif olunmuş informasiyaların və destruktiv təbliğatın əsas hədəfinə çevrilirlər. Sosial şəbəkələr, transmilli platformalar və müxtəlif beynəlxalq mərkəzlər vasitəsilə gənclərin şüuruna yeridilən radikal və ya kosmopolit ideyalar bəzən milli dövlətçilik maraqlarına, cəmiyyətin sabitliyinə və tarixi köklərə zidd tendensiyalar yaradır. Bu cür təhdidlərin qarşısını almaq üçün ən effektiv üsul qadağalar deyil, alternativ, cəlbedici və güclü bir milli-mənəvi qalxan yaratmaqdır. Türk Dövlətləri Təşkilatı çərçivəsində gənclərin birgə fəaliyyəti və həmrəyliyi onları kənar manipulyasiyalardan və ideoloji təxribatlardan qoruyacaq ideoloji immun sistemi rolunu oynayır. Gənclər öz güclərini öz köklərində, zəngin tarixlərində və ortaq Türk ailəsində gördükdə, kənar təsirlərə və ideoloji təzyiqlərə qarşı daha dayanıqlı və şüurlu müqavimət göstərirlər.

Gənclər təşkilatlarının aktivləşməsi və institutional müstəvidə əməkdaşlığı bu baxımdan əsas strateji vəzifə kimi qarşıya qoyulur. Bu təşkilatlar sadəcə formal görüşlər keçirən qurumlar deyil, daimi işlək mexanizmə malik canlı şəbəkələr kimi fəaliyyət göstərməlidir. Strateji baxımdan bu əməkdaşlıq TDT dövlətlərinin ali təhsil müəssisələri arasında tələbə və gənc alimlərin aktiv hərəkətliliyini, rəqəmsal diplomatiyanı, gənclərin sosial media platformalarında Türk dünyasının həqiqətlərini və mədəni irsini yaymaq üçün birgə informativ kampaniyalarını, ortaq qəhrəmanların və tarihi zəfərlərin təbliğini əhatə etməlidir. Eyni zamanda gənc mütəxəssislərin texnoloji startaplar, elmi tədqiqatlar, yaşıl enerjiyə keçid və innovasiyalar sahəsində şəbəkələşməsi xüsusi əhəmiyyət kəsb edir. Bu fəaliyyətlər gənclərdə ortaq mənsubiyyət və qürur hissini möhkəmləndirir, təşkilatın gələcəkdə qlobal miqyasda daha çevik, təsirli və effektiv bir qurum olmasını təmin edir.

Prezident İlham Əliyevin TDT gənclərinin birliyi və gənclər təşkilatlarının sıx əməkdaşlığı ilə bağlı səsləndirdiyi uzaqgörən fikirlər Türk dünyasının gələcək inkişaf modelinin tərkib hissəsidir. Türk dünyasının sarsılmaz birliyi yalnız rəsmi müqavilələrlə və dövlət rəhbərlərinin siyasi iradəsi ilə deyil, həm də gənc nəslin qəlbində, təfəkküründə və gündəlik həyatında qurulmalıdır. Gənclər təşkilatlarının qarşılıqlı fəaliyyətinə ayrılan diqqət və ayrılan resurslar, əslində dövlətlərimizin müstəqilliyinə, suverenliyinə, daxili sabitliyinə və gələcək rifahına qoyulan ən böyük strateji investisiyadır. Bu yol, ideoloji təhlükəsizliyin etibarlı təmin olunması və Türk dünyasının XXI əsrdə müstəqil qlobal güc mərkəzi kimi pozisiyalarının möhkəmləndirilməsi yoludur. Gənclərimizin birliyi, Türk dünyasının əbədi, sarsılmaz və qalib olmasının ən böyük zəmanətidir.

YAP Ordubad rayon təşkilatının məsləhətçisi Səbinə Əliyeva

Paylaş:

Baxılıb: 99 dəfə