Xocavənd rayonunda“15 İyun-Milli Qurtuluş Günü” münasibətilə “Qurtuluşdan Zəfərə” adlı dəyirmi masa keçirilib

Bakı:

23 °C

78 %

8 m/s

AZ RU EN

Ana səhifə / Arxiv / Xocavənd rayonunda“15 İyun-Milli Qurtuluş Günü” münasibətilə “Qurtuluşdan Zəfərə” adlı dəyirmi masa keçirilib

Xocavənd rayonunda“15 İyun-Milli Qurtuluş Günü” münasibətilə “Qurtuluşdan Zəfərə” adlı dəyirmi masa keçirilib

10.06.2026 [14:54]

10 iyun 2026-cü il tarixdə Yeni Azərbaycan Partiyası(YAP), Xocavənd rayon təşkilatı Xocavənd rayon Mədəniyyət Müəssisələri Ərazi Partiya Təşkilatı və Xocavənd rayon İcra Hakimiyyətinin birgə təşkilatçılığı ilə Xocavənd rayon Mədəniyyət evində “15 İyun-Milli Qurtuluş Günü” münasibətilə “Qurtuluşdan Zəfərə” adlı dəyirmi masa keçirilmişdir. Tədbirdə YAP Xocavənd rayon təşkilatının sədri Vüsal Hüseynov, Xocavənd rayon İcra Hakimiyyətinin əməkdaşı Nicat Şirinov, Xocavənd rayon Gənclər İdman sektorunun müdiri Aslan Quliyev və Xocavənd rayon Mədəniyyət müəssisələri ƏPT üzvləri iştirak edirdi.

Tədbir iştirakçıları öncə Xocavənd rayon Mərkəzləşdirilmiş Kitabxana Sisteminin (MKS) “15 İyun-Milli Qurtuluş Günü” ilə əlaqədar olaraq Ulu Öndər Heydər Əliyevin həyat və fəaliyyətindən bəhs edən kitab sərgisinə baxış keçirilmişdir.

Sonra tədbir Azərbaycan Respublikasının Dövlət himninin səsləndirilməsi ilə açıq elan olundu. Ulu öndər Heydər Əliyevin və torpaqlarımızın azadlığı uğrunda canlarından keçən şəhidlərimizin əziz xatirəsi bir dəqiqəlik sükutla yad edildi.

Tədbiri giriş sözü ilə açan YAP Xocavənd rayon təşkilatının sədri Vüsal Hüseynov çıxış edərək bildirdi ki, İyunun 15-i xalqımız üçün əsl qurtuluş tarixidir. Bu tarixi yaradan isə Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, daim xalqına arxalanan və xalqına arxa, dayaq olan Ümummilli Lider Heydər Əliyevdir. Bu gün milli qurtuluş ideologiyasının təntənəsi müstəqil respublikamızın davamlı inkişafında özünü büruzə verir, dünyada Azərbaycanın nüfuzu daha da artır. Ulu Öndər Heydər Əliyevin hakimiyyətə qayıdışından sonra ölkədə baş vermiş sosial-iqtisadi və siyasi inkişaf dövlətimizin möhkəmlənməsində, sivil dünyaya sıx inteqrasiya prosesinə qoşulmasında və xalqımızın strateji mənafelərini təmin edən modern cəmiyyətin qurulmasında həlledici rol oynadı. Beləliklə, bu mühüm tarixi gün xalqımızın yaddaşına Milli Qurtuluş Günü kimi həkk oldu və 1997-ci ildən etibarən parlamentin qərarı ilə rəsmi bayram kimi qeyd edilir. Bu gün Azərbaycanda müstəqil dövlətçilik ənənələri formalaşdırılmışdır və şübhəsiz ki, bu mühüm nailiyyətin əldə edilməsində ümummilli lider Heydər Əliyevin fədakar xidmətlərinin müstəsna əhəmiyyəti vardır. Onun siyasi xadim kimi yürütdüyü siyasətin başlıca qayəsi Azərbaycanın hər bir vətəndaşının təhlükəsizliyini qoruya biləcək qədər qüdrətli dövlətə çevirmək olub. Bu gün Azərbaycan Respublikasının Prezidenti İlham Əliyev Ümummilli Liderimizin siyasi kursuna sadiq qalaraq müstəqil ölkəmizi inamla gələcəyə doğru aparır

Tədbirdə Xocavən rayon İcra Hakimiyyətinin əməkdaşı Nicat Şirinov, Xocavənd rayon Gənclər İdman sektorunun müdiri Aslan Quliyev, fəal gənc Gülnar Eyvazxanlı və digər çıxış edənlər qeyd etdilər ki, Milli Qurtuluş Günü Azərbaycan xalqı üçün sadəcə təqvim bayramı deyil, böyük ictimai, siyasi və tarixi əhəmiyyətə malik bir gündür. İyunun 15-i xalqımız üçün əsl qurtuluş tarixidir. Bu tarixi yaradan isə Azərbaycanın müstəqilliyinin qorunub saxlanmasında, möhkəmlənməsində, inkişafında müstəsna rol oynayan, daim xalqına arxalanan Ümummilli Lider Heydər Əliyevdir.

Tədbir Yeni Azərbaycan Partiyası himnin səsləndirlməsi ilə başa çatmışdır.

Paylaş:

Baxılıb: 449 dəfə