Tərəqqi və Zəfər yolunda...

Bakı:

23 °C

78 %

6 m/s

Əlaqə

AZ RU EN

Ana səhifə / Arxiv / Tərəqqi və Zəfər yolunda...

Tərəqqi və Zəfər yolunda...

10.09.2026 [15:54]

Sentyabrın 10-da Yeni Azərbaycan Partiyası (YAP) Quba rayon təşkilatının XII konfransı keçirilib.

Əvvəlcə xalqımızın Ümummilli Lideri Heydər Əliyevin abidəsi ziyarət edilib, abidənin önünə gül dəstələri düzülüb.

Tədbirdə Ulu Öndər Heydər Əliyevin, ölkəmizin ərazi bütövlüyü və suverenliyi uğrunda canlarından keçmiş şəhidlərin xatirəsi bir dəqiqəlik sükutla anılıb. Azərbaycan Respublikasının Dövlət Himni səsləndirilib.

Konfransda YAP Quba rayon təşkilatının sədri Fidan Hüseynova hesabat məruzəsi ilə çıxış edib. O, rayon təşkilatının fəaliyyətinin partiyanın qarşıya qoyduğu vəzifələrə uyğun qurulduğunu, ərazi partiya təşkilatlarının fəaliyyətinin əlaqələndirilməsi, üzvlərlə işin daha da təkmilləşdirilməsi, qadın və gənclərin ictimai-siyasi fəallığının artırılması istiqamətində ardıcıl tədbirlərin həyata keçirildiyini bildirib.

Quba Rayon İcra Hakimiyyətinin başçısı İlqar Mahmudov çıxışında Qubada həyata keçirilən genişmiqyaslı sosial-iqtisadi layihələrdən, əhalinin rifahının yüksəldilməsi istiqamətində görülən işlərdən danışıb. O, Azərbaycanın tərəqqi və Zəfər yolunda inamla irəlilədiyini, ölkədə həyata keçirilən dövlət siyasətinin bölgələrin inkişafına mühüm imkanlar yaratdığını, Qubada da bu siyasətin ardıcıl şəkildə həyata keçirildiyini vurğulayıb. Bildirilib ki, YAP Quba rayon təşkilatı ictimai-siyasi proseslərdə fəal iştirak edir, dövlət siyasətinin mahiyyətinin ictimaiyyətə çatdırılmasına öz töhfəsini verir.

Milli Məclisin deputatı Əlibala Məhərrəmzadə Yeni Azərbaycan Partiyasının Azərbaycanın ictimai-siyasi həyatındakı rolundan bəhs edib. O qeyd edib ki, partiyanın milli maraqlara əsaslanan siyasi mövqeyi ölkənin davamlı inkişafına və dövlətçilik ənənələrinin möhkəmləndirilməsinə xidmət edir. Deputat YAP Quba rayon təşkilatının hesabat dövründə fəallığı ilə seçildiyini, qarşıya qoyulan vəzifələrin icrasında partiya üzvlərinin birgə fəaliyyətinin mühüm rol oynadığını bildirib.

Milli Məclisin deputatı Müşfiq Məmmədli Azərbaycanın son illərdə əldə etdiyi siyasi-iqtisadi və hərbi nailiyyətlərdən danışıb. O, Prezident İlham Əliyevin uzaqgörən siyasəti nəticəsində qlobal arenada dövlətimizin beynəlxalq mövqeyinin daha da gücləndiyini, ölkəmizin ərazi bütövlüyü və suverenliyinin tam təmin olunduğunu vurğulayıb. Deputat bildirib ki, bu uğurların əldə olunmasında xalq-iqtidar birliyi ilə yanaşı, Yeni Azərbaycan Partiyasının ictimai-siyasi proseslərdə fəal mövqeyi də xüsusi rol oynayır.

Azərbaycan Dövlət Pedaqoji Universitetinin Quba filialının baş müəllimi Elza Orucova təhsil müəssisələrində vətənpərvərlik, dövlətçilik və milli ideologiya prinsiplərinin təbliğinin gənclərin ictimai fəallığının artırılmasına müsbət təsir göstərdiyini bildirib.

YAP Mərkəzi Aparatının Təşkilat şöbəsinin baş məsləhətçisi Orxan Bayramov Yeni Azərbaycan Partiyasının VII qurultayından sonra görülən işlərdən və qarşıda duran əsas vəzifələrdən danışıb.

Konfransda YAP Quba rayon təşkilatının hesabat dövrü ərzindəki fəaliyyəti qənaətbəxş qiymətləndirilib və Yeni Azərbaycan Partiyasının VIII qurultayına nümayəndələr seçilib.

Sonda Yeni Azərbaycan Partiyasının Himni səsləndirilib.

Paylaş:

Baxılıb: 486 dəfə