Beyləqanda şahmat idman növü üzrə rayon turniri keçirildi

Bakı:

27 °C

47 %

3 m/s

Əlaqə

AZ RU EN

Ana səhifə / Arxiv / Beyləqanda şahmat idman növü üzrə rayon turniri keçirildi

Beyləqanda şahmat idman növü üzrə rayon turniri keçirildi

07.05.2026 [23:56]

“Şəhərsalma və Memarlıq İli” çərçivəsində 07 may 2026-cı il tarixdə Beyləqan Uşaq Gənclər-İdman Şahmat məktəbində Ümummilli Lider Heydər Əliyevin anadan olmasının 103-cü ildönümü münasibətilə Yeni Azərbaycan Partiyası Beyləqan rayon təşkilatının, Mil-Muğan Regional Təhsil İdarəsinin Beyləqan rayonu üzrə Təhsil sektorunun və Beyləqan Uşaq Gənclər-İdman Şahmat məktəbinin birgə təşkilatçılığı ilə yeniyetmələr arasında Şahmat idman növü üzrə rayon turniri keçirildi.

Tədbirdə Beyləqan Rayon İcra Hakimiyyətinin başçısı Əziz Əzizov, YAP Beyləqan rayon təşkilatının sədri Müşfiq Səfərov, Mil-Muğan Regional Təhsil İdarəsinin Beyləqan rayonu üzrə Təhsil sektorunun müdiri Elvin Abbasov, Mil-Muğan Regional Gənclər və İdman İdarəsinin Beyləqan rayon gənclər və idman sektorunun müdiri Sənan Quliyev və Beyləqan Olimpiya İdman Kompleksinin direktoru Gündüz İsgəndərov iştirak ediblər.

Əvvəlcə Ulu Öndər Heydər Əliyevin Beyləqan şəhərində ucaldılmış abidəsi ziyarət edilib, önünə gül dəstələri qoyularaq xatirəsinə dərin ehtiram ifadə olundu.

Beyləqan Rayon İcra Hakimiyyətinin başçısı Əziz Əzizov tədbirdə çıxış edərək bildirdi ki, turnir Azərbaycanda şahmatın indiki səviyyəyə çatmasında müstəsna xidmətləri olmuş Ulu Öndər Heydər Əliyevin əziz xatirəsinə həsr edilib. Əziz Əzizov qeyd etdi ki, Azərbaycana rəhbərlik etdiyi uzun illər ərzində Ümummilli Lider Heydər Əliyev idmanın inkişafına daim böyük qayğı göstərib və məhz onun təşəbbüsü ilə respublikamızın şəhər və rayonlarında çoxsaylı uşaq-gənclər şahmat məktəbləri istifadəyə verilib. Sevindirici haldır ki, əsası Ulu Öndər Heydər Əliyev tərəfindən qoyulan gənclərə, idmana, şahmata olan yüksək diqqət və qayğı bu gün Möhtərəm Prezident İlham Əliyev cənabları tərəfindən uğurla davam etdirilir.

YAP Beyləqan rayon təşkilatının sədri Müşfiq Səfərov çıxış edərək bildiridi ki, ölkəmizdə müasir idman siyasətinin əsası Ümummilli Lider Heydər Əliyev tərəfindən müəyyən edilmiş strateji kursa əsaslanır və bu siyasət bu gün uğurla davam etdirilir. Rayon təşkilatının sədri qeyd etdi ki, belə yarışların təşkili gənclər arasında idmanın kütləviliyinin artırılması, sağlam həyat tərzinin təbliği və vətənpərvərlik ruhunun gücləndirilməsi baxımından mühüm əhəmiyyət daşıyır. Eyni zamanda həyata keçirilən dövlət siyasəti nəticəsində Azərbaycan beynəlxalq idman aləmində nüfuzunu daha da möhkəmləndirir. Rayon təşkilatının sədri turnirdə iştirak edən yeniyetmə şahmatçıları, onların müəllim və məşqçilərini təbrik edərək onlara ən xoş arzularını bildirdi.

Tədbirdə Mil-Muğan Regional Təhsil İdarəsinin Beyləqan rayonu üzrə Təhsil sektorunun müdiri Elvin Abbasov çıxış edərək ölkəmizdə idmana və xüsusilə şahmata dövlət qayğısından və şahmatçılarımızın uğurlarından söz açaraq Beyləqan şahmatçılarının nailiyyətlərini vurğulayaraq, yarış iştirakçılarına uğurlar arzu etdi.

Turnirdə müxtəlif yaş qrupları üzrə 1-ci, 2-ci, və 3-cü yerləri tutan şahmatçılara qiymətli hədiyyələr, diplom və medallar, digər iştirakçılara isə təşəkkürnamələr təqdim edildi.

Paylaş:

Baxılıb: 275 dəfə