Tərtərdə Milli Qurtuluş Gününə həsr olunmuş ümumrayon tədbiri keçirilib

Bakı:

23 °C

63 %

1 m/s

Əlaqə

AZ RU EN

Ana səhifə / Arxiv / Tərtərdə Milli Qurtuluş Gününə həsr olunmuş ümumrayon tədbiri keçirilib

Tərtərdə Milli Qurtuluş Gününə həsr olunmuş ümumrayon tədbiri keçirilib

12.06.2026 [14:41]

15 İyun – Milli Qurtuluş Günü münasibətilə “15 İyun – Milli Qurtuluş Günü: Ulu Öndər Heydər Əliyevin xilaskarlıq missiyası və müasir Azərbaycan” m[vzusunda tədbir keçirilib.

Tədbirdə Tərtər Rayon İcra Hakimiyyətinin başçısı Müstəqim Məmmədov, YAP Tərtər rayon təşkilatının sədri Eldar Əsədov və aparatın əməkdaşalrı, ƏPT sədrləri, məhkəmə və hüquq-mühafizə orqanlarının rəhbərləri, , idarə, müəssisə və təşkilat rəhbərləri, təhsil, səhiyyə, mədəniyyət işçiləri, şəhid ailələri, qazilər, veteranlar və rayon ictimaiyyətinin nümayəndələri iştirak ediblər.

Tədbir iştirakçıları əvvəlcə Ümummilli Lider Heydər Əliyevin şəhərin mərkəzində ucaldılmış abidəsini ziyarət edərək önünə gül dəstələri düzüb, dahi şəxsiyyətin əziz xatirəsini dərin ehtiramla yad ediblər.
Sonra rayon Mədəniyyət Mərkəzinin foyesində təşkil olunmuş, Ulu Öndərin zəngin həyat və siyasi fəaliyyətini əks etdirən foto-sərgiyə baxış keçirilib.
Təntənəli mərasim rayon Mədəniyyət Mərkəzinin akt zalında davam etdirilib.

Azərbaycan Respublikasının Dövlət Himni səsləndirildikdən sonra Yeni Azərbaycan Partiyasının qurucusu, Ümummilli Lider Heydər Əliyevin və ölkəmizin ərazi bütövlüyü, suverenliyi uğrunda canlarından keçmiş şəhidlərin xatirəsi bir dəqiqəlik sükutla yad olunub.
Ardınca Milli Qurtuluş Gününün tarixi əhəmiyyətini və Ulu Öndərin xalqımız qarşısındakı misilsiz xidmətlərini əks etdirən videoçarx nümayiş etdirilib.

Tədbirdə çıxış edən rayon icra hakimiyyətinin başçısı Müstəqim Məmmədov Milli Qurtuluş Gününün Azərbaycan dövlətçiliyinin taleyində müstəsna rolundan bəhs edib. Qeyd edib ki, 1993-cü ilin iyununda xalqın təkidli tələbi ilə hakimiyyətə qayıdan Ümummilli Lider Heydər Əliyev ölkəni parçalanmaq və vətəndaş qarşıdurması təhlükəsindən xilas edərək sabitliyin, inkişafın və müasir dövlət quruculuğunun əsasını qoyub. Bildirilib ki, Ulu Öndərin müəyyənləşdirdiyi siyasi kurs bu gün Azərbaycan Respublikasının Prezidenti, Müzəffər

Ali Baş Komandan cənab İlham Əliyev tərəfindən uğurla davam etdirilir, işğaldan azad olunmuş ərazilərdə geniş tikinti-abadlıq işləri aparılır.
Sonra YAP Tərtər rayon təşkilatının sədri Eldar Əsədov çıxış edərək bildirib ki, 15 İyun Milli Qurtuluş Günü bizə keçdiyimiz bu çətin, keşməkeşli, lakin bir o qədər də şərəfli inkişaf yolunu xatırladan, gələcək nəsillərə müstəqil dövlətçiliyimizi hər zaman göz bəbəyi kimi qorumağı aşılayan ən müqəddəs, ən qiymətli tarixi mirasımızdır. Bu qurtuluş fəlsəfəsi ölkəmizi hələ bundan sonra da daha böyük zirvələrə, qlobal uğurlara və parlaq gələcəyə daşıyacaqdır.
Qaçqınların və Məcburi Köçkünlərin İşləri üzrə Dövlət Komitəsinin rayon şöbəsinin baş məsləhətçisi Elmir Xəlilov və rayon icra hakimiyyətində könüllü, gənc jurnalist Əfşanə Əlizadə çıxış ediblər.
Tədbirin sonunda rayonun ictimai-siyasi həyatında fəal iştirakına görə fərqlənən bir qrup şəxsə YAP Tərtər rayon təşkilatı tərəfindən Fəxri fərmanlar və qiymətli hədiyyələr təqdim olunub.

Tədbir Qarabağ Regional Mədəniyyət İdarəsinin Tərtər nümayəndəliyinin hazırladığı konsert proqramı ilə başa çatıb.

Paylaş:

Baxılıb: 87 dəfə