“Heydər Əliyev Xalqın Xilaskarı” adlı tədbir keçirilib

Bakı:

17 °C

57 %

9 m/s

Əlaqə

AZ RU EN

Ana səhifə / Arxiv / “Heydər Əliyev Xalqın Xilaskarı” adlı tədbir keçirilib

“Heydər Əliyev Xalqın Xilaskarı” adlı tədbir keçirilib

01.05.2026 [12:16]

Yeni Azərbaycan Partiyası Kəlbəcər rayon təşkilatı Tərtər rayonun Bəyimsarov kəndində fəaliyyət göstərən 64 nömrəli orta məktəbində “Memarlıq və Şəhərsalma İli” çərçivəsində Ulu Öndər Heydər Əliyevin anadan olmasının 103-cü ildönümünə həsr olunmuş “Heydər Əliyev Xalqın Xilaskarı” adlı tədbir keçirilib.

Tədbirdə YAP Kəlbəcər rayon təşkilatının sədri Həbib Mısırov, məktəbin direktoru, Ərazi Partiya təşkilatının sədri Oktay Ələkbərli və məktəbin pedaqoji kollektiv iştirak ediblər.Tədbir iştirakçıları əvvəlcə Ulu Öndər Heydər Əliyevin və Vətən uğrunda canlarını fəda etmiş şəhidlərin əziz xatirəsini bir dəqiqəlik sükutla yad ediblər.Daha sonra çıxış edən YAP Kəlbəcər rayon təşkilatının sədri Həbib Mısırov Ulu Öndər Heydər Əliyevin Azərbaycan xalqı qarşısındakı misilsiz xidmətlərindən bəhs edib. Bildirib ki,

Ulu Öndər ölkəmizi parçalanmaq və dövlətçiliyimizin məhv olmaq təhlükəsindən xilas edərək müstəqil və müasir Azərbaycan dövlətinin möhkəm təməllər üzərində qurulmasına nail olub. O, həmçinin qeyd edib ki, Ulu Öndərdən sonra onun siyasi kursu layiqli davamçısı, Möhtərəm Prezidentimiz tərəfindən uğurla davam etdirilir.Sədr Həbib Misirov qeyd etdi ki, Prezident İlham Əliyevin rəhbərliyi ilə tarixi torpaqlarımız işğaldan azad edilib, ərazi bütövlüyümüz və suverenliyimiz tam bərpa olunub. Hazırda azad edilmiş ərazilərdə genişmiqyaslı quruculuq işləri aparılır, Böyük Qayıdış proqramı çərçivəsində Qarabağ və Şərqi Zəngəzur yenidən qurulur. Kəlbəcər rayonunda da artıq həyat canlanır, məskunlaşma prosesi başlayıb və təhsil müəssisələri fəaliyyət göstərir.Tədbirdə çıxış edən məktəbin direktoru, Ərazi Partiya təşkilatının sədri Oktay Ələkbərli və digər natiqlər Ulu Öndər Heydər Əliyevin təhsilə göstərdiyi diqqət və qayğını xüsusi vurğulayıblar. Bildirdilər ki, bu siyasət bu gün də Prezident İlham Əliyev və Birinci vitse-prezident Mehriban Əliyeva tərəfindən uğurla davam etdirilir. Çıxışlarda gənc nəslin Ulu Öndərin ideyaları əsasında tərbiyə olunmasının vacibliyi qeyd edilib.Həmçinin bildirilib ki, Müzəffər sərkərdəmiz cənab Prezidentin rəhbərliyi ilə qazanılan zəfər şəhidlərimizin qəhrəmanlığı, qazilərimizin fədakarlığı və xalqımızın birliyi nəticəsində mümkün olub. Bu gün artıq işğaldan azad edilmiş ərazilərə qayıdış prosesi uğurla davam edir.Tədbir çərçivəsində həmin məktəbin ikinci sinif şagirdi Vətən müharibəsi şəhidi Hüseynovun Mirzənin övladı Nuray Hüseynova ziyarət olunub və ona Yeni Azərbaycan Partiyası Kəlbəcər rayon təşkilatı tərəfindən təşəkkürnamə diplomu təqdim edilib.

Sonda Yeni Azərbaycan Partiyasına yeni qəbul olunmuş üzvlərə üzvlük vəsiqələri təqdim olunub,partiyanın fəaliyyətində fəal iştirak edən bir qrup üzv isə fəxri fərmanla təltif edilib.

Paylaş:

Baxılıb: 235 dəfə