YAP Nəsimi rayon təşkilatının növbəti ərazi partiya təşkilatında hesabat-seçki iclası keçirilib

Bakı:

14 °C

82 %

7 m/s

Əlaqə

AZ RU EN

Ana səhifə / Arxiv / YAP Nəsimi rayon təşkilatının növbəti ərazi partiya təşkilatında hesabat-seçki iclası keçirilib

YAP Nəsimi rayon təşkilatının növbəti ərazi partiya təşkilatında hesabat-seçki iclası keçirilib

09.02.2026 [16:17]

2026-cı il fevralın 6-da Yeni Azərbaycan Partiyası (YAP) Nəsimi rayon təşkilatının Süleyman Rüstəm küçəsi 33 ünvanı üzrə (Bakı Slavyan Universiteti) ərazi partiya təşkilatının hesabat-seçki iclası keçirilib. İclasda ərazi partiya təşkilatının 260 üzvündən 228 nəfəri iştirak edib.

İclasda gündəliyə uyğun olaraq ərazi partiya təşkilatının ötən beş illik fəaliyyəti haqqında hesabat dinlənilib və təşkilatın yeni sədri və sədr müavini seçilib.

İclasa sədrlik edən YAP Nəsimi rayon təşkilatının sədri Azər Süleymanov bildirib ki, Ümummilli Lider Heydər Əliyevin ideyalarına söykənən və Prezident İlham Əliyevin rəhbərliyi ilə fəaliyyət göstərən Yeni Azərbaycan Partiyası bu gün ölkənin ən güclü siyasi təşkilatıdır. O, xüsusilə gənclərin partiya sıralarında fəallığının artmasını və bu fəallığın 44 günlük Vətən müharibəsində Azərbaycanın tarixi Zəfərinin qazanılmasında mühüm rol oynadığını vurğulayıb. Azər Süleymanov partiya üzvlərinin sosial şəbəkələrdə fəaliyyətinin daha sistemli və koordinasiyalı şəkildə təşkilinin vacibliyini qeyd edib.

Daha sonra ərazi partiya təşkilatının sədri Sevinc Axundova ötən beş illik fəaliyyətlə bağlı hesabat məruzəsi ilə çıxış edib. O bildirib ki, 2021–2026-cı illər ərzində təşkilat partiyanın Nizamnamə və Proqramına uyğun olaraq fəaliyyət göstərib, gənclərlə ideoloji işin aparılması, milli-mənəvi dəyərlərin təbliği, sosial şəbəkələrdə təbliğat-təşviqat işlərinin gücləndirilməsi istiqamətində ardıcıl tədbirlər həyata keçirib. Hesabat dövründə keçirilən prezident, parlament və bələdiyyə seçkilərində partiya üzvlərinin fəal iştirak etdiyi diqqətə çatdırılıb.

Hesabat məruzəsi ətrafında Bakı Slavyan Universitetinin rektoru Anar Nağıyev, rektorun məsləhətçisi Ənvər Abbasov, Elmi işlər və innovasiyalar üzrə prorektor vəzifəsini icra edən Əsgər Əhməd, Pedaqogika kafedrasının müdiri Piralı Əliyev çıxış edərək ərazi partiya təşkilatının fəaliyyətini müsbət qiymətləndiriblər.

Səsvermə nəticəsində ərazi partiya təşkilatının beş illik fəaliyyəti yekdilliklə qənaətbəxş hesab edilib.

Sonra təşkilati məsələlərə baxılıb. Bakı Slavyan Universitetinin Tədris məsələləri üzrə prorektoru Cahangirov Fikrət Fətiş oğlunun ərazi partiya təşkilatının sədri, dekan Allahverdiyeva Günel Teyyub qızının isə sədr müavini vəzifələrinə namizədliyi irəli sürülüb. Səsvermə nəticəsində hər iki namizəd yekdilliklə seçilib.

İclasın sonunda qəbul edilmiş qərara əsasən, Cahangirov Fikrət Fətiş oğlu ərazi partiya təşkilatının sədri, Allahverdiyeva Günel Teyyub qızı isə sədr müavini seçiliblər.

Paylaş:

Baxılıb: 314 dəfə