Dayanıqlı inkişafa hədəflənmiş yeni konsepsiya
13.02.2026 [15:29]
Bu gün dünya nizamı yenidən qurulur və daim yenilənən, qloballaşan dünyada inkişaf etmək üçün daim yeni tələbat yaranır. Bütün ölkələr yeni tələbatlarla ayaqlaşmağa, yeniliklərdən yararlanaraq inkişaf etməyə, təbii resurslara yiyələnməyə, imkanlarını genişləndirməyə, özünün gücünü, qüdrətini və vətəndaşlarının maddi rifahını yüksəltməyə çalışır.
Müasir dünyada dövlətlərin gücü isə bu gün təkcə təbii resurslarla və hərbi potensialla deyil, eyni zamanda rəqəmsal idarəetmə imkanları, innovasiya mühiti və texnoloji müstəqillik səviyyəsi ilə ölçülür. Eyni zamanda müasir dövrün əsas tələblərindən biri də dövlət idarəçiliyinin daha çevik, şəffaf, sürətli və effektiv sistemə keçididir.
Bu baxımdan Azərbaycan Respublikasının Prezidenti cənab İlham Əliyevin xüsusi vurğuladığı “Azərbaycanın yeni rəqəmsal arxitekturası” anlayışı ölkənin gələcək inkişaf xəttini müəyyən edən strateji yanaşma kimi dəyərləndirilir.
Prezident İlham Əliyevin sədrliyi ilə keçirilən“Azərbaycanın yeni rəqəmsal arxitekturası” adlı vahid fəaliyyət planına həsr olunmuş müşavirədə dövlət başçısının ölkəmizin inkişaf perspektivlərindən danışaraq dövlət qurumları arasında sıx təmasların qurulması, pərakəndəliyə yol verilməməsi və qısa müddət ərzində Rəqəmsal İnkişaf və Nəqliyyat Nazirliyi tərəfindən dövlət qurumları ilə birlikdə tədbirlər planının hazırlamasına dair verdiyi tapşırıqlar müasir dövrün tələblərinə uyğun olaraq ölkəmizin dayanıqlı inkişafını təmin etmək üçün yeni konsepsiyaya keçidin zəruri olduğunu təsdiq edir.
Müşavirə zamanı Prezident İlham Əliyevin çıxışı və verdiyi tapşırıqlar dövlətin tam yeni bir konsepsiya ilə bu istiqamətdə nəzərdə tutduğu planların ictimaiyyətə təqdim edilməsidir. Bu model Azərbaycana regional liderlik imkanları qazandırmaqla yanaşı, vətəndaşların həyat keyfiyyətini yüksəldən, dövlət xidmətlərini daha şəffaf və çevik edən, iqtisadiyyatın qeyri-neft sektorunu inkişaf etdirən mühüm strateji xəttdir. “Yeni rəqəmsal arxitektura” bütövlükdə dövlətin idarəetmə fəlsəfəsinin, iqtisadiyyatın təşkilinin və sosial xidmətlərin təqdim edilməsinin yeni texnoloji əsaslar üzərində qurulması deməkdir. Burada ölkənin dövlət idarəçiliyi, iqtisadi münasibətləri və sosial xidmətləri üçün vahid, inteqrasiya olunmuş, təhlükəsiz və ağıllı rəqəmsal sistemin formalaşdırılması nəzərdə tutulur. İlk növbədə rəqəmsal arxitektura iqtisadi idarəetmədə şəffaflığı artırır. Dövlət xidmətlərinin rəqəmsallaşması biznes mühitini daha əlverişli edir, sahibkarlar üçün əsas problem olan vaxt itkisini aradan qaldırır. Elektron hökumət platformalarının genişlənməsi, ASAN xidmət modelinin rəqəmsal imkanlarla daha da zənginləşməsi insanlara vaxt və xərc baxımından daha böyük üstünlüklər verir.
Prezident İlham Əliyev müşavirədə müasir rəqəmsal arxitekturanın sosial baxımdan ən mühüm nəticəsinin dövlət-vətəndaş münasibətlərinin daha müasir və daha əlçatan formaya keçməsi olduğunu vurğulayaraq "Süni intellektin tətbiqi dövlət qurumlarında geniş vüsət almalıdır. Dövlət xidmətləri "mygov" üzərindən, yəni vahid mərkəzdən həyata keçirilməlidir və hər kəs bunu bilməlidir - həm dövlət qurumları, həm vətəndaşlar” deməsi bu tətbiqin vətəndaşlar üçün də çox böyük üstünlüklər təmin edəcəyini yəqin edir.
Dünyada gedən meyilləri və trendləri diqqətə çatdıran ölkə başçısının “Bu gün süni intellektin tətbiqi, data mərkəzlərinin yaradılması, rəqəmsallaşma ilə bağlı islahatlar faktiki olaraq ölkələrin gələcək inkişafını müəyyən edir. Azərbaycanda bu istiqamətdə müəyyən işlər görülüb və ən önəmlisi gələcək fəaliyyətimizdə bu məsələni əsas prioritetlər siyahısına daxil etməyimizdir" deməklə görüləcək işlərin və bu sahədə kadr hazırlığının vacibliyini önə çəkdi, həm dövlət qurumları, həmdə vətəndaşlar üçün qarşıda duran vəzifələrin istiqamətini göstərdi.
Bir sözlə “Azərbaycanın yeni rəqəmsal arxitekturası” anlayışı rəqəmsal texnologiyaların sadəcə tətbiqi deyil, dövlətin idarəçilik mexanizminin tamamilə modernləşdirilməsini, iqtisadiyyatın rəqabət qabiliyyətinin artırılmasını və sosial rifahın daha möhkəm əsaslar üzərində qurulmasını və bütövlükdə ölkəmizin dayanıqlı inkişafını təmin edəcək yeni konsepsiyadır.
Vüqar İsayev,
YAP Göygöl rayon təşkilatının sədri
Xəbər lenti
Hamısına bax
Dünya
17 Aprel 15:58
YAP xəbərləri
17 Aprel 15:55
Sosial
17 Aprel 15:51
Hadisə
17 Aprel 15:43
Sosial
17 Aprel 15:27
Dünya
17 Aprel 15:23
Sosial
17 Aprel 15:16
İdman
17 Aprel 15:15
Siyasət
17 Aprel 15:02
Siyasət
17 Aprel 15:01
YAP xəbərləri
17 Aprel 14:54
Dünya
17 Aprel 14:45
Dünya
17 Aprel 14:41
Siyasət
17 Aprel 14:33
Sosial
17 Aprel 14:32
Dünya
17 Aprel 14:19
Dünya
17 Aprel 13:50
Dünya
17 Aprel 13:27
Gündəm
17 Aprel 13:08
Gündəm
17 Aprel 12:54
Siyasət
17 Aprel 12:44
Gündəm
17 Aprel 12:22
İqtisadiyyat
17 Aprel 12:16
Siyasət
17 Aprel 12:16
Sosial
17 Aprel 12:15
Gündəm
17 Aprel 11:48
Siyasət
17 Aprel 11:38
İqtisadiyyat
17 Aprel 11:34
İqtisadiyyat
17 Aprel 11:12
Gündəm
17 Aprel 10:50
Sosial
17 Aprel 10:43
Siyasət
17 Aprel 10:37
Analitik
17 Aprel 10:15
Gündəm
17 Aprel 09:58
Analitik
17 Aprel 09:33
Elm
17 Aprel 09:14
Sosial
17 Aprel 08:51
Sosial
17 Aprel 08:30
Gündəm
17 Aprel 08:15
Hərbi
17 Aprel 07:42
Siyasət
17 Aprel 07:32
Siyasət
17 Aprel 07:31
Dünya
16 Aprel 23:12
Dünya
16 Aprel 22:43
Dünya
16 Aprel 22:16
Elm
16 Aprel 21:59
Dünya
16 Aprel 21:20
İqtisadiyyat
16 Aprel 21:09
Dünya
16 Aprel 20:45
Dünya
16 Aprel 20:33
Sosial
16 Aprel 20:18
Dünya
16 Aprel 19:51
Dünya
16 Aprel 19:31
Dünya
16 Aprel 19:27
Gündəm
16 Aprel 18:59
Dünya
16 Aprel 18:23
YAP xəbərləri
16 Aprel 17:55
Siyasət
16 Aprel 17:32
YAP xəbərləri
16 Aprel 17:20
Dünya
16 Aprel 17:19
Sosial
16 Aprel 17:16
Hadisə
16 Aprel 16:28
Dünya
16 Aprel 16:09
Sosial
16 Aprel 15:52
Siyasət
16 Aprel 15:50
Dünya
16 Aprel 15:32
Siyasət
16 Aprel 15:22
Sosial
16 Aprel 15:20
Siyasət
16 Aprel 15:10
Gündəm
16 Aprel 14:51
